Ioan 4
4
E Samariteanca.
1O Rai ašundea kă le Fariseaia ašundine kă O kărăl thai bolel mai but jenen sar o Ioan.#Cap. 3.22, 26.
2Ta o Isus či bolelas orta O, ta Lehkă jene.
3Atunčeara telerdea andai Iudea, thai amboldi'lo ande Galilea.
4Anda kă trăbulas te nakhăl andai Samaria,
5arăslo paša khă četatea andai phuw la Samariati, kai bušolas Sixar, paše la phuweataer, kai deasla o Iakovo pehkă šavehkă le Iosifohkă.#Gen. 33.19; 48.22. Ios. 24.32.
6Oče arakhadeolas e xaing Iakovosti. O Isus, ašado le phirimastar, bešelas paša e xaing. Sas kam koa čeaso le šovengo.
7Avili khă juwli andai Samaria te ankalavel pai. „De Ma te peau,” phendea lakă o Isus.
8Kă le jene Lehkă gălesas ande četatea te tinen xamahko.
9E juwli e Samariteanka, phendea Lehkă: „Sar, Tu, Iudeo, mangăs te pes mandar, juwli Samariteanka?” – Le Iudea, ando čeačimos, nai le phanglimata le Samaritença.#2Thag. 17.24. Luka 9.52, 53. Kărd. 10.28.
10Čeačio phendimos, o Isus phendea lakă: „Te prinjeandino tu e pativ le Devllesti, thai Kon sî Kukoa kai phenel tukă: „De Ma te peau!” tu korkoŕo sahkă mangăs te pes, thai O sahkă del tu pai juvindo.”#Is. 12.3; 44.3. Ier. 2.13. Zax. 13.1; 14.8.
11„Raia”, phendea Lehkă e juwli, „nai sosa te ankalaves pai, thai e xaing sî andră; katar daštisa te aveltu kadoa pai o juvindo?
12San Tu mai baro sar amaro dadd o Iakovo, kai deame e xaing kadea, thai pilea o orta anda late thai lehkă šeave thai lehkă juvindimata?”
13O Isus dea la anglal: „Orkon pel andoa pai kadoa, avela lehkă pale truši.
14Ta orkon pel andoa pai, kai daua les Me, ando veako na mai avela lehkă truši; ta înkă o pai, kai daua les Me, kărdeola pe ande khă isvoro paiehko, kai ulela ande čivava e vešniko.”#Cap. 6.35, 58; 7.38.
15„Raia”, phendea Lehkă e juwli, „de ma kadoa pai, kaste na mai avel mangă truši, thai te na mai avau ji koče te ankalavau.”#Cap. 6.34; 17.2, 3. Rom. 6.23. 1Ioan 5.20.
16„Jeatar”, phendea lakă o Isus, „ta akhar te romes, thai av koče.”
17E juwli dea Les anglal: „Nai ma rom.” O Isus phendea: „Mišto phendean kă nai tu rom.
18Anda kă panji rom sastu; thai kodoa, kai sîtu akana, nai tukă rom. Koče phendean o čeačimos.”
19„Raia”, phendea Lehkă e juwli, „dikhau kă san prooroko.#Cap. 6.14; 7.40. Luka 7.16; 24.19.
20Amară dadda rudisai le po baŕbaro kadoa; thai tume phenen kă ando Ierusalimo sî o than kai trăbul te rudin pe le manuši.”#Deut. 12.5, 11. Kris. 9.7. 1Thag. 9.3. 2Kron. 7.12.
21„Juwlie”, phendea lakă o Isus, „patea Ma kă avel o čeaso kana či mai rudina tume le Daddehkă, čina po baŕbaro kadoa, čina ando Ierusalimo.#Mal. 1.11. 1Tim. 2.8.
22Tume rudin tume ka so či prinjeanen; ame rudisaoas ka so prinjeanas, kă o Skăpimos avel katal Iudeia.#2Thag. 17.29. Is. 2.3. Luka 24.47. Rom. 9.4, 5.
23Ta avel o čeaso, thai akana i avilo, kana le rudimatorea čečimahkă rudina pe le Daddehkă ando duxo thai ando čeačimos; anda kă kadalendar ruditorea kamel i o Dadd.#Cap. 1.17. Filip. 3.3.
24O Dell sî Duxo; thai kon rudil pe Lehkă, trăbul te rudil pe Lehkă ando duxo thai ando čeačimos.”#2Kor. 3.17.
25„Jeanau”, phendea Lehkă e juwli, „kă sî te avel o Mesia, (savehkă phenela pe Lehkă Kristoso), kana avela O, sî te phenel amengă sa le butea.”#Vers. 29, 29.
26O Isus phendea: „Me, kukoa kai dau duma tusa, sîm Kodoa.”#Cap. 9.37. Mat. 26.63, 64. Marko 14.61, 62.
