Marku 8
8
Byu mi tung le zang bi tsaw e
1Ahkwi hau yaw le byu jum maw dum zup-mung lwi e, yang maw zaw-hpaw a waw kaw hkun, Yang gë, Yang e lagyaw wi le wut yu lwi.
2“Shiwa byu pe sum ni Ngaw e ra-ha ni lwi, hai jung zaw-hpaw le a waw kaw e yan-mai, Ngaw yang maw le shaw-gyaw be.
3Zaw mut taw le, yum-sing e yum hpyang yang maw le nang kat le gë, yang maw hkyaw hka ma moi-shi kaw ra. Yang maw jang ma ra wam gë, we shut mai je le kaw e,” ga lwi, yang maw le tai e.
4Lagyaw pe gë, Yang le tu e gë, “Shi yaw-saw ma yang maw le gi shaw, hka-ma muk waw yu ra lu?” ga kaw e.
5Yang yu gë, “Nung maw muk hka myaw waw taw akaw hta?” ga lwi, mi jang. Yang maw gë, “Nit lum za ngut be,” ga kaw e.
6Hau mu lwi, shiwa byu pe le mi-gung ma zung taw ra ma-tu tai taw he. Hau hkun Yang gë, hau muk nit lum le yu lwi, hkya-awn yau jang, hau le a-jap-jap kut mu, yang maw hë ma gam bum taw kaw shang ga, Yang e lagyaw pe le bi e. Yang maw le shiwa byu pe hë ma, gam bum taw kaw e.
7Ngaw-zaw ti a zwi le yang maw waw taw le, hau gu le shi-man bi lwi, hau le le gam bum taw kaw shang ga, ga tai taw be.
8Hau hkun yang maw zaw-gi bum e. Mit e a-jap-a-mit nit pyap-tup waw hkyawm yu kaw e.
9Byu mi tung kaw ngut taw akaw. Hau htang Yang yang maw le pun kat e.
10Hau hkun-jang, Yang e lagyaw wi e ra-ha lai hkau shut Yang wang lwi, Da-la-ma-nu-hta mau-kyaw shut e je e.
Lamik haw baog le tai e dang
11Hau hkun Hparishe pe htaw le lwi, Yang e he-lum le e, Yang le jam-wu u-jang, mau-hkung shut mai lamik shit wu ra, ga dung kaw e.
12Hau mu Yang e we-ni ma saw-maw gyai she lwi, “Shi i-pyat hai mu lamik shit ra dung le li? Ngaw nung maw le teng teng tai kaw le, shi i-pyat le hai lamik le law htaw shit ra a ngut,” ga e.
13Hau hkun Yang yang maw le pyam taw lwi, lai shut dum wang lwi, he-hpaw shut gu-dap byu law e.
A teng e hkyaw mun-chi le dang-ke ke e
14Yang maw jau gë, muk wun ra taw-mi pyam kaw e, hau lai ma muk ra htung mai lai lwi, zaw jung hai le a jaw.
15Hau hkun Yang yang maw le, “Hparishe pe mun-ehi e, Herod e mun-chi le waw koi pyam shang ga, sa di ke,” ga lwi, yang maw le tai taw be.
16Hau mu yang maw gë, “I-nung muk a baw nung,” ga lwi, shida-da tai lum kaw e.
17Yesu hau le se jang. “Nung maw muk a baw e hkyaw hai mu tai lum ni akaw hta? Ahkwi je-shaw a dat se, a dat ming-be yu kaw lu? Nung maw e i-mit-nik-lum ru-htan ni a-shi kaw lu?
18Myaw dap kaw-lang, nung maw a myang kaw lu? Naw dap kaw-lang, a waw gyaw kaw lu? a waw ma-tsing kaw lu?
19Hau muk ngaw lum za byu ngaw tung le bi tsaw e htang, nung maw hkyawm yu e a-jap-a-mit mung, hka myaw bing le lu?” ga e. Yang maw gë, “Ra htse i mung ngut le,” ga kaw e.
20“Hau muk nit lum le le byu mi tung le gam bi le, nung maw hkyawm yu e a-jap-a-mit pyap, hka myaw bing le hta?” ga lwi, dum mi jang. Yang maw gë, “Nit pyap ngut le,” ga tai kaw e.
21Yang yang maw le, “Nung maw ahkwi je-shaw a dat ming-he kaw lu?” ga tai e.
