MATHIUS, NOPUKU AFASAO SORE, 5.
NOPUKU AFASAO SORE, 5.
1NOKOUCITIA tagata nalupai su nifitacina iai, aia nifitshi ta ora tasi; aia neinofo iai, ma niana tagata aia nifakairo niromai iateia;
2Aia nifakamama tshana rogoutu, nifakairo acre, nokoutucua,
3Sececesa acre arotorea meru; ma tshare ko tavaka o taragi.
4Sececesa acre komakuru; ma taha nopogi acre kabica ia arotorea.
5Sececesa acre arotorea egata tasi; ma acre konofo palo ia tafanna.
6Sececesa acre tshitogi ma mate maganerefia; ma taha nopogi acre kamakona.
7Sececesa acre karofa keiarafeina ma asitu iateia; ma karofa karafeina ma kasitu acre.
8Sececesa acre arotorea feimacowa maganisa; ma acre kacitia Atua.
9Sececesa acre kofetuanace; ma katapa acre atamerecriki o Atua.
10Sececesa acre pe sewa takaroiai arotorea ia maganirifia tshare; ma tshare ta tavaka o taragi.
11Sececesa acowa, pe tagata kafasosa ma fakoko iacowa, ma kafasosa ia korifu tshare acowa maganisa iotshi, ia tshowa acitiafakarafiao avau.
12Kabisa, ma kanini sore i arotowa; ma sore fakamata tshowa konofo ia taragi; ma hepra acre nitakaroiai aprofeta neinofo mokagi acowa.
13Acowa ta tera o iafanua wararoni; kaia pe tera nimarigi tshana tomatua, ia taha acowa keimna aia tera foci? aia wamuri nei isa ia ane iotshi, kaia keitowaki aia watafa keitakumea aia iraro novai o tagata.
14Acowa ta merama o iafanua wararoni. Pe ta tumrai sore konofo ia ta ora sefunamana aia.
15Foci tagata setugia ta lamp keifuna aia iraro taganea, kaia keifecetshia aia iluga ane iateia, ma aia keitufwa merama tshana ia tagatotshi efare.
16Erefia tshowa merama koura emoa tagata, pe acre kowcitia tshowa maganerefia, ma kabisa ia Tamanowa aia konofo ia taragi.
17¶ Natshicina kamintua acowa avau komai takaroiai tafasao tapu, mo o aprofeta; avau sekomai takaroiai aia, kaia keimna magane totonu iateia.
18¶ Ma tamari avau koutucua iacowa, Ia taha nopoge taragi ma iafanua kofano kojimra, tasi nopito mo tasi nuntafa o tafasao tapu sekomarigi, mokagi ane iotshi komiace iateia.
19Tagata akai kaiauiai tasi nuntafa fakasisi o ta fasao tapu tsha Ihova, ma kafakairo tagata hepra, katapa aia fakasisi ia tavaka o teragi, kaia tagata akai maganerefia iacre ma fakairo tagata hepe, katapa aia sore ia tavaka o taragi.
20Ma avau koutucua iacowa, Pe maganerefia tshowa jimra sore mokagi ta maganerefia o tagata fakairo ma Afarasi, acowa sefano mana ia tavaka o taragi.
21Acowa nifakaragona acre ituai neitucua, Akoi natshicina kotaia tagata, ma pe tasi kotaia tagata, aia itata ioria maganisa;
22Kia avau koutucua iacowa, Pe tagata tasi kofakainina ana ia tshana noso, aia kanofo itata ioria o maganisa; ma pe tagata tasi katucua ia tso noso, akoi tano, aia kanofo itata tagata neitucuasana aia; kaia akai koutucua Akoi koukali, aia kanofo itata tiafi sore.
23Ianenei, pe akoi amai tshou takavari ia tafata o takavari, ma iai kamentua tshou noso nifakainina iatakoi,
24Nagi iai tshou takavari emoa ta fata, fano tshou teretu, keimna aroto o tshou noso mugaro, iatakoi mokagi, wamuri nei komai keitufwa tshou takavari.
25Fetuanace milowa tagata kofiatu akoi, pe taha nopoge akorua konofo ia teretu; mo aia feimacowa akoi katufwa akoi ia tagata fakowia, ma tagata fakowia keitufwa akoi ia ta fitshicou keipurutshia tagata isa, keitouwaki akoi ia ta fare mukei.
