1 Sámìɔ̀ 17
17
Gòláyà è véèdɔ̀ Ézrɛ̀mɛ̀nù ɓà
1Yi do káɛ Félésã́ã̀mɛ̀nù wò waa kózǝmɛ̀nù pàkóà kǝ wɔ̃̀ɔ̃̀ grùkǝ, é wó pà wo kóà Sókɔ̀ pɵɵ é Zúdà pɵ̀ káɛ gɥ́. É wó yàlɛ̀kǝ̀ Sókɔ̀ wãã̀ Àzíkà pɵ̀nù son Ífɛ́dámìn lɛ̀ɓà. 2Sɔ́ɔ̀ wãã̀ Ézrɛ̀ gɔ̃ɔ̃̀nù wó pà wo kóà wóo yàlɛ̀kǝ̀ Ílà goopíé, wóo dèpǝ̀kǝ̀ wɔ̃̀ɔ̃̀ grùgɔ̃ Félésã́ã̀mɛ̀nù píé. 3Lɛ̀kɔ̀ɔɛ Félésã́ã̀mɛ̀nù wó pò wo kólíé tɔ̃̀ do tuo, é Ézrɛ̀mɛ̀nù wó dɔ tɔ̃̀ gbɛ tuo, é goo è zìè wo son.
4Lɛ̀kɔ̀ɔɛ gɔ̃ɔ̃̀ do é go Félésã́ã̀mɛ̀nù píé wô lɛ̀ Gòláyà, é go Gáà pɵ̀gɥ́ɛ, è kǝ̀ gbɛ̃̀ɛ̃̀ gbâgbàò, àɓà kǝ̀ gbɛ̃̀ɛ̃̀ kɔ̀ è kǝ̀ gɛ̃̀kpoú srɛ́ìsiɛ gbúzǝ̀ ká. 5Kózǝ gblàa wô kǝ̀ zǝ̃ káɛ é kǝ̀à gɔ̀à, é zǝ̃ dàsɔ̀ ê dàɛ̀ à kǝ̀ gbín kɔ̀ è kǝ̀ pán kǝ̃̀ǝ̃ do gɔ́ɔ̀pèètɛ ga sɔ́ɔ́lú (125) ká. 6Mɛ kplaà tàkpàà pǝ̀ wô kǝ̀ zǝ̃ káɛ ê kpà e kplaànù là, é zǝ̃ lààga và gbɛ̃̀ɛ̃̀ zìè bɛ́íká e tààzɛ̃̀ã. 7Dɥ́ é kǝ̀àgɔ̀ɛ̀ à kǝ̀ kplózǝ̀ kɔ̀ è kǝ̀ nɛ̀ɛ̀ sɔbɔmɛ̀a xlɥ́ bɛ́í lɵ́, à gɔ̀ wô kǝ̀ pìɛ̀ káɛ é kǝ̀ gbín pán gɔ́ɔ̀do ga sɔ́ɔ́lú (15) ká. Àɓà lɛ bũmɛ̀ è tà à líé kplàɓo. 8È dɔ̀ e gɛ̃̀ã̀ é gblà Ézrɛ̀ krúázǝ̀ là ê pɵ, “Mǝ̀kǝ̀ kánu kã́ã̀ dɔ ka ɓɥ̀ǝ̀gɥ́ kã́ã̀ grùgɔ̃ɛ̃̀? Félésã́ã̀mi kũ n káa, kadèe Sɔ́ɔ̀a nɔ̀ànù kũ kaáa? Kà kaa mɛ do sɥ́ nyɛ̀ɛ̀ nu nyíì kózǝ. 9Àyé à kɔ̀ yà mɔ̀à nyɛ̀ɛ̀ kózǝ n ká nyɛ̀ɛ̀ n zǝɛ, yi lò to kaa nɔ̀ànù ká, kǝǝ àyé n kɔ̀ yàzie à là mâ zǝɛ, kalò to yia nɔ̀ànù ká kã́ã̀ yuɔkǝ yi ɓà.” 10É Gòláyàà pɵ Ézrɛ̀ krúázǝ̀ lǝ̀, “Ka véè, gbɛ̃́ã̀ yì nɛ̀ káɛ, kà mɛ bɔ è nu nyíì kózǝ!” 11Lɛ̀ Sɔ́ɔ̀ wãã̀ Ézrɛ̀ sáálɵɛ wà wò nù é Félésã́ã̀mi ɓɛɛ yà pɵɛ maɛ, gblɥ́n è wrò wolà é wó sùò dèèdè.
