Oduu Nagayaa Ka Maatewoosii 6

Waan Arjumma'aa

1 # 23:5 Yesuus, «Namni akka isin arguuf jettanii hujii mishaa afoo isaaniititti akka hin hunye uf eeggadhaa'a! Akkas yoo gootan, Abbaa keessan ka samii jiraatu irraa gatii hin argattani.

2«Eegasuu isin hennaa hiyyeeyyi'iif arjoomtan, akka worra uf tuulanii nama biratti ulfinna ittiin argatu'uuf jedhanii, mana sagadaatii fi karaa irrattillee uf mudhisu'uuf akkuma godhan, hin godhinaa'a. Ani dhugamaan isiniin jedha isaan gatii ufii argataniiran. 3-4#Rom. 12:8 Ati ammoo hennaa arjoomtu, arjummaan kee dhossa'aan akka ta'u, waan harki kee ka mirgaa hojjatu harki kee ka bita'aa hin beekin! Abbaan kee ka waan dhossa'aan godhame argu jasaa kee ifaan sii deebisa.

Waan Faateffanna'aa

(Luq. 11:2-4)

5 # Luq. 18:10-14 «Isin hennaa faateeffattan, akka worra fakkeessuu hin ta'inaa'a! Isaan akka worri biraa isaan arganiif, mana sagadaatii fi wolgayii karaa gugurdaa irra dhaabatanii kadhachuu jaalatan; ani dhugamaan isiniin jedha, isaan gatii ufii fudhataniiran. 6#Mootota 2ffaa 4:33 Ati ammoo hennaa faateeffattu gara golaa ol seenii, balbala kee cufadhuu, Abbaa kee ka dhossaa jiru kadhadhu. Abbaan kee ka dhossa'aan si argu gatii kee sii kenna. 7#Mootota 1ffaa 18:26 «Hennaa faateeffattan akka worra Yihuudota hin taanee, dubbii bu'aa hin qabne irra hin deddeebi'inaa'a; isaan dubbii guddisu'uun waan Rabbi isaanii dhagayu seeyan. 8#6:32; Luq. 12:30 Kanaafuu isin isaan hin fakkaatinaa'a. Abbaan keessan waan isin barbaachisu uduma isin isa hin gaafatinuu hin beeka.

9«Kanaaf, hennaa faateeffattan:

Abbaa keenna ka samii jirtu,

Maqaan kee haa woyyoomu;

10 # 26:42 Jeennanni tee haa dhuftu;

fedhiin tee akkuma samii irratti taate,

akkasuma lafarrattillee haa taatu.

11Nyaata adha nu barbaachisu adhuma nuu kenni.

12 # 18:32-33 Akkuma nu worra nu yakkuuf dhiifnu,

yakka keenna nuu dhiisi.

13 # 26:41; Yoh. 17:15; Tas. 2ffaa 3:3; Xim. 2ffaa 4:18 Hamaa jalaa nu baasi #6:13baasi: eegi

ataabe'etti nu hin galchin,

[jeennanni, hunni, ulfinnillee

baruma baraan tanteeti Amiin!]

14 # Mar. 11:25-26; Efe. 4:32; Qol. 3:13 «Yoo isin yakka namootaaf dhiiftan, Abbaan keessan ka sami'ii cubbuu keessan isinii dhiisa. 15#18:35 Yoo isin yakka namootaaf dhiisuu diddan, Abbaan keessan cubbuu keessan isinii hin dhiisu» jedhe.

Waan Soomaa

16 # Isaayyaasii Raatticha 58:5 Yesuus, «Hennaa soomtan akka worra fakkeessuu uf hin daalacheessinaa'a; namootaatti akka soomaniiran uf mudhisu'uuf fuula ufii guuran. Dhugamaan isiniin jedha, isaan gatii ufii fudhataniiran. 17-18Ati ammoo hennaa soomtu, fuula kee dhiqadhu! mataa keellee dibadhu. Soomuun kee abbaa kee ka waan dhossa'aan hojjatamu maraa argutti malee, ka biraa eennullee akka hin argine godhi! ka waan ati dhossa'aan hujju maraa argu, gatii kee sii kenna» jedhe.

