Marcos 16

Ko Jesús jyuukpyiky

1Ko ja po'kxënxëëw nyäjxy, ënät ja Maria Magdalena ets ja Santiagë tyaak, mëët ja Salomé ojts tjuytyë ja pa'akxu'kpë nëë ets ja Jesús nyi'kx kyopk tuknikuutsanëtë. 2Tääts ojts tukninëjkxtë jopyëp, tominkë xëëw, sëmaan'ëjxy, mëjjajp poopjajp, 3tääts nyäy'ëna'anëtë:

¿Pën jëtää ja tsaa ënät jyëtijëp?

4Ko y'ijx'ëwtijtë, ënät t'ijxtë ko ja mëjtsaa ka'ap maanë mëti'ipë ja jut y'akë'ë'ajtypyën, tëë ënäty yajjëtijy. 5Ko tyëjkëtyë tsaajutjoty, jap t'ijxtë aka'any'äämpy tu'uk ja yä'äy ëna'k jam y'u'unyë poopxoxy yaj'ixy. Tääts ja to'oxytyëjk tsyë'këtyë, 6e ja yä'äy ëna'k jëtu'un y'ënëmaayëtë:

Këtii mtsë'ëkëtë. Miits yë'ë m'ixtaaytyëp ja Jesús, Nazaretëtë ja'ay, mëti'ipë ojts kyëruutspetyën. Tëë jatëkok jyuukpyiky, ka'ap ja yaa pën. Oy xytyim'ixtëty ma ojts yajpëjktä'äkyën. 7Nëjkx ja y'ijxpëjkpëtëjk tuk'ëwaanëtë ets näjyëtu'un xytyuk'ëwaanëtëty ja Pedro: Tam jëwyiin ja Jesús nyijkxy Galilea oknëm miitsëty, ja y'ijxpëjkpëtëjk jatëkok wyoowmukäämpy, ets xy'ixtëty jëtu'un ijxtëm ojts nikäjpxyën.

8Tääts pyëtsëëmtë pëyi'ikyë jap o'kpëjutjoty, mëët ja tsë'ëkë ets ja jotmay. Ets ka'ap pën t'ëwa'anëtyë jä'ä ko tsë'këtyëp ënäty.

Ko Jesús nyätyuk'ixyë ja Maria Magdalena

9Ko ja Jesús jyuukpyijky, sëmaan'ëjxy jopyëp; Maria Magdalena ojts y'ixyë jëyëjp, mëti'ipë ënäty tëë ja ku'oypyë niwëxtujk y'ëxmatsyën. 10Ënät ja Maria Magdalena ojts nyijkx ets tuk'ëwa'anëy mëti'ipë ja Jesús ënäty mëët të jyëtityën, mëti'ipë ënäty jam moontëp tujktëpën ets jëëytyëp yaxtëpën. 11Ko tmëtoowtë ko ja Jesús jyuuky'äty ets ko ja to'oxytyëjk ënäty të t'ixy, ka'ap tmëpëjktë.

Ko Jesús nyänyikëxë'ëkyë ma nimäjtsk ja y'ijxpëjkpëtëjkën

12Ko jëtu'un y'ëknajxy, ënät ja Jesús wiink nyänyikëxë'kë ma ënäty nimäjtsk ja ja'ay tyu'uye'eytyën, kyamjotm nyëjkxtë. 13Ko t'ixkajptë, ënätyë wyimpijtë ets ojts nyëjkxtë Jerusalén. Ënät ja myëku'uktëjk tuk'ëwa'anëtyë, je'eyëp ko nän kä'äp myëpëjkëtë.

Mëti'ipë ja Jesús ja y'ijxpëjkpëtëjk tyuk'ënä'ämën

14Ok ja Jesús ojts jatëkok nyänyikëxë'ëkyë ma ja y'ijxpëjkpëtëjk ënäty nimajktu'uk yajpaatën ma ja kaaypyäjnën, jamts ojts mëk y'ojëtë jä'äkyëjxm ko ka'ap tmëpëktë ko jyayajtuk'ëwaanëtë ko ja Jesús të yaj'ixy, ko tëë jatëkok jyuukpyiky.

15Ets yaj'ënëmaaytyë:

Nëjkxtë naaxwiinyëtë apëtsëmy ets ja oy aaw oy ayuk xykyajpxwa'kxtëty. 16Pën myëpëjkpy ets nyëëpety, yë'ë nëjkx nyitso'oky; e pën kamëpëjkp, yë'ë nëjkx yajkpoky'ixy. 17Ja ja'ay mëti'ipë mëpëjktëpën, yë'ë tyuntëp:

Ëjts mëët yë nxëëw nëjkx t'ixkäxtëty ja ku'oypyë; kyajpxtëp ja wiink ayuk; 18myatstëp ja tsa'any ets ka'ap tsyu'utsëtëty; ko ajotkumonë t'uuktëty ja ëxëëk nëë, ka'ap wi'ix jyatëty; näjyëtu'un ko ja pa'amja'ay tkë'ënixajtëty, yajtso'oktëp.

Ko ja Jesús tsyajpety

19Ko ja y'ijxpëjkpëtëjk ojts jëtu'un tmëmëtyakta'ay, ënät ja Jesús pya'tëjkëy tsajpjotm; Tios ojts tuknipëjktaakë ets pya'tëkëty tsajpjotm ets nyaaxwe'tsy ma ja Tios ja y'a'oykyë'ëjën. 20Tääts ja y'ijxpëjkpëtëjk tsyo'ontë ets ojts tkajpxwa'kxtë ja Tios ja y'aaw y'ayuk oy tyimmaajëty. Wintsën Jesukristë ojts pyutëkëtë ets ja ja'ay tuk'ijxtëty tuknijawëtëty ko tyiyëty jyääntyëty mëti'ipë kyajpxtëpën, jä'ä ko tuntë winë mëët ja Tios ja myëj'ajtën.

বর্তমানে নির্বাচিত:

Marcos 16: QUETZMIXE

হাইলাইট

কপি