Myaw jit su le law ge i be
22Hau hkun yang maw gë, Betsaida shut je kaw e. Hau ma myaw jit su ra yu le yang maw Yang jang shut shwi le lwi, yang le sawp bi ra dung kaw e.
23Yang gë, hau myaw jit su e law ma zwi lwi, wa yam shut shwi e lwi, yang myaw ma saw-kan-bye bi mu, yang a-htaw ma law ke u-jang, “Nang hai jung jung myang be lu?” ga, yang le mi e.
24Yang gë, byu-wu lwi, “Byu le ngaw myang be. Yang maw sik-gam su saw-wun akaw, ngaw myang be,” ga e.
25Hau htang ma yang e myaw htaw ma law dum ke taw le. Hau yu gë, byu myang lwi, myaw ma jing dum dut byu be, a-zëng lung-lung le san za waw byu-myang be.
26Hau hkun yang e yum shut yang le nang kat lwi, “Hau wa hkau hpyang lang, nang hka wang,” ga kat e.
Yesu gë, Hkristu ngut le, ga lwi e Petru tu e
27Hau htang Yesu e Yang lagyaw pe gë, Ke-sa-re-a Hpi-li-hpi e wa dum pe hpyang law lwi, hkyaw ma Yang e lagyaw wi le, “Byu pe Ngaw le aw ngut le ga akaw hta?” ga lwi, mi e.
28Yang maw gë, “Baptisma sara Yawhan ngut le. Gaw bang gë, Elia ngut le. Hau mai dum gaw bang gë, mi-htoi pe jang ma ra yu ngut taw le ga akaw,” ga lwi, Yang le tai kyaw kaw e.
29Yang yang maw le, “Nung maw yu, Ngaw le aw ngut le ngu taw akaw lu?” ga lwi, mi e. Petru tu u-jang, “Nang gë, Hkristu ngut taw le,” ga lwi, Yang le tai e.
30Hau mu lwi, Yang e hkyaw aw le le a tai kyaw shang ga, Yang yang maw le tai taw be.
Yesu shi hkam ra ma-tu nyaw maw hë e
31Hau hkun hau byu-yang-zaw gë, a-shaw-a-wi myaw myaw hwi lwi, a-gi su wun pe, hkin-jawng a-gi pe e, mau-sau ka e sara pe e, nyap pyam ra e, sat-pyam ra hwi lwi, sum ni htang le dum twi taw law ra hkyaw, Yang yang maw le nyaw maw hë e.
32Yang hau dang le dan-dan-leng-leng tai kyaw e. Hau mu lwi, Petru gë, Yang le zwi-zing lwi, jawp pyam e.
33Yang ling law lwi, Yang e lagyaw pe le byu-wu u-jang, Petru le, “Satan e! Nga htang shut hwi byu law a! Karai Kasang e seng e hkyaw a ngut, byu e seng e hkyaw le za nang mit taw ra,” ga lwi, tan pyam e.
34Shiwa byu pe e Yang e lagyaw wi le Yang wut yu lwi, yang maw le tai e gë, “Nga htang shut chang le nau su, aw ngut-kaw-lang, yum-sing gung le he pyam lwi, yang e ngadang wa u-jang, Nga jang chang shang ga.
35Yum-sing asak le hki yu nau su, aw ngut kaw lang, asak sum bura. Nga ma-tu e kabu danglu yan-mai asak sum su jau gë, hau asak le waw hki yu bura.”
36“Byu gë, shi mi-dam ban shaw le yum-sing taw lwi, yum-sing e asak sum byu le gë, yang e ma-tu hai a-kyu jaw le lu?”
37“Byu gë, hai jung yu lwi, yum-sing e asak le waw htai yu ra lu?”
38“Hak-su-mu-ga-le, shut-hpit e yu-bak dap e i-pyat ma, Ngaw e Ngaw tai e dang le haw ni su, aw ngut-kaw-lang, hau byu-yang-zaw gë, Yang Wa e hpung-wup e joi-yung e mau mang pe e ra-ha je le jang, hau yu le haw pyam ra ngut le.”
বর্তমানে নির্বাচিত:
Marku 8: ATB1951
হাইলাইট
শেয়ার
কপি
Want to have your highlights saved across all your devices? Sign up or sign in
© British and Foreign Bible Society 1951