Qabeenna samii Irraa

(Luq. 12:33-34)

19 # Yaq. 5:2-3 Yesuus ammallee, «Qabeenna keessan lafa irratti hulee rimminii fi dammeessaan balleessutti, hulee hattoonni cabsitee hattutti, hin kuufatinaa'a. 20#19:21; Qol. 3:1-2 Isin ammoo qabeenna keessan samii irratti hulee rimminii fi dammeessaan hin balleessinetti, hulee hattuunillee cabsitee hin hanneetti kuufadhaa'a. 21Hulee qabeenni keessan jiru garaan keessanillee jira.»

Ifa Nafaa

(Luq. 11:34-36)

22Yesuus, «Ijji ifa nafaa ti; ijji tee yoo fayyaa taate, nafti kee maruu ifaa ta'a. 23#20:15; Mar. 7:22 Ijji tee yoo dhukkubsattuu taate ammoo, nafti kee hoomaanuu dukkanaayaa ta'a; Eegasuu ifni si keessa jiru dukkanaayaa yoo ta'e, dukkanni sun attam attam gudda'aa!» jedhe.

Rabbii Fi Qabeenna Namaa

(Luq. 16:13; 12:22-31)

24Ammallee Yesuus, «Eennullee gooftaa lamaa bitamuu ka danda'u hin jiru. Tokkicha hin jibba, kaan ammoo hin jaalata; yookiin tokkochaaf uf kennee kaan ammoo hin tuffata. Akkasuma Rabbii fi duniya'aa qixa bitamuu hin dandeettan» jedhe.

25 # Filph. 4:6; Phex. 1ffaa 4:7 «Kanaaf akkana isiniin jedha, jiruu teessaniif maal nyaanna yookiin maal dhunna, yookiin nafa keessaniif, maal uffanna jettanii hin yaaddayinaa'a! Jiruun nyaata, nafti uffata hin caaluu? 26#10:29-31 Simbirroota sami'ii laalaa'a; isaan hin facaafatan, hin haamatan, gootara'attillee hin galfatan, Abbaan keessan ka samii jiru isaan nyaachisa. Isin guddiftanii sinbirroota hin caaltanii? 27Isin keessaa namni yaaddayee hojjaa ufii irratti ciqilee takkattii eda'uu danda'u eennu? 28Waan uffataatiif maaf yaaddoftan? Abaaboon raasaa keessaa attamitti akka guddatan qalbi'iin laalaa'a, isaan hin hojjatan, hin dadhaban, jirbiillee hin fooyan. 29#Mootota 1ffaa 10:4-7; Seenaa 2ffaa 9:3-6 Haata'uu ammoo, Solomoon mootiinuu ulfinna guddaa uduu qabuu, Abaaboo sanniin keessaa akka tokkichaatittillee hin uffanne. 30Rabbi abaaboo raasa'aa ka adha jiru, ka boru ibiddatti gatamu yoo akkanatti ka uwwisu ta'e, isin bada worra amantii diqqo'oo; isin attamitti caalchisee uwwisuu dadhaba ree?

31 # Rom. 14:17 «Maarre, ‹Maal nyaanna?› yookiin ‹Maal dhunna?› yookiin ‹Maal uffanna?› jedha'aa hin yaaddayinaa'a; 32Kana maraa worri Yihuudota hin taanee waan barbaadaniif. Kun martinuu akka isin barbaachisu, Abbaan keessan ka sami'ii hin beeka. 33#Mootota 1ffaa 3:13; Kitaaba Faarfanna'aa 37:4; Luq. 10:42 Isin ammoo duraan dursa'aatii jeennata Rabbiitii fi qajeellummaa soqaa'a; wonti kun martinuu isiniif eda'ama. 34Kanaafuu waan boruutiif hin yaaddayinaa'a; guyyaan boruu ufiifuu yaada isa gawu qabaa; rakkinni adhaa adhaaf hin gaya.

বর্তমানে নির্বাচিত:

Oduu Nagayaa Ka Maatewoosii 6: WLNT

হাইলাইট

কপি