THILSIAM THU 6
6
Mihingte Gitlona Huaisia
1 #
Job 1.6; 2.1 Lei chung ah mihing a hung pun ua, chanute a hung pian tam phat ah chun,
2pathian chapate chun mihing chanute chu mêlpha a sa ma mau ah; tichun, a dawi taphot uh chu a kichenpi ziang tau a.
3Ziaphatchun, Lalpa’n, “Ka thagau mihingte kiang in umsak zing ta pua’ng ka, amau chu la phe leh vo mai ahi ngal un; a dam sung uh chu kum za leh sawmni tiang bep hita’n ah,” a ti’n.
4 #
Kis 13.33
Zia lai ah chun Nephilimte#Zia chu, Mi liante, ti’nle a kilet sek hi chu lei ah hin a um un. Zia nung ah chunle pathian chapate’n mihing chanute chu a pawl ua, amau tawh chate a nei nalai ui. Ziate chu nidang lai ah mihat, mi minthangte kha a la hiu a.
5 #
Mat 24.37; Luk 17.26; 1 Pe 3.20 Chun, Lalpa’n lei chung ah mihing gitlo dan nasat zia leh a lungthim ngaituanau zosia le gitlona dim zing ahi ti a he ta’n.
6Lei chung ah mihing a la siam tâk ziakin, Lalpa chu a kisik in, a lungthim a na ma ma ziang tai.
7Tichun, Lalpa’n, “Ka mihing siamte hi lei chung ah kipat in hi’mangthai mai ing ka, mihing hileh, ganhing hileh, a bokvâkte hileh, chung leng vachate natiang in, amau ka la siam hi ka kisîk ta ahi,” a ti’n.
8Himaleh, Noah chun Pathian ja’ngaina a chang hi.
Noah Pathian Mit A Tung
9 #
2 Pe 2.5
Ziate hi Noah suante a hiu: Noah chu midik leh ama khang ah mite lak ah demna bei ahi: Noah chu Pathian tawh a kivop zing ui.
10Noah in chapa pathum: Shem, Ham leh Japheth te hi a hing hi.
11Pathian mit mu in lei hi siatna’n a dim ah; hiamngamna ngen ah dim ahi tai.
12Pathian in lei hi a en ah, a se zo ta’n; lei chung ah hinna nei zosia hindan dik ah a hin tâk lo ziak un.
13Pathian in Noah kiang in, “Taksa zosia subei ding ka hi tai, amau haw ziakin lei chung hi kipawngbawlna’n a dim ah; ziate ziak ah chun, a leisiat natiang hile susia khawm ding ka hi.
14Nang â dingin Gopher thing in long kibawl in la; long ah chun pindan chuam chuam siam in la tin, a sunglam leh a pawlam chu thingnâi ah la jutbit ding ahi.
15La bawl ding dan chu zia gual hi ahi: long dung sau dan chu tong za thum hi hen; a vai letdan chu tong sawmnga hi’ntin; a sândan chu tong sawmthum hihen.
16A long chung lam tukvan ah kipat tong khat ah sâng in a chung ding la bawl ding ahi; chuleh, a pang in a kotkhak bawl in la tin, a sawng nuainung, a sawng pani’na leh a sawng thumna tiang nei in ah la siam ding ahi.
17Chuleh, ngai in, keima ngei in taksa zosia, hinna ding ah hatna nei zosia chu van nuai ah kipat hi’mangthai dingin lei ah hin tui lêt sak ding ka hi. Lei chung ah thil um zosia thi sik sek ding a hiu.
18Himaleh, ka thuthung la chung ah hi’det zaw ding ka hi; long ah chun la chapate tawh, la ji tawh, la chapate jite chiat tawh, nangma tawh la lut ding uh ahi.
19Nangma tawh hinghoi khawm dingin hinna nei zosia, chitin lak ah pani chiat la kiang ah long sung ah la pui lût ding ahi. Amau chu a nu tawh a chal chiat a hi’diu ahi.
20Vachate amau chi dungzui chiat in, ganchate le amau chi dungzui chiat in, lei chung ah ganhing zosia amau chi gual chiat in, chitin lak ah pani chiat in, humbit ah um dingin la kiang ah a hung diu ahi.
21Chuleh, a an ding un a nêkthei zosiau lakhawm in la, la kiang ah koikhawm in; chutichun, nang leh amau â dingin an nêk ding hung hi’n a,” a ti’n.
22 #
Heb 11.7
Zia gual chun Noah in a bawl ta’n; Pathian in thu a piak gual in a bawl tai.
বর্তমানে নির্বাচিত:
THILSIAM THU 6: VAIPBSI
হাইলাইট
শেয়ার
কপি
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
