Popular Bible Verses from San Juan 10

শেয়ার

’Xa̱ꞌ síí itu̱u̱, tza̱j ne̱ me ina̱nj rá soꞌ quiꞌya̱j itu̱u̱ soꞌ matzinj do̱ꞌ, ticavi̱ꞌ soꞌ matzinj do̱ꞌ, tinavi̱j soꞌ matzinj do̱ꞌ ado̱nj. Cheꞌé dan atúj soꞌ rej nu̱u̱ nij matzinj a. Tza̱j ne̱ ꞌu̱nj me se caꞌnáꞌ ꞌu̱nj cheꞌé se me rá ꞌu̱nj ꞌo̱ ga̱a̱ iꞌna̱ꞌ nij xoꞌ, ne̱ niꞌndaj ya̱ ga̱a̱ xe̱j nimán nij xoꞌ, qui̱ꞌyáj chugua̱nj.

’Ne̱ ꞌu̱nj roꞌ, me síí veꞌé ya̱ ya̱ tumej nij matzinj, ne̱ caꞌne̱j nimanj cavi̱j cheꞌé nij xoꞌ ado̱nj.

Xa̱ꞌ daán ꞌu̱nj matzinj, tza̱j ne̱ uno nij xoꞌ snana̱j, ne̱ neꞌenj man nij xoꞌ, ne̱ nocoꞌ nij xoꞌ manj a.

Ga̱a ne̱ cunu̱u iꞌna̱ꞌ nij xoꞌ ca̱yáán nij xoꞌ ga̱ Yaꞌanj nu̱ꞌ cavii nu̱ꞌ caꞌanj, qui̱ꞌyáá ꞌu̱nj, ne̱ daj chiha̱a̱ míj se̱ caviꞌ nij xoꞌ a̱ maꞌ. Ne̱ taj va̱j síí caꞌne̱e̱ man nij xoꞌ raꞌaj maꞌ.

Dan me se ase vaa taꞌyaa yoꞌ vaa ꞌu̱nj, ne̱ síí atúj rej nicu̱nꞌ ꞌu̱nj roꞌ, soꞌ me síí amán rá niꞌya̱j manj a. Nani̱i̱ soꞌ rihaan sayuun, ne̱ veꞌé catu̱u̱ soꞌ, ne̱ veꞌé cu̱riha̱nj soꞌ, ne̱ nari̱ꞌ soꞌ coj chri̱nꞌ cha̱ soꞌ na̱nj ado̱nj.

’Ne̱ xa̱ꞌ ꞌu̱nj, tza̱j ne̱ si̱j tumé sa̱ꞌ man nij matzinj mej, ne̱ neꞌenj man nij matzinj noco̱ꞌ manj, ne̱ neꞌen nij xoꞌ manj na̱nj á.

ꞌO̱ se Réj Yaꞌanj me síí rqué man nij xoꞌ rihanj, ne̱ si̱j noco̱o doj me soꞌ rihaan cunuda̱nj, ne̱ cheꞌé dan taj va̱j síí gu̱un nucua̱j caꞌne̱e̱ man nij xoꞌ raꞌa Réj Yaꞌanj a̱ maꞌ. ꞌO̱ se ase vaa o̱rúnꞌ yuvii̱ vaa ꞌu̱nj ga̱ Réj ado̱nj ―taj Jesús rihaan nij soꞌ a.

Dan me se neꞌen Réj Yaꞌanj manj, ne̱ neꞌenj man Réj, ne̱ ase vaa ꞌu̱nj ga̱ Réj roꞌ, da̱nj vaa daán ꞌu̱nj matzinj ga̱ ꞌu̱nj chugua̱nj. Ne̱ aꞌnéé nimanj cavi̱j cheꞌé nij xoꞌ ado̱nj.

Taj va̱j síí rquee̱ manj cavi̱j maꞌ. ꞌO̱ se ma̱ꞌanj aꞌnéé nimanj cavi̱j na̱nj á. Dan me se ꞌu̱nj me síí no̱ xcúún caꞌne̱j nimanj cavi̱j, ne̱ ꞌu̱nj me síí no̱ xcúún cunu̱u iꞌna̱ꞌ uún ado̱nj. Nihánj me suun caꞌneꞌ Réj Yaꞌanj rihanj na̱nj ado̱nj ―taj Jesús rihaan nij soꞌ a.

Cheꞌé dan cataj uún Jesús a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa ase vaa taꞌyaa rej atúj nij matzinj roꞌ, da̱nj vaa ꞌu̱nj a.

Xa̱ꞌ mozó, tza̱j ne̱ né si̱j da̱a̱n matzinj tumé sa̱ꞌ matzinj me soꞌ maꞌ. Si̱j ꞌyaj canaán saꞌanj u̱u̱n me soꞌ, ne̱ cheꞌé dan sese neꞌen soꞌ xcuu xcaꞌyanj caꞌnu̱ꞌ, ne̱ chuꞌviꞌ soꞌ, ne̱ tanáj soꞌ matzinj yoꞌ, ne̱ unánj soꞌ a. Ga̱a ne̱ tanáj maꞌa̱n soꞌ man nij matzinj, ga̱a ne̱ ta̱ꞌaa xcaꞌyanj yoꞌ man nij matzinj, ne̱ ti̱chaꞌnuu̱ xcaꞌyanj yoꞌ man nij xoꞌ na̱nj ado̱nj.

Ga̱a ne̱ cataj uún Jesús rihaan nij soꞌ a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa xa̱ꞌ síí ne atúj taꞌyaa rej nu̱u̱ nij matzinj ne̱ avii raa̱ chingá rej nu̱u̱ nij xoꞌ, tza̱j ne̱ síí itu̱u̱ me soꞌ ado̱nj.