Jenesis 9
9
O Del achel pe iek orba e Noeea
1O Del blagosisarda e Noee ta leke chaurren, ta phenda lenge:
Te avel tumen but chaurre ta tumaro porodo te pherel e phuv.#Jen 1.28. 2Ta sa e zivirinie pe phuv ka daran angla tumende, ta sa e chiriklia, ta sa gola kai terrinpe pe phuv, ta sa e mache e morake, tumen ka gazdarin pe lende. 3Sai jan sa e zivirinie ta e patra zelene kai mangena te pravaren tumen. Me dav len tumenge. 4A si iek ezgoda kai morabi te na jan, o mas e ratea, soke ando rat si o zivoto.#Lv 7.26-27; 17.10-14; 19.26; Dt 12.16,23; 15.23. 5Me ka chinav kris pe suako manus, ta pe suako zivirinia kai mundarela vareka tumendar. Ta ka chinav kris pe vareka kai mundarela avere.
6Vareko te mundarela iekhe manuse,
aver manus ka mundarel le,
soke o manus si cherdo
prema o Del.#Jen 1.27.
7A tumen, ¡te avel tumen but chaurre,
ta pheren e phuv tumare chaurrenchar!#Jen 1.28.
8Ta o Del phenda e Noeeke ta leke chaurrenge:
9Dikhen, me akana achav po alav tumenchar ta tumare porodoia, 10ta i sa e zivirinienchar e phuviake kai si tumenchar, ta e chiriklienchar, ta i golenchar kai likiste katar e bari llimia. 11Ta pe gaia orba ka achav tumenchar, kai ni ka zatriv ios e manusen ta ni e zivirinien iekhe paiea gia baro te zatril e phuv. 12Ta o Del phenda:
Gava si so ka mukav te dikhol te sai llanen pe savi orba achilem tumenchar ta i e zivirinienchar ostade. 13Muklem mi kustik ande oblakura te sai dikhol, ta gia te llanen pe savi orba achilem e phuviaia. 14Ta kana ka cherav te aven e oblakura, e kustik ka dikhol ande oblakura. 15Ondaka ka dav man golli katar e orba kai achilem tumenchar ta i sa e zivirinienchar, ta ni ka avel ios iek pai gia baro te zatril tumen. 16Ta kana ka avel e kustik ande oblakura, me ka dikhav la ta ka dav man golli katar e orba kai achilem tumenchar ostade, sa e manusenchar ta sa e zivirinienchar kai si pe phuv. 17Ta i o Del phenda e Noeeke:
Gava si so muklem te dikhol te sai llanen pe savi orba achilem e manusenchar ta e zivirinienchar kai si pe phuv.
O Noe ta leke chaurre
18E chave e Noeeke kai likiste katar e bari llimia sea o Sem, o Kam, ta o Jafet. A o Kam saia o dad katar o Kanaan. 19Gala sea e trin chaurre e Noeeke, ta katar lengo porodo pherdili pale e phuv.
20Mapalal o Noe thoda te radil e phuv, ta bariarda drakha. 21Ta iek llive o Noe pila mol ta matilo, ta achilo nango ande pi chara. 22Ta o Kam kai saia o dad katar o Kanaan, dikhla pe dade nango ta llelo te phenel le pe duie phlalenge kai sea avri. 23Ondaka o Sem ta o Jafet lie iek chiti ta thodele pe pe zea, ta die e zea karing po dad ta phirde palpale te na dikhen pe dade nango.
24Kana o Noe trazosailo ta llangla so cherdaia lea leko chaurro o mai terno, 25phenda:
¡Proketo te avel o Kanaan!
¡Ka avel o sluga e slugengo
pe phlalenge!
26Ta i phenda:
Blagosime te avel o Gazda, o Del katar o Sem,
ta o Kanaan te avel leko sluga.
27Ta o Del te bariarel e phuv katar o Jafet,
ta te zivil ande chare katar o Sem,
ta o Kanaan te avel leko sluga.
28Ta kana nakhle a bare paia kai uchardea e phuv, o Noe zivisarda trin stotine ta pinda burs. 29Ta sa e bursa kai zivisarda o Noe sea inia stotine ta pinda burs, ta mulo.
বর্তমানে নির্বাচিত:
Jenesis 9: BACHRO
হাইলাইট
শেয়ার
কপি
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
