Iyohaichish 10
10
10. Iyohaichish.
1AA Ehoba, nep gusu Aokai anak ne ehangeko no an ushiketa ash a?
Nep gusu yairamhekomo an i ta Aokai yainuinak ruwe he an?
2Wen utara pakesara wa otek-sak guru shiarikiki no keseamba ruwe ne;
Yaikota oshke esanniyop ani aeyaiewendere ruwe ne na.
3Wen utara anak ne koro keutum ta ki rusuibe eyaiyomonnure,
Orowa, yaikoshipuinere guru nunuke wa Ehoba eangesh ruwe ne gusu ne na.
4Wen guru anak ne sancha otta pakesara iporo epukitara,
Shinuma nei ambe shomo hunara kusu ne, sekoro itak.
Kamui isama kunak ramma yainu ruwe ne na.
5Hembara ne yakka koro ki buri yupke ruwe ne;
E ki esanniyop anak shi no ri wa shinuma nukara eaikap ruwe ne:
Aeramshitnere utara gusu shinuma orun hussa shiukosamba ruwe ne na.
6Koro keutumta, kuani amoimoigere shomoki:
Otusashuishiri pakno a en awende shomoki kusu ne, sekoro itak.
7Koro paro anak ne koatchap newa shungep newa chinishteramukorep ani aeshik wa an:
Koro parumbe choropoketa irarape newa raka-isambe an ruwe ne.
8Kotan otta shinuma yongororo kusu ne,
Nuina ushiketa turu-sak guru keweuk:
Orowa, katchak utara kopiuki ruwe ne.
9Koro chisei ta shishi anak ne yongororo korachi nei guru ne yakka nuina ushiketa yongororo:
Otek-sak guru koiki gusu yongororo:
Koro ya otta animba chiki, otek-sak guru kishima ruwe ne.
10Shinuma hotku-hotku wa ikkeu komo,
Koro okirashnu utara gusu katchak utara anak ne aanno-hachire ruwe ne.
11Koro keutum ta, Kamui anak ne oira nisa ruwe ne:
Shinuma koro nanuhu nuina wa ramma pakno shomo nukara kusu ne, ani itak.
12Aa Ehoba, hopuni; Aa Kamui, E tekehe puni:
Iteki otek-sak guru oira wa en kore.
13Hemanda gusu wen guru anak ne Kamui eangesh wa,
Aokai shomo nei ambe hunara kusu ne, ari ani itak ani keutum ta itak ya?
14Aokai inganʼnisa ruwe ne; E tekehe otta shikkashima kuni gusu Aokai irarape newa kinrakarape nukan ruwe ne:
Katchak guru anak ne Aokai gusu eyaikopashte:
Eshikop sak guru Aokai kashiobiuki nisa ruwe ne.
15Wen guru koro amunin kaye wa en kore;
Wen guru koro wen-buri obitta isam pakno Aokai hunara kusu ne na.
16Ehoba anak ne otusashuishiri wano otusashuishiri pakno moshiri Esapanep ne:
Moshiri uirup anak ne Shinuma koro moshiri orowa no aisamka ruwe ne.
17Aa Ehoba, Aokai anak ne otek-sak guru konrusuibe nu nisa ruwe ne;
Aokai anak nei utara koro keutum tumashnure, orowa, otta kisara ikokanu kusu ne na:
18Moshiri kata an guru tewa no iteki ishitomare kuni gusu,
Eshikop sak guru newa aeyairamkoikire utara gusu ipishi ki kusu ne na.
বর্তমানে নির্বাচিত:
Iyohaichish 10: AINU
হাইলাইট
শেয়ার
কপি
Want to have your highlights saved across all your devices? Sign up or sign in
© British and Foreign Bible Society 1897, 2018