BEGGAR Betamconam
Betamconam
Beggar si hvbnyiloqkam otuqcob nyirabnam. Beggar kitaplo Pwnbov hog mwlw swwl doonbo sam pwlin pan hvl betam dvn. Soq kitap so ngulv kaapa do Pwnbov Pwnbo atv hoo pvvb bwwl doogdvn. Hvbmabde hvlakam kitap si betam dvn nyia kov hoggub nyic nyil sigwg ungho yoqlwq kunum, hoo Pwnbov Abraham gvla mwwg hosiq hoqgv nyia koam mwwgabl pvlyw dvb mwwnam mam nywywngam apaq maanam. Beggar kitap so Baibel ura soqg vcjaqb mwwpa dvb gon tulungam xiqlwq pan, otuqcob Adam la Ib (cens 1-4), hoq niqtuq hoqgv Noa, Abraham, Aisak, hoo Jakub, hoo Josap gv swwcangam vtwr-anya ho xiqlwq pan (cens 37-50), hiyv 1600 B.C. otuqb siknum. Bicwjaqb beikam Juhudi ngvla Kristanv Mojes kitap sam xeqn bov hvl kaacin pakun. Ijipt hoqgv doogin gingxo kokw ho kitap sam xeqpan. Mvqlw yaagv kitap soqg sooyiq sam 1440 B.C. lo bedwn, hvbmabde tuugin sooyiq sam 1260 B.C. lo bedwn.
Ura bol doonbo gvmp
I. Kol Nwrbag Gon: Koibo Lwpy Jaqg Nyinam (1:1-11:32)
A. Swcw-nyodongam, Adam hoo Ibnvn Bvl Pwnam (1:1-2:25)
B. Nyia Kog Otuqcob Nyic Nyinam la hoqg Niqtuq Tulu (3:1-5:32)
C. Koijaqb Sa-Hindu (6:1-9:29)
D. Nyia Koam Cwrsaq gob Mvpianam (10:1-11:32)
II. Ab Apa Tulug Gon: Koijaqb Vpy go Vmiq Baqnbo (12:1-50:26)
A. Abraham gv Swwca (12:1-20:18)
B. Aisak gv Swwca (21:1-26:35)
C. Jakub gv Swwca (27:1-37:1)
D. Josap gv Swwca (38:2-50:26)
বর্তমানে নির্বাচিত:
BEGGAR Betamconam: NYISBSI
হাইলাইট
শেয়ার
কপি
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.