1 Mose 8
8
1Ke̱ke̱ ni Nyoṅmo̱ kai Noa ke̱ koloi le̱ ke̱ šĩa koloi le̱ fẽ ní ke̱le̱ yo̱ adeka le̱ mli le̱, ni Nyoṅmo̱ bā kō̱yo̱ ko batſa ye̱ šikpoṅ le̱ no̱, ni nui le̱ bõi kpõṅmo̱.
2Ni atšĩmo̱ bu kwo̱ṅkwo̱ṅ le̱ hĩṅme̱ii le̱ ke̱ ṅwei samfe̱dši le̱, ni nyoṅmo̱ ní tueo̱ ke̱-dše̱o̱ ṅwei le̱ kpa. 7,11. 12
3Ni nui le̱ hĩe kpõṅmo̱ fiofio ye̱ šikpoṅ le̱ no̱, ni gbĩĩ oha ke̱ nyoṅmai-enumo̱ le̱ se̱ le̱ nui le̱ ano̱ gbo̱.
4Ni nyõṅ ni dẽi kpawo le̱ no̱ gbĩ ni dši gbĩ nyoṅma ke̱ kpawo le̱ no̱ le̱ adeka le̱ yamā ši ye̱ Ararat gõdši le̱ ano̱.
5Ni nni lo̱ ano̱ hĩe gbo̱mo̱ āhũ ke̱-yaši nyõṅ ni dši nyoṅma le̱ no̱; ni nyõṅ ni dši nyoṅma le̱ no̱ kleṅkleṅ gbĩ le̱ no̱ le̱ ana gõdši le̱ ayiteaṅ.
6Ni eba mli ake̱ gbĩĩ nyoṅmai-edſe̱ se̱ le̱ Noa gble adeka le̱ be samfle̱ ni efe le̱,
7ni etšũ kwãkwãlabite ke̱-te; ni ehĩe yā ke̱ bā ke̱-yaši beyino̱ ní nui le̱ mī, ye̱ šikpoṅ le̱ no̱.
8Ke̱ke̱ ni etšũ okpo ke̱-dše̱ eṅõ, ní eke̱-na ake̱ nui le̱ emī ye̱ šikpoṅ le̱ no̱ lo.
9Ši beni okpo le̱ náá enane mā̃he le̱, ekũ ese̱ ke̱-ba eṅõ ye̱ adeka le̱ mli, edšake̱ nui le̱ ye̱ šikpoṅ le̱ fẽ hle lolo; ni ekpã enine mli, ni emõle̱, ni eṅõle̱ ke̱-ba eṅõ ye̱ adeka le̱ mli.
10Ni emẽ gbĩĩ kpawo kroko, ni esā etšũ okpo le̱ ekoṅ ke̱-dše̱ adeka le̱ mli.
11Ni okpo le̱ ba eṅõ gbe̱ke̱nãši, ni na, mũtšo-bāfo̱ kõ enā; ni Noa ná le ake̱ nui le̱ emī̃ ye̱ šikpoṅ le̱ no̱.
12Ni esã emẽ gbĩĩ kpawo kroko hũ, ni etšũ okpo le̱; ni ekũũ ese̱ ke̱-baa eṅõ doṅṅ.
13Ni eba mli ake̱ afi ni dši ohai-ekpa ke̱ ekome le̱ no̱, ye̱ kleṅkleṅ nyõṅ le̱ no̱ kleṅkleṅ gbĩ le̱ no̱ le̱ nui le̱ mī̃ ye̱ šikpoṅ le̱ no̱; ni Noa dšie adeka le̱ no̱bumo̱nõ le̱, ni ekwe̱, ni na, šikpoṅ le̱ no̱ egbĩ.
14Ni nyõṅ ni dši enyo̱ le̱ no̱ gbĩ ni dši nyoṅmai-enyo̱ ke̱ kpawo le̱ no̱ le̱ ši-kpoṅ le̱ no̱ gbĩ kwrā.
15Ni Nyoṅmo̱ ke̱ Noa wie ni ekē̱:
16Dše adeka le̱ mli, bo ke̱ oṅã ke̱ obii ke̱ obii aṅãmei ni fata ohe le̱.
17Koloi fẽ ni ke̱o yo̱ ni dše̱ helo fē mli le̱, lofõdši ke̱ šĩa koloi ke̱ wāmo̱nii ní wamoo̱ ye̱ šikpoṅ le̱ fẽ le̱, oke̱ame̱ adše kpo, koni ame̱tši ame̱be ye̱ šikpoṅ le̱ no̱, ni *ame̱fo̱ ni ame̱yi afá ye̱ šikpoṅ le̱ no̱. *1,22. 28.
18Ni Noa ke̱ ebii le̱ ke̱ eṅã ke̱ ebii le̱ aṅãmei ni fata ehe le̱ dše kpo; 2 Pet. 2,5.
19ni koloi fẽ ke̱ wāmo̱nii fẽ ke̱ lofodši fẽ, nofēno ni tšio̱ ehe ye̱ šikpoṅ le̱ no̱ ye̱ ame̱wekuwekui le̱ anā le̱ dše kpo ye̱ adeka le̱ mli.
20Ni Noa mā afo̱lešãlate̱ ehã Iehowa, ni eṅõ šĩa koloi ní *he tše le̱ fẽ mli eko ke̱ lofõdši ni he tše le̱ fẽ mli eko ni eṅõ šã šā̃-afo̱le ye̱ afo̱lešãlate̱ le̱ no̱. *7,2.
21Ni beni Iehowa here ṅma dšũrõ le̱, Iehowa kē̱ ye̱ etšui mli ake̱; Milomo̱ṅ šikpoṅ le̱ ye̱ gbomo hewo̱ doṅṅ; edšake̱ gbomo *tšuiṅ dſẽṅmo̱ le̱ efõṅ dši ke̱-dše̱ egbekẽbiiaši; ni asaṅ †mitſiaṅ nofëno ni hĩe kã le̱ nii butū tamo̱ bo̱ni mife ne̱ doṅṅ. 6,5. Lal. 14,3. Hiõb 14,4. Mat. 15,19. Rom. 8,23. †Ies. 64,9.
22Gbĩĩ abo̱ fẽ ni šikpoṅ le̱ yo̱ ne̱, nidũmo̱ ke̱ nikpamo̱, fẽi ke̱ latšā, agbie̱nā ke̱ aharabata ke̱ ſane ke̱ nyõṅ se̱ efoṅ. Ier. 33,20. 26.
বর্তমানে নির্বাচিত:
1 Mose 8: GBV96
হাইলাইট
শেয়ার
কপি
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
