युहन्ना कीताबौ परीचय
कीताबौ परीचय
इसे युहन्नै रीक्च सेछ समाचार हो। इला युहन्नै येशूकी परमेश्वरौ अनन्तओ बचन, होसे “बचन भर्मी छानार कानुङ मीघ्याङ बास जाटा” डेम रीक्ङने। येशू न परमेश्वरौ मीजा र प्रतिज्ञा जाट्च मुक्ति याछ ख्रीष्ट हो। इसे सेछ समाचार परेस्चकै येशूकी होटजाट्न न विश्वास जाट्ख्यौ र होसे विश्वास लकीङ होखुरीकै सेन्र मासीच जीवन डुप्ख्यौ डेच आसै रीक्च हो २०:३१।
इसे कीताबौ सुरुवाङ युहन्नै डेले, परमेश्वरौ बचन र येशू काट न हो। याङ्च जानकारी न्हुइङ इसे सेछ समाचारौ पहीलो भागै होसे अचम्मौ कामकुङ बारेयाङ डेले, येशू न परमेश्वरौ मीजा र प्रतिज्ञा जाट्च मुक्ति याछ ख्रीष्ट हो डेयार छर्लङ्ग बुझडीले। होटै न्हुइङ येशूये याछ शिक्षौ बारेयाङ रीक्ङने। पहीलो भागै कुटजाट्न कुडीक जना भर्मीको येशूकी विश्वास जाट्चै होसकुङ चेला छाना, टर अरुकै चहीँ होसकोकी विरोध जाटा र होसकोकी विश्वास माजाटा डेयार डेले। तेह्र लकीङ सत्र अध्यायकोवाङ येशूये लाहाकी घोच नाबीक चेलाकोखाटा जाट्च सङ्गटी र क्रूसाङ सीकी डेनाङ अगाडी होसकै चेलाकोलाक टयारी र ढाडसौ बचनको याछ बारेयाङ रीक्ङने। न्हुङ्लकुङ अध्यायकोवाङ येशूकी घोच र होसकुङ परिक्षा, होसको क्रूसाङ सीच, फेरी सीच लकीङ जीवाम सोच र होस न्हुइङ होसको लहो चेलाको लेठाङ डाङ्च बारेयाङ डेमने।
सेन्र मासीच जीवनौ वरदान च ख्रीष्ट लकीङ डुप्ले। इसे वरदान येशूकी लाम, सत्य र जीवन मन्डीयार होसको लेठाङ राछकै डुप्ले। इसे युहन्नै रीक्च सेछ समाचारौ गजबौ कुरा इसे ले की आत्मौ कुरा बुझडीकी डी, रोटो, ज्योति, गोठ्ला र भेडा, अङ्गुरौ म्यार्टुङ र मीस्या डेम साधारण कुराकुङ खाट्च उदाहरणको लामने।
टुन्छ बीसय सुची
सुरुङ भुमीका १:१-१८
बप्तिस्मा याछ युहन्ना र येशूओ चेलाको १:१९-५१
येशूओ सार्वजनिक सेवा २:१–१२:५०
यरूशलेम र यरूशलेम खेरेप बीटडीच अन्टीम डीनको १३:१–१९:४२
येशू सीच लकीङ जीवाम सोच र डाङ्च २०:१-३१
समापन अङ्स: येशू फेरी गालीलाङ डाङ्च २१:१-२५
বর্তমানে নির্বাচিত:
युहन्ना कीताबौ परीचय: EMGP
হাইলাইট
শেয়ার
কপি
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.