Psalmyn 43
43
PSAL. 43.
Judica me, Deus.
1Cur briwnys er my cheu, O Yee, as jean my chooish y endeil noi’n sleih mee-chrauee:
O jean m'y livrey veih’n dooinney molteyragh as olkyssagh.
2Son uss Jee my niart, cre’n-fa t’ow er my scughey voïd:
as cre hon ta mee goll cha trimshagh choud as ta’n noid jannoo tranlaase orrym?
3O cur magh dty hoilshey as dty irriney, dy vod ad mee y leeideil:
as mee y choyrt lhieu gys dty chronk chasherick, as gys dty ynnyd-vaghee.
4Dy voddym goll gys altar Yee, dy-jarroo gys y Jee jeh my voggey as my yennallys:
as er y chlaasagh ver-yms booise dhyts, O Yee, my Yee.
5Cre’n-fa t’ow cha trimshagh, O m’annym:
as cre hon t’ow cha anveagh cheu-sthie jee’m?
6O cur dty hreishteil ayns Jee:
son ver-yms foast booise da, eh ta slaynt my eddin, as my Yee.
বর্তমানে নির্বাচিত:
Psalmyn 43: PS1765
হাইলাইট
শেয়ার
কপি
Want to have your highlights saved across all your devices? Sign up or sign in
maintained by the British and Foreign Bible Society