Fingec fingec 5
5
Adamgac siduc tosea 5:1–6:8
1 #
Fing 1:27-28
Yomoc Adam esamedac nga ngabobangecfora yeneac kpac areng. Anutungo ngic meudeac dema yengena siric isocngoc meec. 2#Mat 19:4; Mrk 10:6Ye ngic nga ngac meficyuruma kpacngira ngicngac, ifi kpacyuruma kenecyuruec.
3 #
Fing 4:25; 1Ngts 1:1; Ruk 3:38 Anu Adam ye kecma kifaya 130 ammanu medaha mong yengena siric isoc fingerec. Ye yengena ongea isoc fingeru kpara Set kparec. 4Set fingeru ye kifa 800 torokpema kecmanu naroangmedacfora monggoc fingecgec. 5Adam ye ifi kecma kifaya 930 ammanu homeec.
Set arengfora
6Anu Set ye kecma kifaya 105 ammanu medaha Enos fingerec. 7Anu Enos fingeru imohacnac kifaya 807 torokpema kecmanu naroangmedacfora monggoc fingecgec. 8Anu Set ye kifaya 912 ammanu homeec.
9Anu Enos ye kecma kifaya 90 ammanu medaha Kenan fingerec. 10Anu Kenan fingeru imohacnac kifaya 815 torokpema kecmanu naroangmedacfora monggoc fingecgec. 11Anu Enos ye kifaya 905 ammanu homeec.
12Anu Kenan ye torokpema kecmanu kifaya 70 ammanu medaha Mahalalecel fingerec. 13Anu Mahalalecel fingeru imohacnac kifaya 840 torokpema kecmanu naroangmedacfora monggoc fingecgec. 14Anu Kenan ye kifaya 910 ammanu homeec.
15Anu Mahalalecel ye kecma kifaya 65 ammanu medaha Yered fingerec. 16Anu Yered fingerec, imohacnac kifaya 830 torokpema kecmanu naroangmedacfora monggoc fingecgec. 17Mahalalecel ye kifaya 895 ammanu homeec.
18Anu Yered ye kecma kifaya 162 ammanu medaha Hanoc fingerec. 19Anu Hanoc fingeru imohacnac kifaya 800 torokpema kecmanu yearunac naroangmedacfora monggoc fingecgec. 20Yered ye kifaya 962 ammanu homeec.
21Anu Hanoc ye kecma kifaya 65 ammanu medaha Metusela fingerec. 22Ye medaha Metusela fingeru Anutugoc wegenac yombong kengkecma kifaya 300 torokpema kecmanu naroangmedacfora monggoc fingecgec. 23Ye ifi kefu kifaya 365 anec. 24#Fing 6–9; 2Ngt 2:11; Yes 57:1-2; Heb 11:5; Yud 14Kengkecma Anutugoc wegenac yombong kemma yenigoc monggoc mi kefec. Imoc yofiac Anutu yengenaoc ye meec.
25Anu Metusela ye kecma kifaya 187 ammanu medaha Lamec fingerec. 26Anu Lamec fingeru imohacnac kifaya 782 torokpema kecmanu naroangmedacfora monggoc fingecgec. 27Metusela ye kifaya 969 ammanu homeec.
28Anu Lamec ye kecma kifaya 182 ammanu medaha mong fingerec. 29#Fing 3:17-19; Ruk 2:25Fingeru yofi deec, “Kebungo bangec soweckeec imohai marininango uatoa kpendzenggoc mema kecmina medac yomocngo mekirinunuude. Ifi dema kpara Noa#5:29 Noaac titiha imoc kecnegeng nga mekirinunude isoc. kparec.” 30Anu Noa fingeru imohacnac kifaya 595 torokpema kecmanu naroangmedacfora monggoc fingecgec. 31Lamec ye kifaya 777 ammanu homeec.
32Anu Noa ye kifaya 500 anuguc medacfora Sem nga Ham amma Yafet fingecgec.
বর্তমানে নির্বাচিত:
Fingec fingec 5: Ded
হাইলাইট
শেয়ার
কপি
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.