Dèɓé yànu Sɔ́ɔ̀ wãã̀ yaa kózǝmɛ̀nù yàlɛ̀ɓà
12Dèɓé è kǝ̀ Ífràmi é go Bɛ́fléhɛ́ǹ pɵɵ Zúdà sɛ̀ gɥ́ɛ à gbɵ ká. À tɔ̂kǝ̀ Zɛ́sè ká, é à gbɵnù wó kǝ̀ srɛ́àka. Sɔ́ɔ̀a yi káɛ kǝ Zɛ́sè yàkǝ klɵ̀ àɓà kwɛ̀ yàkǝ plǝǝ̀zǝ̀. 13Zɛ́sè gbɵnù dɔ̀líé yààka wó ɓɛɛ wò tò Sɔ́ɔ̀ píé wãã̀nù wó lo grùpíé. Mɛ bìɛ̀zǝ̀ tɔ́ é tɔɔ Élíábì, àyé é yeàpíéɛ é tɔɔ Ábínádà, é à yààkazǝ̀ tɔ́ lɵ́ tɔɔ Sámà. 14Dèɓé é kǝ̀ Zɛ́sè gbɵnù ɓɛɛ wo kã̀ã̀là ká, à bìɛ̀zǝ̀ yààka ɓɛɛ wò tò Sɔ́ɔ̀ píé, 15kǝǝ Dèɓé è kǝ̀ zǝ́zǝ́ kṹlɛ̀à zɛ̃ã gbĩĩ́. Yà gó Sɔ́ɔ̀ píéɛ é lo e dǝa ɓlánù lígbalɛ̀à Bɛ́fléhɛ́ǹ é yìɛ̀ e zɥ́.
16Félésã́ã̀mi Gòláyà ɓɛɛ è dɔ̀ e gɛ̃̀ã̀, é véèdɔ Ézrɛ̀mɛ̀nù ɓà lɛ̀àlíé wãã̀ yínɛ̀a lɛ̀kpààyì gɔ́ɔ̀ yììsiɛ ɓà.
17Zɛ́sè yà pɵ̀ e gbɵ Dèɓé lǝ̀, “À kǝ síèsíè ɥ́ kpǝ̀ɥ plàɥ̀ tòo do wãã̀ blɛɛ̀ kpo gɔ́ɔ̀do nɛ̀ɛ̀ sɥ́ ɥ́ loá ɥ lòòbɔ̀ píé grùkǝmɛ̀nù yàlɛ̀ɓà. 18Dùnyɔ́yí kpɛ́á kpo gɔ́ɔ̀do gà nɛ̀ kǝ wɔ̃̀ɔ̃̀ loá waa líésɥ́mɛ̀ và lɛ̀. Zɛ̃ã ɥ legrúzǝ̀ wô ká máɛ à kǝ ɥ́ gɥ́ma sǝ̀ká ɥ nulàɛ̀ ɓò nu pǝá nyàà zɔ̃̀ã nɛ̀ɛ̀ wò má sǝ̀ká.”
