Chhóng-sṳ Ki 37

Yok-sit lâu Kiâ Hiûng-thi

1Ngâ-kok ki-siu̍k he̍t chhai kiâ-pâ cho lî-hak he̍t-ko ke Kâ-nàm thi-khî. 2Yî-ha ki-chai Ngâ-kok chhiòn-kâ ke sṳ.

Yok-sit sṳ̍p-chhit se ke sṳ̀ chhiu sòng-sòng thèn kì ke-têu â-kô chhut-hi chóng yòng-è. Kì sòng-sòng pông-chhu kiâ-pâ ke se-chiá Phit-lâ lâu Sit-pha ke-têu lai-é chóng yòng-è; kì ya sòng-sòng lâu kiâ-pâ po-ko ke-têu â-kô só-cho ke fái-sṳ.

3Yî-set-lie̍t thi̍t-phe̍t siak Yok-sit yàng-ko siak khì-thâ ke lai-é, yîn-vi Yok-sit he kì ngièn-ló ke sṳ̀ kiung ke; kì cho yit-liâng fâ-set tông-chiâng ke chhòng-sâm#37:3 “fâ-set tông-chiâng ke chhòng-sâm” ya-he yi̍t-cho “yû chhòng-chhiu ke ngoi-phàu”. pûn Yok-sit. 4Yok-sit ke-têu â-kô khon-tó â-pâ thi̍t-phe̍t siak Yok-sit, sîm-tú chhin m̀ kâm-ngien, chhiu yen-hen Yok-sit, lâu kì kóng-fa ke sṳ̀ sòng-sòng ok khià-khià.

5Yû yit-pái, Yok-sit pot yit-ke mung, chiông liá-ke mung kóng-pûn ke-têu â-kô thâng; kì-têu chhiu hàn-kha yen-hen kì. 6Kì kóng: “Ngài chiông ngài pot ke mung kóng-pûn ngì-têu thâng: 7Ngài-têu chhai thièn-tú chat ma̍k-é, ngài chat ke ma̍k-é khî tèn-tèn, ngì-têu chat ke ma̍k-é lûng-chúng vì-tén ngài chat ke ma̍k-é pai.”

8Kì ke-têu â-kô mun kì kóng: “Ngì sióng-oi cho-vòng kón ngài-têu he-mò?” Yîn-vi Yok-sit chiông chhṳ-kâ ke mung kóng-pûn ke-têu â-kô thâng, kì-têu chhiu pí thèu-pái hàn-kha yen-hen kì.

9Heu-lòi Yok-sit yu pot yit-ke mung, kì hàn-he lâu ke-têu â-kô kóng: “Ngài yu pot yit-ke mung; ngài khon-tó ngit-thèu, ngie̍t-kông lâu sṳ̍p-yit lia̍p sên-é lòi pai ngài.”

10Yok-sit ya chiông liá-ke mung lâu kiâ-pâ kóng; kiâ-pâ chhiu chit-phi kì kóng: “Liá chhiong má-ke mung nè? Ngì sióng ngài, ngiâ-mê lâu ngiâ ke-têu â-kô chhiòn-phu oi lòi phu̍k chhai thi-song pai ngì he-mò?” 11Yok-sit ke-têu â-kô fî-sòng chhit-tu kì, chúng-he kiâ-pâ yit-chhṳ̍t chiông liá-khien sṳ ki chhai sîm-tú.

Yok-sit Pûn Â-kô Mai-to Âi-khi̍p

12Yû yit-ngit, Yok-sit ke-têu â-kô to Sṳ-kiam hi-chóng â-pâ ke yòng-è. 13Yî-set-lie̍t tui Yok-sit kóng: “Ngì ke-têu â-kô chhai Sṳ-kiam chóng yòng-è. Lòi â, ngài oi phai ngì to ke-vi hi-khon kì-têu.”

Yok-sit en-kóng: “Hó! Ngài lòi-hi!”

14Kiâ-pâ fûn-fu kì kóng: “Ngì hi-khon ngì ke-têu â-kô yû phìn-ôn mò? Yòng-khiùn ôn-chhiòn mò? Yèn-heu chón-lòi lâu ngài kóng.” Kiâ-pâ chhiu sung kì lì-khôi Hî-pak-lùn sân-lak.

Yok-sit hi-to Sṳ-kiam, 15chhai yâ-ngoi mì-lu. Yû yit-ke ngìn tù-tó kì, mun kì: “Ngì chhìm má-ke?”

16Kì en-kóng: “Ngài oi chhìm ngâ-kô. Chhiáng ngì lâu ngài kóng, kì-têu chhai nai-vi chóng yòng-è?”

17Ke-ngìn kóng: “Kì-têu yí-kîn chéu lé. Ngài thâng-tó kì-têu kóng oi-to Tô-thân hi.” Só-yî Yok-sit hi-kiuk kì ke-têu â-kô, chhai Tô-thân chhìm-tó kì-têu.

18Kì-têu yén-yén chhiu khon-tó Yok-sit. Kì hàn-màng hàng-to yî-chhièn, kì-têu chhâm-siòng oi hoi-sí kì. 19Kì-têu pí-chhṳ́ kóng: “Khon â, ke-chak pot-mung ke ngìn lòi lô! 20Lòi â! Ngài-têu chhṳ̀-thet kì, chiông sṳ̂-thí fit-to châu-chiáng tú, kóng kì he pûn yâ-chhu sṳ̍t-thet; khon kì ke mung oi ngióng-pân sṳ̍t-hien ô!”