26Tamari avau koutucua iatakoi, Akoi sekafeke mana ta fare mukei mokagi akoi fakamata ane iotshi.
27¶ Acowa nifakarogona pe tagata ituai neitucua; Akoi natshicina tshigofia ta fine tsha faruke;
28Kaia avau koutucua iacowa, Pe takou tasi keicitia ta fine tasi keicitiafakarafia tshigofia aia, aia nimaganisa milowa ia aia ia niana roto.
29Pe tshou foimata matou takaroiai akoi, keriace aia, towaki aia; erefia iatakoi pe tasi nopito o tshou notshino kojimra, ma isa aia konofo keitowaki iotshi notshino tshou ia tiafi sore.
30Pe norima matou tshou takaroiai akoi, toutshiace aia, towaki aia; erefia iatakoi pe tasi nopito tshou kojimra, ma isa aia konofo keitowaki iotshi notshino tshou ia tiafi sore.
31Nifasao foci tira, Pe tagata tasi katowaki tshane fine, erefia aia keiavagi aia tatapuria keitowaki aia iateia.
32Kaia avau koutucua iacowa, pe tagata tasi katowaki tshane fine, kaia ma kotshigo tatane ana, aia keimna aia tshigo faruke; ma pe tatane tasi karafia tafine aia nitowaki, aia tshigofia ta fine tsha faruke.
33¶ Foci acowa nifakarogona pe tagata ituai neitucua, Akoi natshicina koutucua tafasao korefu hepe tafasao tamari tapu, kaia koutucua ia Ihova iotshi afasao tapu mari tshow.
34Kaia avau koutucua iacowa, sekoutucua afasao tapu mari; jimra ia taragi; ma aia Atua konofo iai,
35Jimra ia fanua wararoni; ma aia tshana vai nokotu iai; jimra ia Jerusalem ma aia ta tumrai sore o ta Teriki sore
36Foci acowa kanatshicina koutucua tafasao tapu mari ia tshou nouru, ma akoi taru keimna tasi foiuru kego mo ouri.
37Kaia erefia tshou afasao, keini, keini; ma Jimra, jimra, ma taha afasao foci wamuri tira aia isa.
38Acowa nifakaragona tafasao neitucua, Tasi foimata kaiioria tasi foci foimata, ma tasi nonifo kaiioria tasi foci nonifo.
39Kaia avau koutucua iacowa, pe acowa natshicina ioria maganisa, kaia ia aia ferpacia akoi ia nomeregarega matou, katafuri keitufwa aia ta masui foci.
40Pe tagata tasi karafia akoi mokagi tagata fakowia ma keiamke tshou kot, keitufwa aia tshou tumiga sore iluga ma.
41Pe tagata tasi karotshia fakamukei akoi keifano tasi mail, erefia akoi fano ia aia erua mail.
42Keitufwa ia aia kanogia akoi ane, ma ia aia kameiamo ana tshou ane kanatshicina kafafuri aia.
43¶ Acowa nifakarogona afasao neitucua, Akoi kacitiafakarafia tagata konofo i arotopa, ma feimacowa acre feimacowa akoi.
44Kaia avau koutucua iacowa, Acitiafakarafia acre feimacowa acowa, fasao erefia iacre kafasosa iacowa, maganerefia ia acre feimacowa acowa, ma mori Ihova iacre ta karoiai acowa, ma feimacowa fakoko acowa.
45Pe acowa arecriki o tamanowa ia taragi; ma aia emna tshana tara konace ia tagata isa ma ia tagata erefia, ma kokowna tshana towa koto ia tagata maganerefia ma ia tagata maganisa.
46Ma pe acowa acitiafakarafia acre acitiafakarafia acowa? jimra fakamata acowa iateia? magane o tagata amo mune tsha teriki hepra mo?
47Ma pe acowa karofa tagata tshowa ana, magane o tagatotshi hepra mo? Magane o tagata amo mune tsha teriki hepra mo?
48Maganerefia iotshi acowa, hepe tamanowa taragi maganerefia iotshi.
বর্তমানে নির্বাচিত:
MATHIUS, NOPUKU AFASAO SORE, 5.: ANT
হাইলাইট
শেয়ার
কপি
Want to have your highlights saved across all your devices? Sign up or sign in