19Yiɓɛ káɛ, Sɔ́ɔ̀ wãã̀ Dèɓé legrúzǝ̀ wò kǝ̀ Sɔ́ɔ̀a grùkǝmɛ̀nù píé, waà kózǝ̀ Félésã́ã̀mɛ̀nù ká Ílà goopíé lɛ̀ɓà. 20Dèɓé èye dǝ wò kǝ̀. È wrùù lɛ̀àlíé lɛ̀tiigɥ́ é yaa ɓlánù to mɛdo píé, é pǝnù ɓɛ lu é ye tásɥ̀à. Lɛ̀ é gbɛ̀ì grùkǝmɛ̀nù yàlɛ̀ɓà nǝ̀ǝɛ kǝ krúázǝ̀ wòo dɔ̀lɛ̀ kṹlà kǝ wò gblálà grùkǝ wò ká. 21Ézrɛ̀a grùkǝmɛ̀nù wãã̀ Félésã́ã̀ grùkǝmɛ̀nù wó kǝ̀ dɔùká má waà wo kónù gà. 22Dèɓé è yaa pǝnù to mɛ é pǝnù wɔ̃̀ gɔ̀lààɛ̀ píé é lo blàa grùkǝ lɛ̀ɓà nyɛ̀ɛ̀ e lòòbɔ̀ lɛ̀ɛ̀kpɔ́ kǝ é kɛ̃̀ɛ̃̀ wò pɵ́nɵ́pɵ̀ɛ̀ ká. 23Lɛ̀ é kǝ̀ wɔ̃́ biɛ̀lɛ̀à wo píéɛ, e gà Gòláyà è go Félésã́ã̀mɛ̀nù píé é gbɛ̀ì yaà e bɛ̃̀kǝ̀ zɛ̃ãdo ɓɛ ká. Dèɓé yà wòmà. 24Ézrɛ̀ krúázǝ̀ ɓɛɛ lɛ̀ wó Gòláyà yeɛ, wòsùò wó zìè blàa. 25Wô pɵ wo kónù lǝ̀, “Gbɛ̀ì ê ɓolà yaà síɓò kwagɔ̀ kplàɓoɛ kayèà? Kwaa kiŋ yàà biɛ̀ nɛ̀ɛ̀ mɛ é lóà Gòláyà zǝɛ è lò e kɔ̀ɔ̀ và ye. Mɛ dè é pɵ́ɛ è lò kiŋ lú yɔ̀kǝ, ĩ́ĩ́ à kpɔ̀grúzǝ̀ waá ló nĩĩ ɓo gbɔ.”
26Lɛ̀kɔ̀ɔɛ é Dèɓé yà pɵ gɔ̃ɔ̃̀nù wó dɔ à sɔ́ɛ lǝ̀, “Mǝ̀ wó loà kǝ mɛ é lóà Félésã́ã̀mi nɛ̀ zǝɛ mɔ́ɔ̀wɔ̃̀ɓàɛ̀, kǝ xlǝ nyɛ̀ɛ̀ bo kpɔ́lɛ̀à Ézrɛ̀ làɛ̀? Ƃií dɵmɥ̀ Félésã́ã̀ dɛ̃̀ã̀ é nɛ̀ ká nyɛ̀ɛ̀ dɔ Aaɓi ɓéìa kózǝmɛ̀nù gɔ̀ nyǝ́ne?” 27É mɛnù ɓɛɛ wóà zǝnu zɛ̃ã do ɓɛ ká, “Zɛ̃ãɓɛ wó loà kǝá mɛ é lo gɔ̃ɔ̃̀ nɛ̀ zǝɛ mɔ́ɔ̀wɔ̃̀ɓà.”
28Lɛ̀ à lòòvà Élíábì yà wòma é wɔ̃́bìɛ̀ gɔ̃ɔ̃̀nù ɓɛɛ píéɛ, wɔ̃̂ nà à zòà Dèɓé píé ê mɔ́ɔ̀ à pɵɓo, “Ч nù mǝ̀kǝ̀ goú zɵè? Ĩ́ĩ́ dɵ ɥ́ ɓlá pǝ wó yɛ̀ilàɛ̀ toà gɔ̀ɛ̀? Zɛ̃ã ɥ́ ká dɔ́ɔ́dɔ mɛ̀ káɛ a dɔ̀, wãã̀ ɓa zòɔ yaa ɓɛ ká, ɓií ɓá nu goú kǝ ɥ́n grùkǝmɛ̀ ye.”
