Mateo 24
24
Yesu alufwaanga pa ifiintu fya mpelelekesho
(Mk 13:1-23; Lk 21:5-28)
1Nga Yesu afuma un-ng'anda-nkulu-iyi-Leesa, a pita. Alondeshi yaakwe yaaya kunaali, kuti yanndange mikulo ya ng'anda-nkulu-iyi-Leesa. 2Nawe wayanena, waati: “Mululola efi fyooshi? Mwenemo ndumuneena: kutalu shaala pa ifiinga lino liluuwa apa linina, leelo yooshi yalupomololwa.”
3Nga pano wayiile atikala apa mwaamba wa Miseituni, alondeshi yaakwe yaaya kunali ukumbali, yaati: “Tuneene ifiintu fiyo filuwa li na kuluwa uli apa kwisa kwako, na pa kusila kwansi?” 4Yesu wayaneena, waati: “Lolini, untu umwi atamuzosha. 5Kuno ayiinji yalwisa ukwishiina lyane, angi yaluuti: ‘Neene ndi Klisto.’ Nayo yalusosha ayiinji. 6Neemwe mulupulika isumo, ni mpwepwe sha nkoondo; mulole mutachoopa, kuno chilungime filwisa, leelo ukushila kwansi kuchili. 7Kuno antu yalukatuka ukulwa na antu yaniina, nu weene ukulwa nu wene unina; kuluuwa isala ni vitentema fya nsi mûntu mûntu. 8Fiyo fyooshi ali ntangulo ya machuulo. 9Apa maanda yao yalumufiima ukuti mulole amachuulo nayo yalumumoola, neemwe mulutuwiwa na antu yooshi ukwishiina lyane. 10Apano ayiinji yaluchituwa nu kusongelelana nu kutuwana. 11Na malau tupu aya ufi yaluloleka nu kusosha ainji. 12Nu ku nndandu wa kutanduka kwa nno, ulukundo lwa yiinji lulusila. 13Leelo wino alutekaana kufika ni chisila, uwino alufyuuka. 14Kayili iswi-isiipe lya weene lilusuundwa unsi yooshi, ukuwa usyuta uku yantu yooshi. Apano kusila kwansi kulwisa.
15“Ichino pano mwacha mwalola uyiipe wa wonooni uo wimiliile apakashi apasweepe uno kalausha Danieli watashile— kasoma amanye — 16apano yano yali umu Yudea, yitukiile um-myaamba. 17Na wino ali apidaali, atika ukutola ifiintu fino fili un-ng'anda umwakwe. 18Naanti wino ali uku fyaalo, ataweela uku chisila ukutoola umweenda waakwe. 19Akalaanda kao yano yali ni sanda, na yano yalonsya amaanda yao. 20Pepini kuti ukwituka kwino kutacha kuwe uku nzusi, naanti uwaanda wa Sabato, 21Kuno amaanda yao amachuulo yalufulisho nkaani, yano yatachili yaloleke fuma ukulengwa kwansi, fika na li, nga yataluwako kayili. 22Na amaanda yao ngi yatali yaputukisiwe, atali afyuuke untu naanti umwi; leelo ku nndandu wi yano yasololwa, yaluputukisiwa. 23Apa makati yao. ngu ntu wamunena, waati: Lolini Klisto alipa, naanti: ‘Ali kuo,’ mutachisumila. 24Kuno yalukatuka yaklisto-ya-ufi na malau yaufi, nayo yaluchita ifilangisho ifikulu ni ifintu fya kuzunguka, ukuti yamulovye na asolole kwene ndi chawela. 25Lolini, ntimusokesha inkolelo. 26Ichino ngi yamuneena, yaati: ‘Lolini, ali uku lusaanga,’ mutachiya; naanti yaati: ‘Ali un-ng'anda unkasi,’ mutachisumila. 27Kuno ndi fino ulukosho lukufuma uku kafuma ndaaka, luloleka nu ku kawa ndaaka, ifino kuluwa ukwisa kwa Mwaana-ntu. 28Ichino pooshi pano pali ichaala, apano amakoshi yalukongaana.
