Махьтвеест 2
2
Нумпь алкхэш.
1Куэсь Исус шэндій Вифліемест, Іюдеест царэ Ирод пале, путтен ноайт‐олмо Іерусалимма нурьтей горрен, и сарнэб:
2Кость ли Іудей цар, ку ли шэнтманч? тэн мильт што мій уйним сонэ тасьте нурьтей альн, и пу?-?дійм сонне комьмердед.
3Куэсь цар Ирод тан кулый, сон суркен и пук Іерусалим соныйн.
4И сон копчій пукыйт шуремус папыйт и кирь?-?кидыйт мырест, и кэджій синест: косьт быт Христоссе щэнтед?
5И сій сонне цилхкин: Вифліемест, Іудеест; тэн милт што нит ляй кирьханч пайель пророк:
6И тон, Вифліем, Іудей іемне, ык ля ни‐мэйн Іудей уйвійн уцмус; тэн‐гуэйк што тонст поат шуремус, ку пинь мунэ мырэ Израил.
7Танна Ирод пяйхтест кочей ноайт‐олмыйт и синест кэджій, што кон пале тасьт идій.
8И вулкехт сииійт Вифліемма и цилькій: мэннед, кэччед пуремухте парне баяс; куэсь тій ковнбыттед, танна мунне сагэ туешиккед, што и мун мэнам, сунне коммердам.
9Сій готь куллин царэст пук ди вулькин; и таль тасьт, кон сій уйнин нурьтей альн, мэній синій эвдест тэн райя, куэсь пудій и ескій тэн сае элэ, косьт ляй парьн.
10Куэсь сій уйнин тасьте, и сій рамгуттен чевта шур рамай‐гуэйм.
11И сій суӈӈун пэрхте, уйнин парне иннійнис Марьійн, и сій коммердин сунне юэлка; и оццин еалай?-?дис и пуэхтин сунне лайχійт: коль и ладан и смирна.
12И куэсь сійе Иммель пакай накрест, ій мэннед Ирод горра маст, сій вулькин іерес вара иджес горра.
13Ну куэсь сій вулькин: танна и Иммель іеӈкал ыт накрест Оаска, и сарн: коццэ, вальт парьн и сонэ іен и поачк Египет іемня, и іель тампет тэн райя што куэсь мун тонне ым ціельк; тэн гуэйк што тахт Ирод оццед парьн майкем варас.
14Сон коццай, вальтій парьн и сонэ іен ыкка, и вульгій Египет іемня.
15И сон тампе ляй тэн райя, куэсь Ирод ямій; што шэнтахч сарнманч Имлійн пайель пророк, ку сарн: Египет іемнест мун кохчумь алкан.
16Куэсь Ирод танна уйній иджес луэньманч ноайт‐олмыйн, сон чевта сяндій и вулкехт пукыйт парнайт коньтед Вифліемест и пук тэн іемнест, кухтед игест и тэсьт нурмійт, тэн пале мильт, кон сон кулый ноайт‐олмыйн.
17Танна шэндій сарнманч пайель пророк Еремей, ку сарн:
18Ин куллай Рамест, луйхкем и рякмуш и чевта кукхэллэм; Рахил луэйхк иджес парнайт, ій тат іэскед луйхкмен тэн гуэйк што сій іеб лях.
19Маӈӈа Ирод сорьмест, кич, Иммель іеӈкал накърест идій оаска Египет іемнест,
20И сарн: коццэ, вальт парьн иннійнис, мэнэ Израил іемня; тэн гуэйк што яммин парьн иӈк оццей.
21Сон коццай, вальтій парьн и сонэ іен, и пудій Израил іемня.
22Куэсь сон кулый, што Архелай Іудеест ли царрен Ирод саест, аджес эвтель, сон пэлый тогэ мэн?-?нем; те пакай сунне накрест Иммель (мэннед), и сон вульгій Галилей раій сыз.
23И пудій тогэ и іелхэдій ланнест, нэммед мильт Назаретест, што шэнтахч пайель пророкый сарн?-?мушшед мильт, што сон лянч кохчьед Назаретлинчен.
বর্তমানে নির্বাচিত:
Махьтвеест 2: Kildin
হাইলাইট
শেয়ার
কপি
Want to have your highlights saved across all your devices? Sign up or sign in
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.