29É Dèɓé yà pɵ, “N ká wɔ̃́ yaa gbɛɛ kǝ, lɛ̀ɛ̀kpɔ́ wɛ́á â kǝ̀.” 30Lɛ̀kɔ̀ɔɛ é lìɛ̀ kózǝmɛ̀ ɓáá píé à lɛ̀ɛ̀kpɔ́ kǝsɥ̀ ká wɔ̃́ do ɓɛ ká, é mɛnù ɓɛɛ wô zǝnu à lǝ̀ zɥ́.
31Lɛ̀ wó wɔ̃́ é Dèɓé yà bìɛ̀ɛ̀ maɛ, wô bìɛ̀ Sɔ́ɔ̀ lǝ̀, é Sɔ́ɔ̀ è mɛ bɔ à lǝ̀. 32Dèɓéà pɵ Sɔ́ɔ̀ lǝ̀, “Mɛvà, kɵ́kǝ̀ mɛgbɛɛ è sùò Félésã́ã̀mi ɓɛɛ lǝ̀! Ƃa nɔ̀à é n káɛ è lò kózǝ Félésã́ã̀mi nɛ̀ ká.”
33Sɔ́ɔ̀à pɵ Dèɓé lǝ̀, “Ч ká mɔ̀àɓà ɥ́n kózǝ Gòláyà nɛ̀ píé, ɓií mɛdɔ̀ù mɥ̀ ɥ ká, kǝǝ yezǝ̀ è krúá ká é goá e kǝ̀dɔ̀ùsɥ̀ gɥ́.”
34Kǝǝ Dèɓé yà pɵ̀ Sɔ́ɔ̀ lǝ̀, “Mɛvà, ɓa nɔ̀à é n káɛ a kǝ̀ n zòkǝlɛ̀à n dǝa ɓlánù píé. Àyé gãnìa, ĩ́ĩ́ tìnà, yà nù yà ɓlá kṹ nyɛ̀ɛ̀ loáɛ, 35a tòà píé â kũ á ɓlá ɓoà lie. Àyé yà dɔ n gɔ̀ nyǝ́nɛ â kũ e ɓɔà â zǝ. 36Ƃa nɔ̀à é n káɛ yà gãnìa wãã̀ tìnànù zǝ plǝǝ̀zǝ̀, zɛ̃ãɓɛ á loà kǝà Félésã́ã̀ dɛ̃̀ã̀ é nɛ̀ gɔ̀, ɓií è dɔ̀nyǝ́n kǝà Aaɓi ɓéìa kózǝ mɛ̀nù gɔ̀.” 37Dèɓé yà pɵ zɥ́, “Yàwɛ é n la gãnìa sòò wãã̀ tìnà sòò gɔ̀ɛ̀, è lò n la Félésã́ã̀mi nɛ̀ gɔ̀.”
Sɔ́ɔ̀ yà pɵ, “È sǝ̀, ɓò ló. Gó Yàwɛ è kǝ ɥ píé.” 38Lɛ̀kɔ̀ɔɛ Sɔ́ɔ̀ è Dèɓé tàkũ yaa kózǝ pǝ̀nù ká, é zǝ̃ gblàa yà à gɔ̀à, é pìɛ̀ dàsɔ̀ dàà ɓà. 39É Dèɓé è Sɔ́ɔ̀a làà zìè e gɥ́ sɔ ê dàɛ̀ là, ê kǝzɛ̃̀ã̀ mɛ̀ɛ̀ nyɛ̀ɛ̀ ló kǝ yaá mɔ̀àɓà. Lɛ̀kɔ̀ɔɛ ê pɵ Sɔ́ɔ̀ lǝ̀, “N ká mɔ̀àɓà ã́ã̀ kózǝ pǝnù nɛ̀ ká, ɓií n kâ kǝ kũ̀ do.” Lɛ̀kɔ̀ɔɛ Dèɓé è pǝnù ɓɛɛ ɓo e ɓà. 40Lɛ̀ yà kɔɔ́ɛ é yaa tǝ̀ɥ̀ sɥ é lo yikɔ̀nǝ́ píé é gùǝ̀ nǝ́ srǝ̀ǝ̀bɔ̀ sɔ́ɔ́lú sɥ ê wrò yaa nyákǝ̀ ɓláà gɵ̀ɥ gɥ́. Àɓà dɵ̀ɵ̀ kǝ̀ à kwɛ, é gã̀ã̀ Félésã́ã̀mi ɓɛ ká kɵ̀ɵ.
