Jenesis 14
14
O Abram braduil e Lote
1Ande gua vreme o Amrafel saia o charo katar o Sinar, o Ariok saia o charo katar o Elasar, o Kedorlaomer saia o charo katar o Elam, ta o Tidal saia o charo katar o Goim. 2Von mardepe sa gale charonenchar, gala si lenge anava:
O Bera charo katar e Sodoma, o Birsa charo katar e Gomorra, o Sinab charo katar o Adma, o Semeber charo katar o Seboim, ta i mardepe e charoia katar o Bela kai ikhardol Soar. 3Sa gala llene chidinaile te marenpe ande umal kai ikhardol Sidim, kote kai si e Mora Loneki. 4O charo o Kedorlaomer gazdarisarda pe lende desudui burs, a kana avile e desutrin burs gala charura mangle te marenpe lea. 5Kana nakhla burs llive, o Kedorlaomer ta e charura kai sea lea, llele kai e phuv katar o Astarot Karnaim, ta kote marde e llenen kai ikhardon refaitura, ta mapalal marde e llenen kai ikhardon zuzitura ando Jam, a e llenen kai ikhardon emitura marde len ando Save Kiriataim, 6a e llenen kai ikhardon joreura marde len pe burdura katar o Seir llik kai o Param kai si pasa o pusto. 7Kana irisailo o Kedorlaomer ta e llene kai sea lea, avile ando Enmispat kai si isto o Kades, ta zatrisarde sogo malade pe po drom ande phuv katar e amalekitura, ta cherde isto gia e llenenchar kai ikhardon amorreura, kai zivina ande phuv kai ikhardol Jaseson Tamar.
8Ondaka likiste e charura katar e Sodoma ta e Gomorra, ta katar e Adma, ta katar o Seboim, ta katar e Bela kai si isto o Soar, ta mardepe lenchar ande umal kai ikhardol Sidim. 9Gala charura mardepe gale charonenchar:
O Kedorlaomer charo katar o Elam, o Tidal charo katar o Goim, o Amrafel charo katar o Sinar, ta o Ariok charo katar o Elasar. Star charura mardepe panlle charonenchar. 10Ta ande sa goia umal katar o Sidim sea but bare jivia pherde turkali, kana e charura katar e Sodoma ta e Gomorra mangena te nasen katar o maripe, peletar ande gola jivia. A ogola charura nasle pe burdura.
11Ta e star charura kai dobisarde, inllarde peke sa o jape ta sa lengo barvalipe kai saia len ande Sodoma ta e Gomorra, ta lleletar kotar. 12Ta i inllarde e Lote kai saia sinoucho katar o Abram ande Sodoma. Ta inllarde le phanglo sa pe ezgodenchar kai saia le. 13A iek lleno kai nasloia llelo te phenel sa so nakhla e Abramake o ebreo, kai zivila kai si e kasta katar o Mamre o amorreo. O Mamre saia phlal katar o Eskol ta katar o Aner, ta von sea amal e Abrameke.
14Kana o Abram llangla kai leko sinoucho saia phanglo, chidia pe slugen kai biandilea ande leko cher, kai sea trin stotine ta desojto llene ta llelo lenchar te marelpe e charonenchar, llik kai o foro kai ikhardol Dan. 15Ta orachaia po chorial o Abram ta e llene kai sea lea die korvane ande charura ta marde len llik kai o Oba, kai si ando norte katar o foro katar o Damasko. 16Ta lie lendar sa o barvalipe kai saia katar leko sinoucho. Gia o Abram braduisarda pe sinoucho e Lote, ta anda pale leko barvalipe ta sa so saia le, ta mukliarda e diskinien ta e llenen kai sea phangle.
O Melkisedek blagosil e Abrame
17Kana o Abram dobisarda e charo e Kedorlaomere ta leke charonen, o charo katar e Sodoma avilo angla le ande umal katar o Save, kai si e umal katar o charo. 18Ondaka o Melkisedek kai saia o charo katar o Salem, ta popo katar o Del o baro, ikanda marrno ta mol, 19ta blagosisarda e Abrame gale alavenchar:
Te blagosil tut o Del o baro,
kai cherda o miloso ta e phuv,
20ta blagosime te avel o Del o baro#Ebr 5.6—7.17.
kai cherda te dobi che dusmanonen.
Ondaka o Abram dia o diesmo katar sa so andaia.
21Mapalal o charo katar e Sodoma phenda leke:
De man e llenen ta le chuke sa o barvalipe.
22A o Abram phenda leke:
Jalem sovel e Gazdake, o Del o baro kai cherda o miloso ta e phuv, 23kai ni ka lav niso katar so si chiro, ni te avela iek thav, ni iek kavisi e miniiengo. Gia nikada nasti ka phene kai tu sana kai cherdan man barvalo. 24Samo ka lav so jale e terne, ta so perel gale ternen kai llele manchar, o Aner, o Eskol, ta o Mamre, von ka len so pherel len.
বর্তমানে নির্বাচিত:
Jenesis 14: BACHRO
হাইলাইট
শেয়ার
কপি
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
