Kub 2
2
1Iguru n'ensi na byona ebinyakubamu nukwo byahangirwe biti.
2 #
Kurug 20:11. #
Baheb 4:4,10. Ekiro kya mukaaga Ruhanga nikyo yamaliireho emirimo ye yoona ei yakozire, yahumura ha kiro kya musanju, tiyakora mulimo na gumu. 3Ekiro eki ekya musanju nikyo Ruhanga yakiheeriire omugisa, yakyeza, habwokuba ekiro eki nikyo yahumuliireho amaliire kimu emirimo ye ei yakozire ey'okuhanga.
Orugonjo rwa Edeni
4Enu niyo ntandiko ey'iguru n'ensi omu kasumi aka byahangiirwemu. Ha kiro MUKAMA Ruhanga eki yahangiiremu iguru n'ensi, 5omu kasumi ako, hakaba hatakamezere kimera na kimu omunsi, kandi hakaba hatakamatukire kinyansi na kimu, habwokuba MUKAMA Ruhanga akaba atakanagire njura omunsi, kandi hakaba hatakabaireho muntu ow'okugirima; 6baitu ekiho kyaimukaga, kitemba haiguru, kitonya kiitiirra itaka lyona. 7#Ama 15:8,11; 1Kor 15:45.Aho MUKAMA Ruhanga yakora omusaija, yamwiha omu cuucu ey'itaka, yamuhuuha omu nyindo orwoya rw'obwomeezi; omuntu yafooka kihangwa ekyomeezi. 8MUKAMA Ruhanga yabyara orugonjo omunsi Edeni, ha rubaju rwa Buturukaizooba; oku, nuho yataire omuntu ou yakozire. 9#Kus 2:7; 22:2,14.MUKAMA Ruhanga yameza omu itaka buli mulingo gwona ogw'omuti ogurukusemerra amaiso g'abantu, ogunyakusemeriire kuliibwa, kandi hagati y'orugonjo oru, akamezaayo omuti ogunyakwomeeza kandi n'omuti ogw'okumanyisa oburungi n'obubi.
10Hakaba haroho ekisaaru ekyageraga nikiruga Edeni nikitirra orugonjo oru, kandi omu rugonjo oru, nuho kyayebaganirizaaga, kirugwamu ebisaaru bbina. 11Ibara ery'ekisaaru eky'okubanza, niryo Piisoni; eki nikyo ekinyakugera nikyehinguliriza ensi yoona eya Havira, nambere hali zaabbu; 12kandi zaabbu ey'omunsi egi nungi, kandi haliyo amabaale agarukwetwa bedolaki na oniki. 13Ibara ly'ekyakabiri niryo Gihooni; eki nikyo ekinyakugera nikyehinguliriza ensi yona eya Kuusi. 14Ibara ly'ekya kasatu niryo Tiigiriisi, eki nikyo ekinyakugera nikigenda Buturukaizooba bwa Asiriya. Kandi ibara ery'ekisaaru ekya kana niryo Efuraate.
15MUKAMA Ruhanga yatwara omuntu, yamuta omu rugonjo orwa Edeni arulime kandi arulinde. 16MUKAMA Ruhanga yatererra omuntu ogu naagamba ati: “Emiti yoona ey'omu rugonjo runu noikirizibwa kugiryaho ebijuma nkooku orukwenda, 17baitu omuti ogw'okumanya oburungi n'obubi, otaligulyaho kijuma, habwokuba ekiro eki oliriiraho ekijuma kyagwo olifeeraho.”
18Nubwo MUKAMA Ruhanga yagambire ati: “Tikiri kirungi omuntu onu kwikara wenka; ka mukorre omukonyezi anyakumusemerire.” 19Omu kasumi ako, MUKAMA Ruhanga akaba amazire kwiha omu itaka ebisoro byona eby'omu kisaka n'ebinyonyi byona eby'omu mwanya, yabireetera omuntu, arole nkooku arukubiruka amabara, ibara lyona omuntu eri yarukire buli kimu, eri niryo lyabaire ibara lyakyo. 20Omusaija yaruka ente zoona amabara, ebinyonyi byona eby'omu mwanya, n'ebisoro byona eby'omu kisaka; baitu omuli ebi byona, hatazookemu omukonyezi anyakumusemererire. 21Aho, MUKAMA Ruhanga nukwo kugwijagiza muno omuntu, omuntu obu akaba akyagwijagiire, yamusomoramu orubaju rumu ha mbaju ze, omu kiikaro kyarwo yatamu enyama; 22orubaju Ruhanga oru yaihire omu muntu, nurwo yakoramu omukazi, yamuleetera omusaija. 23Aho omusaija yagamba ati: “Linu niryo igufa erinyakurugire omu magufa gange, kandi niyo nyama enyakurugire omu nyama yange; arayetwaga mukazi, habwokuba aihirwe omu musaija”. 24#Mat 19:5; Mar 10:7,8; 1Kor 6:16; Bef 5:31.Habweki nikyo omusaija araalekeraga ise na nyina, agumireho mukazi we, nukwo abo bombi babe mubiri gumu. 25Omusaija na mukazi we bakaba bali busa, kandi eki tikyabakwasaaga nsoni.
বর্তমানে নির্বাচিত:
Kub 2: BRR2008
হাইলাইট
শেয়ার
কপি
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