Dèɓéa Gòláyà zǝɥ̀
41Lɛ̀kɔ̀ɔɛ Gòláyà è nu é gã̀ã̀ pɵ́ Dèɓé ká kɵ̀ɵ, àɓà lɛ bũmɛ̀ è kǝ̀ à líézɛ̃̀ã. 42Lɛ̀ yà Dèɓé gà sǝ̀káɛ à nyâ zìèà gɥ́, ɓií è kǝ̀ nǝ́gɔ̃ɔ̃̀zǝ̀ sǝ̀ wɛ́á ká. 43É Gòláyàà pɵ Dèɓé lǝ̀, “Kǝáɓo gbɛ̃ ká ɥ́ nu n gɔ̀ xlɥ́ nǝ́ káa?” É láŋákpɔ Dèɓé ká yaa aaɓinù tɔ́ ká. 44Félésã́ã̀mi ɓɛɛ ê pɵ Dèɓé lǝ̀, “Ƃò nu, á ɥ nǝ̀ǝ̀ nu mànù wãã̀ wɥnù wo lǝ̀.”
45Lɛ̀kɔ̀ɔɛ Dèɓéà pɵ Félésã́ã̀mi ɓɛɛ lǝ̀, “Ч nù n gɔ̀ làà, dɥ́ và, ĩ́ĩ́ dɥ́ téé nù ká, kǝǝ mazǝ̀ a nù ɥ gɔ̀ Yàwɛ é naàlúmɛ̀ sáálɵɛ gɔ̀làà é kózǝmɛ̀nù wó Ézrɛ̀ɛ̀ waa Aaɓi ká, ɥ́ véèdɔà ɓàɛ̀ tɔ́ gɥ́. 46Lɛ̀kpààyì dè é gbɛ̃́ã̀ nɛ̀ Yàwɛ è lò ɥ dɔ n kwɛ, kǝ ã́ã̀ ɥ zǝ ã́ã̀ ɥ gɔ̀ kã́ ɥ là, kǝ ã́ã̀ Félésã́ã̀ grùkǝmɛ̀nù gɵ̀ɵ̀kpǝ̀nù nu mànù wãã̀ wɥnù lǝ̀, kǝ kpɔ́ànlú sáálɵɛ nyàà gɥ́dɔ nɛ̀ɛ̀ Aaɓi è Ézrɛ̀ sɛ̀ gɥ́, 47Ĩ́ĩ́ kǝ mɛ gbũ é nɛ̀ nyàà gɥ́dɔ nɛ̀ɛ̀ Yàwɛ yáá mɛ la làà wãã̀ dɥ́ ká, ɓií grù nɛ̀ Yàwɛa grù mɥ̀, è lò ka dɔ yi kwɛ.”
48Lɛ̀ Félésã́ã̀mi ɓɛɛ é wrùù é nu nyɛ̀ɛ̀ Dèɓé yeɛ, Dèɓéè nuàgɔ̀ blàa grùgɔ̃lɛ̀ dèà wãã̀ Félésã́ã̀mi ɓɛ wɔ̃̀ɔ̃̀ wo kóye. 49É Dèɓé èye kɔ̀sɔ̀ yaa gɵ̀ɥ gɥ́ é gùǝ̀ga do sɥ ê dà dɵ̀ɵ̀gɥ́ ê zùò é Gòláyà zǝá e kpòn ɓà é gùǝ̀ga ɓɛ é mǝà kpòn gɥ́, é Gòláyà è pɥ̀ɵ̀ sɛa e wɥǝ là. 50Lɵɛ Dèɓé kɔ̀ è zìè Félésã́ã̀mi ɓɛ là gùǝ̀ga do ê dà dɵ̀ɵ̀gɥ́ ê zùò ê zǝáɛ ká. Làà gbɛ ká kǝ Dèɓé kwɛ. 51Lɛ̀kɔ̀ɔɛ Dèɓéè lo blàa é dɔ Gòláyà gɵ̀ɵ̀ là, é àɓà làà gã̀ã̀ e kwèè gɥ́ ê zǝá, é à gɔ̀ kã̀ làà ɓɛ ká.
