Kenesis 9
9
1Im Nōbū yivīeves Nōa mōvun nĭtnĭme eni mō menūwi pun ōra memokū, Utepū, mūlegalx mūlegetevtevi, mo?-?vūara ugi ra nemap. 2Aremī nimtetugi enugkĭmi ĭm ne?-?metet enugkĭmi woreti iranda ov nūrah sū ra nemap, mōvun menōk omwi sū ūnēī, im tiame sū mori umĭntavekarara ra nemap, ĭm nom ū sū ūlepun‐tok; ya kosī movunōra ra nokopmū. 3Tiame sū mori umūrep wanti nevag nĭsekomi, Ya kosī movug‐kūm omwi sū ĭm novuan nē sū sugkū. 4Kō fan gi nomūrep mori de eni, kĭmi kūtū‐oni.
5Ya onesorugi de ra nomūrep enugkĭmi; ya onesorugi pe marugi ov nūrah sū ĭm ra nokobinda ōveteme, ĭm ra nokoben eni avĭnsī eni sī neteme, ya onesorugi pe nomūrep eni sī neteme. 6Iyi sī mori owosĭlĭgi de eni neteme, de eni iyi mori antĭn nowosilĭgi ugi neteme; it iyi Nōbū yĭmumpi iyi ra safi eni, 7ĭm kĭmi, ūlegalx, ūten?-?damsah, mūlegetevtevi ra nemap.
8Im Nōbū yōmenūwi pugi Nōa mōvun nĭtnĭme eni dal iyi memokū, 9Yx, pah, ya kum numpi ūnam nam alam enyx dal‐e‐kĭmi, ĭm dal irora ov nūrah sū nomūrep dal‐e‐kĭmi, 10ĭm dal ōvun menōk sū, ĭm dal ov nūrah sū ra nemap mori sū dal‐e‐kĭmi, ĭm dal ōvun menōk sū, ĭm dal ov nūrah sū ra nemap mori sū dal‐e‐kĭmi, irora sū mori umampe marugi ark, ov nūrah sū omwi sū ra nemap. 11Ya onumpi ūnam nam alam enyx tovun‐e‐kūm, ĭm fan omwi sū otū ōmĭntĭvavtĭti ugi nōisap; ĭm sī mōmū nōisap otū ōmĭntĭvavtĭti nemap.
12Im Nōbū yōmenūwi memokū Imō oti safi ra nam ūnam enyx mori nĭsekog ĭm nĭsekomi, ĭm nĭsekonda ov nūrah sū nomūrep omwi sū dal‐e‐kimi ra palsi sū ūvum?-?dōwi: 13Ya okotĭpe ūmitara enyx ra nakop, mimō mori oti safi ra nam ūnam enyx tovun‐e‐yx, ĭm tovuni nemap. 14Mō mantepū ra nĭmpugon ya ontamūli nakop ran tan nemap kĭmi kwagesi ūmitara ra nakop. 15Im ya konĭn?-?temi nam ūnam enyx tovun‐e‐yx, ĭm tovunok, ĭm tovun‐ōra ov nūrah sū nomūrep ra fanda sū omwi sū, ĭm nū sū ūtū ōmantepū nōisap woretū‐ōmetĭvavtĭti fan omwi sū. 16Pol sugkū ūmitara anti ra nakop ya kagesi pe mō me?-?nĭntemi nam ūnam enyx ĭndōwi tovuni Nōbū, ĭm tovun‐ōra ov nūrah sū nomūrep ra fanda omwi sū ra nemap.
17Im Nōbū yōmenūwi pugi Nōa memokū, Imō oti safi ra nam ūnam enyx mori ya osī metipe tovun‐e‐yx, ĭm to?-?vun‐ōra fanda omwi su ra nemap.
18Mōvun nĭtnĭme eni Nōa mori dūmūve ilat marugi ark dūti Sem, ĭm Ham, ĭm Yafet: Ham yeti ĭtemen eni Kēnan. 19Imo sū en desel dūti eni Nōa, mov netevokontū sū omwi sū ra nemap dūmnē ra irora mori.
20Im Nōa yetĭndōwi nasĭmnūok; miyi yimōwi denūok ugi vīn, 21mō moneki wīn marugi pe mō mete nxeterĭmlū; miyi yetūseni ūnesog tent eni. 22Miyi Ham ĭtemen eni Kēnan yokesi netūseni eni ĭtemen eni mō ĭm tampĭgi pun ōra ravĭnsīeme eni ilat. 23Miyi Sem, ĭm Yafet dūvī nemas dūtipe ra nĭvlokonda mō mavan kitanda mō mūseni pe netūseni eni ītemenda, mirora dūalampia ra ĭtemenda, dūtōkesi netūseni eni ĭtemenda.
24Im Nōa yĭvsora marugi wīn eni mō mokili ugi imō mori nĭtni ĭtevirok eni yumpi iran. 25Miyi yĭmenūwi memokū, Oti navoret iran Kēnan; iyi anti lĭvsx wokon enirora ōvun lĭvsx nisekonda ravĭnsīeme.
26Miyi yōmenūwi memokū, Oti nevīeves Sem ugi Iehōva, Nōbū enyx, ĭm Kēnan anti livsx eni.
27Iehōva onumpi Yafet ra nūsian, miyi autĭndōwi ra mumpon ovun tenteni Sem, ĭm Kēnan anti lĭvsx eni. 28Im dan sū iran Nōa penūri nōisap dūti nevi sū tri hunder ĭm fĭfti. 29Im dan sū omwi sū iran Nōa dūti nevi sū nīn hunder ĭm fĭfti: miyi yimas.
বর্তমানে নির্বাচিত:
Kenesis 9: ERGOT
হাইলাইট
শেয়ার
কপি
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
