LUKIN 13

Ansirna nok ten Anpeina

1Havalai tak han mi senkhat a om ngaiin Isua kom arila Pilatin Galili mi Pathian kom dali dar u laitak ei that. 2Isuan amasanga, “Havan tin han anthat ei ni u sika atei Galili mi ranga salui rang mo nei iam u? 3He e, nimak! Kei na ril u ni zei na siat u ngai na mathan u nok ten hantin den nei thi kiar u rang. 4Hanle mi somleiariat a thi Siloama bangin ei del ngai hale? Jerusalema mi dora rang masial atam rang mo nei iam u? 5Tenchu nimak! Kei na ril u ni zei na pap na mathan unok ten amani anga nei thi u rang.”

Theichang Kung Anralui le Ankhina

6Hatuka Isuan hiva ankhina aril: Mi khat a oma a rahuana theipui kung adon. Amara en asena tenchu va mu mak. 7A rahuan aen ngai kom kum anthum ka hong zei tenchu amara ngal mu making. ‘Tuk u ro! Ichangmo phil ei man chong rang?’ atina. 8Tenchu rahuan a enpu han, ‘Kum khat dak hoisa inti a ravel chuia philsa pe ka ti, atia a masang. 9Hava suale na kum anra kukui mo; hanok ten tuk bo ma ni.’ ”

Sabat nikhua Isuan Nupang Akhor Amandam

10Sabat nikhua Isuan Sinagogue a a manchu. 11Nupang khat ratha sian ei sur kum somleiariat ana; a kut anzik pial thei lui. 12Isuan a muna a pai, “Nupang nei nana ata na zok zei!” 13A chunga a kut asiaka, anlaiseka anzik hatuka Pathian a manpak.

14Sinagogue a ulian a takasi, Isuan sabat nikhua mi ei man dam sika, hasik han mi kom aril, “Ni ruk a om sinthona rang; hava nikhua han hong tan dam u ro ba, Sabat nikhua chu nimak!” #Ant 20.9-10; Dan 5.13-14

15Puman a masanga, “Nangni phuazekam ngai! Na serat khitri khek u na ti, na sakuarpar ri khek u na ti, sabat nikhua ti man ne u na ti. 16Atun hiva hin Abraham akhuk soitanin kum somleiariat ei thung sabat nikhua zok no ni mo?” 17Ei masang danin adui ngai a manzak u na, mipui chu ei tho ngai sika a rai a mansan u.

Ancham Ru le Ankhina

(Mt 13.31-32; Mk 4.30-32)

18Isuan a rakela, “Pathian Ram hontinmo ei ni, i le mo kei mankhi rang? 19Hintin hin ani pasal khatin ancham ru a laka phaia ama khe. A honga monga thing kungpa ahonga ni. Hatuka va ngaiin rabu asin.”

Chol le Ankhina

(Mt 13.33)

20Isuan a rakel reta, “Hong lemo Pathian Ram kei mankhi rang? 21Hintin hin nupang khatin chol a laka dibi anthum vaipola a manpola alom peia athuia.”

Suakkhar Anchip

(Mt 7.13-14,21-23)

22Isua khopui le khotiang a lut tira asena mi ngai a manchu tira, Jerusalem tiang a pan tira. 23Mi khatin a rakela, “Puma alakte mo sandam ani rang?”

Isuan a masanga. 24“Suakkhar anchipa nei se thei u na rang nei chole dor pei tho u ro; mi tampan asena en inti tenchu thei no ni. 25In pumapa anthuia in khar inti; tual panga andinga na tok tik hatuka ti na tia, ‘Ka pu suakkhar na malong pe ro! Na re u makung hovan ata nei hong u mo ti inti!’ 26Hatuka masang u na ti, ‘Lokona na nek na sak hale; koini khopuiam chong na ril ha le!’ 27Tenchu, ‘Hovan ata mo nei hong u, hivan ata ankhai u ta ro nangni mi salui ngai!’ #Sam 6.8 28Itukmo nei chapna ha nei la rial u rang, Abraham, Isak le Jakob deari ngai dora Pathian Rama na mu tik, nangni chu anpeia om u na ti! #Mt 22.13; 25.30 #Mt 8.11-12 29Sualam, taklam, mar, sim ata mi hong intia Pathian bukhalai zarnana ansut intia. 30Atuna nukanta ngai man lansa unti, manansa ngai nuk lanta unti. #Mt 19.30; 20.16; Mk 10.31

Isuan Jerusalem eia Dit

(Mt 23.37-39)

31Havalai tak han Pharisi senkhat Isua kom ahonga ahong ti u, “Hivan ata suak tan ateia se ro, asik chu Herodin ana that rang ati.”

32Isuan a masanga, “Sial ha va ril u ro: ‘Raluai kei razul avian, nangtuk mi mandam ka ting, hatuka ninthum changnana ka sin sua ka ti.’ 33Hanum ni rase kei pan tak hi avian, nangtuk, nangthiam kei pan rang; Jerusalem noka ateia deari that dik mak.

34“Jerusalem, Jerusalem! Deari ngai nei that, palai Pathianin ei na hong tir pe lung nei deng! Voi itukmo na mi ngai dora akua rong kei ti, arpuiin ate ngai a mantha thuaia ei bum anga tenchu na zot mak che! 35Hasik han na Biakin u a korong la ni inti, kei na ril u ni zei na mu u lai no ta ni, hun la hong inti hava tika Pathianin borsang pe rase, ‘Puma raminga hong chu, na ti u tik.’ ” #Sam 118.26; Jer 22.5

বর্তমানে নির্বাচিত:

LUKIN 13: RANGBSI

হাইলাইট

কপি