Lɛ̀ é Félésã́ã̀mɛ̀nù wô ye nɛ̀ɛ̀ waa krúá yà gaɛ, wò dùà. 52Lɛ̀kɔ̀ɔɛ Ézrɛ̀ gɔ̃ɔ̃̀nù wãã̀ Zúdà gɔ̃ɔ̃̀nù wó gblà wo wò do ká wó to Félésã́ã̀ gɔ̃ɔ̃̀nùɓɛ píé wó wòa Gáà pɵ̀gɥ́, ĩ́ĩ́ wó wòa Íkrɔ̀n glàlí ɓà, ê kǝ̀ Félésã́ã̀ gɔ̃ɔ̃̀nù wó wròsɛa wo gĩ̀sɥ̀ ká zɛ̃ã gó Sàrèn pɵɵ é loá Gáà wãã̀ Íkrɔ̀n pɵ̀nù gɥ́ɛ píé. 53Lɛ̀ Ézrɛ̀ gɔ̃ɔ̃̀nù wò yìɛ̀ wo zɥ́ wó go Félésã́ã̀ gɔ̃ɔ̃̀nù kǝlɛ̀àɛ̀, wó lo wo yàlɛ̀ɓà wó wã́ã́dɔ woɓà má. 54Dèɓéè Gòláyà gɔ̀ sɥ̀ é loá Zɛ̀rúsálɛ̀n, kǝǝ è Gòláyàa kózǝ pǝ̀nù kpɔ̀sɛa e dè yaa sɔkɔ́ gɥ́.
Dèɓé zɔ̃̀ Sɔ́ɔ̀ lǝ̀ sɥ̀
55Lɛ̀ Sɔ́ɔ̀ è Dèɓé ye kózǝlɛ̀à Félésã́ã̀mi ɓɛ píéɛ, ê pɵ Ábínǝ̀ é kǝ̀ àɓà kózǝmɛ̀ waa mɛvà káɛ lǝ̀, “Ábínǝ̀, nǝ́gɔ̃ɔ̃̀zǝ̀ é nɛ̀ dɵ gbɵ mɥ̀ì?”
Ábínǝ̀ yà pɵ, “Óó kíŋ, ɓò grɔ̀ɔ̀, n ká mɔ̀à ã́ã̀ biɛ̀.”
56Lɛ̀kɔ̀ɔɛ kíŋ ɓɛɛ ê pɵ, “Ƃò mɛ à gbɵ lɵ́ nǝ́gɔ̃ɔ̃̀zǝ̀ ɓɛ káɛ wɔ̃̀ lɛ̀ɛ̀kpɔ́ kǝ.”
57Lɛ̀ é Dèɓé è go Félésã́ã̀ mi ɓɛ zǝlɛ̀à nǝ̀ǝɛ, Ábínǝ̀ yà sɥ é nuá Sɔ́ɔ̀ píé, Félésã́ã̀mi gɔ̀ è kǝ̀à kwɛ. 58É Sɔ́ɔ̀ yà pɵ à lǝ̀, “Dɵ gbɵ mɥ̀ ɥ káɛ, nǝ́gɔ̃ɔ̃̀?”
Dèɓé yà pɵ, “Ƃa yuɔkǝmɛ̀ Zɛ́sè é Bɛ́fléhɛ́ǹmi káɛ, à gbɵ mɥ̀ n ká.”
বর্তমানে নির্বাচিত:
1 Sámìɔ̀ 17: DHB
হাইলাইট
শেয়ার
কপি
Want to have your highlights saved across all your devices? Sign up or sign in