29“Lelo liyo kwene ichisila cha machuulo ya maanda yao, ilaashi lilufitokela, nu mweeshi utaluwala ni ntaanda sha mwiyulu shilupona, na maka ya mwiyulu yalutelengana 30Apano chiluloleka chilangisho cha Mwaana-ntu um-mwiyulu, apano aantu yooshi aya kuno ukuushi yaluloshaa, nayo yalulola uMwaana-ntu alwisha na mapuufi ya mwiyulu, poonga na maka nkaani nukulu tupu. 31Nawe alutuma yamalaika yaakwe poonga nu nndilo unkulu wipeenga, nayo yalukongaanya yano wasolola ukufuma isansa shini, ukufuma uku lusansa lu lwa mwiyulu, nu kufika ku lusansa lu.
Amasambilisho ya nsamfu
(Mk 13:28-32; Lk 21:29-33)
32“Ichino sambililiini unndumbe wa nsamfu: itayi lyaakwe ngi lyaleemba nu kufumya amafwa, mumanye fino ichisiku chapalamila. 33Neemwe ifiyo kweene, pano mwalola fiyo fyooshi, mumanye fino indi apiipi, um-milyaango. 34uMwenemo ndumuneena: umpaanda u utalusila, angi fyooshi fi fichili filoleke. 35Iyulu ninsi filusila, leelo amaswii yaane yatalusila naanti uche.
36“Lelo ukumanya icha pa waanda uulye, ninsaa lino alwisa, kuushi wino amanyile, naanti ayamalaika ya mwiyulu, naanti Mwaana, leelo Taata weenga mpela. 37Kuno ndifino chaali apa maanda yi Noa, ifino chiluwa apa kwisa kwa Mwaana-ntu. 38Kuno ndi fino chaali um-maanda yano yakoleliile nndamba, antu fino yalyaanga nu kunwa, yapindulanga nu kupindukwa, ukufika uwaanda wuuwu, wuno Noa wingilu um-safina. 39Yatamanya chimwi kufika na li nndamba wisa, wayaseenda yooshi, ifino chiluuwa apa kwisa kwa Mwaana-ntu. 40Lili kweene aantu yaili yaluuwa uku chaalo, weenga asendwa, weenga ashaala. 41Anachi yayili yaluwa yalusha, weenga aseendwa, weenga ashala. 42Ichino mutachilaala, kuno mutamanyile uwaanda chi uno alwisa uMweene wino.
43“Lelo mumanye iswii li: unkola ng'anda ngi amanyile lino umwifi wanja, atangi alaale, ataangi ashe ing'anda yaakwe ipomolwe. 44Ichino fiyo neemwe kweene uteyanyini, kuno lino mutamanyile ilino Mwaana-ntu alwisa.
45“Ali uwini leelo umuofi wa kutailwa uwa maano, wino umweene waakwe wamwika un-ng'anda yaakwe, angi alupa ifyulya lino fyasitwa? 46Inkata yaakwe umuofi wiyo wino umweene waakwe wisa wasana aluchita fiyo. 47uMwenemo ndumuneena: alumwika kuloleleela ifiintu fyaakwe fyooshi. 48Leelo umuofi wiiwi unjiipe, ngi um-mweeso waakwe waati: ‘Mweene wane wasimba,’ 49watampa ukuma aomfi nachakwe, nu kulya nu kunwa poonga nakoleshi, 50umweene waakwe umuofi wiyo alwisa uwanda uno atalwelengula, ni nsaa ino atamanyile. 51Alumkoma nu kumwikila malipisi apali poonga na yaufi. Ukuno kuluwa ukulila nu kuchecheta mino.
বর্তমানে নির্বাচিত:
Mateo 24: FNT1988
হাইলাইট
শেয়ার
কপি
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.
