SEMPANHNAK 5
5
Adam Ai Tesinfate
(1San 1:1-4)
1A hnia lamai tu Adam ai tesinfate i. Pathian in minung a semsuah fangin Amah Pathian hmuihmel bangin semsuah i.#Sem 1:27-28 2Pathian in pasal le nupang semsuah ai a semsuah nia ai panin hmuifu pe ai, “Minung,” tiin ko i.#Mat 19:4; Mar 10:6 3Adam tu kum za le sawmthum a khim fangin amah hmel bangin fapa nai ai Seth tiin a hming bawn i. 4Cia hnuaah kum za riat nung lai i. Fanu le fapa dangdang khai nai ai, 5kum za kua le sawmthum khim fangin thi i.
6Seth tu kum za le kum nga khim fangin fapa Enosh nai i. 7Cia hnuaah kum za riat le kum sarih nung ai a dang fate khai nai i. 8Kum za kua le kum hlaihnih khim fangin thi i.
9Enosh tu kum sawmkua fangin fapa Kenan nai i. 10Cia hnuaah kum za riat le kum hlainga nung ai a dang fate khai nai i. 11Kum za kua le kum nga fangin thi i.
12Kenan tu kum sawmsarih fangin fapa Mahalalel nai i. 13Cia hnuaah kum za riat le sawmli nung ai a dang fate khai nai i. 14Kum za kua le kum hra fangin thi i. 15Mahalalel tu kum sawmruk le kum nga khim fangin fapa Jarad nai i. 16Kum za riat le sawmthum nung songah a dang fate khai nai i. 17Kum za riat sawmkua le kum nga khim fangin thi i.
18Jarad tu kum za le kum sawmruk le kum hnih khim fangin fapa Enoch nai i. 19Cia hnuaah kum za riat nung ai a dang fate khai nai i. 20Kum za kua le sawmruk le kum hnih khim fangin thi i.
21Enoch tu kum sawmruk le kum nga khim fangin fapa Mathuselah nai i. 22Kum za thum tian Pathian thawn leng kawm songah a dang fate khai nai i. 23Enoch tu kum za thum le sawmruk le kum nga nung i. 24Pathian thawn pawlkom in nung ai pai er i, zaimantifangin Pathian in lang teu i.#Heb 11:5; Jud 14
25Mathuselah tu kum za le kum sawmriat le kum sarih khim fangin fapa Lamech nai i. 26Cia hnuaah kum za sarih le kum sawmriat le kum hnih a nung songah a dang fate khai nai i. 27Kum za kua le sawmruk le kum kua fangin thi i.
28Cen Lamech tu kum za le sawmriat le kum hnih khim fangin fapa pakhat nai ai, 29“Bawipa ai cukcamhnak laipua vum hrimhrim in he fapa heh kin rimsuhnak songin kin suahtu tuh i,” tiin ti ai a hming ah Noah bawn i. 30Cia hnuaah Lamech tu kum za nga le sawmkua le kum nga nung ai a dang fate khai nai i. 31Kum za sarih sawmsarih le kum sarih khim fangin thi i.
32Noah tu kum za nga khim fangin fapate pathum; Shem, Ham le Japhet nai i.
বর্তমানে নির্বাচিত:
SEMPANHNAK 5: RZB
হাইলাইট
শেয়ার
কপি
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