21Lî-phien thâng-tó kì-têu ke yîm-mèu, tông-sióng kiu Yok-sit; kì kóng: “Ngài-têu m̀-hó chhṳ̀ kì, 22m̀-hó liù kì ke hiet! Chiông kì fit-lo̍k khóng-yâ ke tún-súi-fut tú chhiu hó! M̀-hó sông-hoi kì!” Lî-phien án-ngiòng kóng he yîn-vi kì oi tui kì-têu ke sú-chûng chiông Yok-sit kiu chhut-lòi, chiông kì sung-chón â-pâ ke-vi hi. 23Yok-sit yit-to kiâ-kô ke-vi, kì-têu chhiu khiòng-khiòng thot-thet kì ke-liâng fâ-set ke chhòng-sâm, 24chiông kì chok hí-lòi, fit-lo̍k tún-súi-fut tú; ke tún-súi-fut he khûng ke, tî-poi mò súi.

25Kì-têu chhô hâ-lòi sṳ̍t-fan ke sṳ̀, ngo-thèu fut-yèn khon-tó yit-khiùn Yî-sṳ̍t-mâ-li-ngìn ke lo̍k-thò sông-chhui tui Kî-lie̍t lòi, oi-hi Âi-khi̍p; kì-têu ke lo̍k-thò chai tông-tô hiông-liau, nen-hiông lâu mu̍t-yo̍k. 26Yù-thai tui kì ke-têu hiûng-thi kóng: “Ngài-têu chhṳ̀-sí chhṳ-kâ ke ló-thâi, chiông kì ke hiet khong hí-lòi yû má-ke hó-chhu nè? 27Ên-têu lòi chiông kì mai-pûn liá-têu Yî-sṳ̍t-mâ-li-ngìn, án-ngiòng ên-têu m̀-sṳ́ chhut-sú sông-hoi kì; yîn-vi kì hàn-he ên-têu ke ló-thâi, ên-têu ke kut-ngiuk chṳ̂-chhîn.” Kì ke-têu hiûng-thi chhiòn-phu chan-sṳ̀n. 28Yû Mí-thien ke sên-lî ngìn kîn-ko ke sṳ̀, kì-têu chhiu tui fut-tú chiông Yok-sit lâi sông-lòi, kóng-thin ngi-sṳ̍p chak ngiùn-pi, chiông kì mai-pûn Yî-sṳ̍t-mâ-li-ngìn; liá-têu ngìn chhiu chiông Yok-sit tai-to Âi-khi̍p hi.

29Lî-phien chón-to fut ke sùn-thèu, fat-hien Yok-sit m̀ kien-thet lé, chhiu chhin sông-sîm, chhá-lan kì ke sâm. 30Kì chón-to khì-thâ hiûng-thi ke-vi kóng: “Se-ngìn-è m̀ kien-thet lé! Ngài oi ngióng-pân chang-hó nè?”

31Kì-têu kiet-thin chhṳ̀ yit-chak sân-yòng-kú, chiông Yok-sit ke-liâng fâ-set ke chhòng-sâm ngiam-têu yòng-hiet, 32tai-chón kiâ-pâ ke-vi, kóng: “Ngài-têu chhìm-tó liá-liâng chhòng-sâm; ngin yit-ha, he ngiâ lai-é ke sâm mò?”

33Ngâ-kok ngin-chhut, chhiu kóng: “Liá he ngâ lai-é ke chhòng-sâm! Yit-thin he yâ-chhu sṳ̍t-thet kì! Yok-sit pûn yâ-chhu chhá-lan lé!” 34Ngâ-kok pî-sông to chhá-lan ngoi-sâm, chok mà-sâm, vi kiâ lai-é ôi-sông chhin-tô ngit. 35Kiâ ke-têu chṳ́-ńg chhiòn-phu lòi ôn-ví kì, chúng-he kì m̀ chiap-su ôn-ví. Kì kóng: “Ngài chhiu-he lo̍k yîm-kiên, hàn-voi vi ngâ lai-é pî-sông!” Án-ngiòng, Yok-sit ke â-pâ chhiu yit-chhṳ̍t vi kì ôi-sông.

36Thùng-sṳ̀, ke-têu Mí-thien-ngìn chhai Âi-khi̍p chiông Yok-sit mai-pûn Âi-khi̍p-vòng ke yit-ke kôn-yèn — sṳ-ví-chóng Pô-thì-fa̍t.

বর্তমানে নির্বাচিত:

Chhóng-sṳ Ki 37: THV12Rdb

হাইলাইট

কপি

Want to have your highlights saved across all your devices? Sign up or sign in

HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) সম্পর্কে আরও জানুন

Popular Bible Verses from
Chhóng-sṳ Ki 37

Video for Chhóng-sṳ Ki 37

এক নজরে পয়দায়েশ ১২-৫০

BibleProject

Chhóng-sṳ Ki 37

Popular Bible Verses from
Chhóng-sṳ Ki 37

Video for Chhóng-sṳ Ki 37

এক নজরে পয়দায়েশ ১২-৫০

বাইবেল:

Hakkafa (Roman script)

সংস্করণ: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 37

Chhóng-sṳ Ki 37

Popular Bible Verses from Chhóng-sṳ Ki 37

Video for Chhóng-sṳ Ki 37

এক নজরে পয়দায়েশ ১২-৫০

বাইবেল:

Hakkafa (Roman script)

সংস্করণ: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 37

Popular Bible Verses from
Chhóng-sṳ Ki 37