O ušteaimos andai Samaria.
27Atunčeara avile le jene Lehkă, thai mirinas pe kă delas duma kha juwleasa. Orsar či iekh anda lende či phendea Lehkă: „So rodes?” or: „Pa soste des duma lasa?”
28Atunčeara e juwli meklea pesti kanta, găli ande četatea, thai phendea le manušengă:
29„Aven te dikhăn khă manuši, kai phendea mangă sa so kărdem; na varesar kadoa sî o Kristoso?”#Vers. 25.
30On ankăstine andai četatea thai avenas karing Leste.
31Ando čiro kadoa, le jene rudinas Les te xal, thai phenenas: „Sîkaitorina, xa!”
32Ta O phendea lengă: „Man sîma te xau khă xabe, kai tume či prinjeanen les.”
33Le jene line te phenen iekh avrăngă: „Na varesar andea Lehkă varekon te xal?”
34O Isus phendea lengă: „O xabe Muŕo sî te kărau o kamimos Kolehko kai tradea Ma, thai te pherau e buti Lesti.#Cap. 6.38; 17.4; 19.30. Iov 23.12.
35Či phenen tume kă mai sî štar šon ji koa tidimos? Dikta, Me phenau tumengă: Vazden tumară iakha, thai dikhăn le xolde, kai sî parne akana, gătime andoa tidimos.#Mat. 9.37. Luka 10.2.
36Kon tidel, lel khă potindimos, thai tidel rodo andai čivava e vešniko; anda kă i kukoa kai thol ande phuw thai kukoa kai tidel te bukuril pe, ande sa kodoa čiro.#Dan. 12.8.
37Kă ande kadoa dičimos, sî čečio o phendimos: „Iekh thol ande phuw, thai o kolaver tidel.”
38Me tradem tume te tiden oče kai na tume ašadilean; aver ašadile, thai tume šutean tume ande lengo ašadimos.”
39But Samaritenea andai četatea kodea pateaine ando Isus na anda so phendeas e juwli, kai phenelas: „Phendea mangă sa so kărdem.”#Vers. 29.
40Kana avile le Samariteanea Leste, rudisarde Les te ašel lende. Thai O ašilo oče dui des.
41But mai but pateaine ande Leste anda le divanuri Lehkă.
42Thai phenenas la juwleakă: „Akana či mai pateas anda le phendimata tiră, ta anda kă ame orta ašundeam Les, thai jeanas kă kadoa sî ando čeačimos o Kristoso, o Skăpitorii la lumeako.”#Cap. 17.8. 1Ioan 4.14.
O sasterimos
le šeavehko khă kanditorehko thagarino.
43Pala kadala dui des, o Isus teleardea oçal, kaste jeal ande Galilea.
44Kă O korkoro phendeasas kă ăkh prooroko nai kučimahko ande pehko čem.#Cap. 2.23; 3.2. Mat. 13.57. Marko 6.1. Luka 4.24.
45Kana arăslo and Galilea, sas primime mišto le Galelienendar, kai dikhlesas sa so kărdeasas ando Ierusalimo ando čiro le praznikohko; kă sas i on koa prazniko.#Deut. 16.16.
46O Isus amboldea pe ande Kana andai Galilea, kai parugleasas o pai ande moll. Ando Kapernaum sas khă kanditori tagaruno, savehko šeau sas nasfalo.#Cap. 2.1, 11.
47O kanditorii kadoa ašundea kă o Isus avilo sas andai Iudea ande Galilea, gălo Leste, thai rudisardea Les te avel kaste sastearăl lehkă šeaves, kai sas te merăll.
48O Isus phendea lehkă: „Kana či dikhăn sămnuri thai minunea, či khă tiposa či patean!”#1Kor. 1.22.
49O kanditorii o tgagaruno phendea Lehkă: „Raia, av ji kana či merăll muro çînoro.”
50„Jeatar”, phendea lehkă o Isus „teo šeau trail.” Thai o manuši kodoa pateaia le divanuri, kai phendea lehkăle o Isus, thai teleardea koa drom.
51Ta kana ulelas o, avile angla leste lehkă robea, thai dine les e vestea kă lehko šeau trail.
52O pušlea le ando čeaso sao lea te avel lehkă mai mišto. Thai on phendine lehkă: „Arati, ando čeaso le eftango, mukle les le šilla.”
53O dadd prinjeandea kă orta ando čeaso kodoa phendeas lehkă o Isus: „Teo šeau trail.” Thai pateaia o thai sa pehko khăr.
54Kadoa sî pale o duito sămno, kărdo le Isusostar, pala so amboldi'lo andai Iudea ande Galilea.
বর্তমানে নির্বাচিত:
Ioan 4: KALD2020
হাইলাইট
শেয়ার
কপি
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
