Cakirok 4

Kayin kodi Abel

1Onyo Adam obedo gi cege Eva aka ogamo iye to nywolo Kayin ka waco ama: “Gi kony pa Rwoth alimo wodan.” 2Eva doko onywolo wode man, Abel. Abel oyido obedo jakwath rombo, aka Kayin obedo jafur. 3Rumacen ma hongo moro Kayin okelo olemo pere paka mic ri Rwoth, 4#Ebu 11:4aka Abel okelo nyathi rombo makayo, acel kwoŋ rombo pere to thumo, aka omiyo adec mabeyo paka mic. Rwoth ojolo mic pa Abel, 5aka okwero mic pa Kayin. Ameno Kayin nge omako swa, to coko nyime. 6Rwoth owaco ri Kayin ni, “Raŋo nge omakin? Raŋo icoko nyimin? 7Kabedi oyido itimo gim'otire, dinyo ibwonjo. To rupiri itimo gimarac, reco gwaro thigo perin mito dhumin; t'iripo dhumo.”

8 # Mat 23:35; Luk 11:51; 1 Yoh 3:12 Kayin owaco ri omin go Abel ni, “Wakadhi i ndelo.” Aka munyo jonitie i ndelo, Kayin omonjo omin to neko.

9Kenyo Rwoth openjo Kayin ni, “Nikune Abel omin in?”

Kayin odwoko ni, “An akuya; abedo jakur p'omin an?”

10 # Ebu 12:24 Kenyo Rwoth openjo ni, “Aŋo m'itimo? Remo p'omin in ywak ran wok i lowo. 11Aka onyo akwoŋo rin lowo m'oyawo dhoke to madho remo p'omin in wok i cingin. 12K'inotem furo cemo, lowo kilanyak gimoro je; aka ilangoye gi peco aka ilabedo jawoth kicar.”

13Kayin owaco ri Rwoth ni, “Gir'acula paran pek swa ran ciro. 14Neni, konon me irieman woko i lowo kodi wok ruwaŋin. Abino bedo jawoth kicar i piny aka kisi nyatoro m'orom kodan je bino nekan.”

15Kenyo Rwoth owaco rigo ni, “K'ameno! Ka nyatoro moro je onekin, abino culo kwoŋe kwor dibirio.” Aka Rwoth oketho ranyuth kwoŋ Kayin ma gwoko kisi ŋat'oromo gi go wokiri woneki go. 16Aka Kayin oeye woko ruwaŋ Rwoth to bedo i lowo m'ilwoŋo ni Nod yuwok ceŋ ma Eden.#4:16 Nod Woth kicar

Nyikway Kayin

17Kayin obedo gi cege, aka ogamo iye to nywolo wode to cwoko nyinge ni Enoka; aka Kayin ogeto tindi madwoŋ to cwoko gi nyingi wode Enoka. 18Enoka olimo wode m'ilwoŋo ni Irad; m'oyido ba Mehuyael. Mehuyael obedo ba Methusael, aka Methusael oyido ba Lamek. 19Lamek oyido nitie gi mon ario, Ada kodi Zila. 20Ada onywolo Yabal m'obedo kwari ji ma jokwayo dhok aka jobedo i wema. 21Nyingi omin Yabal oyido Yabul m'obedo kwari jower ma jogoyo tongol gi madundo. 22Zila onywolo Tubal Kayin m'ocwogo gigipiny wok kwoŋ cumin. Nyamin Tubal Kayin oyido ilwoŋo ni Nama.

23Lamek owaco ri mon pere ni

“Ada gi Zila, winjan win: Atieko neko jayac rupiri ogoyan.

24K'inen kwo abirio ama culo kwor ri nyatoro m'oneki Kayin,

Kwo piero abirio g'abirio ama bino culo kwor ka nyatoro onekan.”

Seth kodi Enos

25Adam obedo gi cege kendo, to Eva nywolo wode to waco ni, “Were omiyan wodan ma culo waŋ Abel ma Kayin oneko.” Ameno ocwoko nyinge ni Seth.#4:25 Seth Omiyan 26Seth bende olimo wode to cwoko nyinge ni Enos. I hongo no ama ji jocako lwoŋo nyingi Rwoth maleŋ i lamo.

বর্তমানে নির্বাচিত:

Cakirok 4: DHOCDC

হাইলাইট

কপি