Popular Bible Verses from मरकुस 4

শেয়ার

तेबे यीसूए उठी किन्हें तूफान प्रुआचेया, होर लैहरा जो बोल्या, “सांत रह, रुकी जा!” होर तूफान रुकी गया होर समुद्र सांत हुई गया। होर यीसूए तिन्हा किन्हें बोल्या, “तुस्से किधियो डरहा ऐं? क्या हल्ली बी तुस्सा जो विस्वास नी आ?”

होर स्यों बौह्त ई डरी गईरे थे होर तिन्हें आपु मन्झ बोल्दे लगे, “ये कुणहां कि, तूफान होर पाणी री लैहरा भी एसरा हुक्म मन्हां ऐं?”

होर यीसू आपु किस्ती री पीछे री गद्दी पर सया करहा था; तेबे चेले तेस जो जगाई किन्हें बोल्या, “हे गुरु, क्या तुजो चिन्ता नी ई कि, आस्से डूबी किन्हें मरणे वाले ऐं?”

फेरी यीसूए तिन्हा किन्हें बोल्या, “चतन्न रैहया कि, तुस्से क्या सुणहां ऐं?” जेस नापा किन्हें तुस्से नाप्हा ऐं, तेस ई नापा किन्हें तुस्सा रे कठे भी नाप्या जाणा, होर तुस्सा जो ज्यादा दितेया जाणा।

फेरी तिन्हें बोल्या, “परमेसरा रा राज एह्ड़ा आ, जिहां किसान जमीना पर बेजा खिंडहा, होर राती ध्याड़ी से आपणे कामा मन्झ लगिरा रैहया, होर बेजा साउगी-साउगी जम्दा होर बधदा गया होर तेस जो पता नी चलेया कि ये सभ किहाँ हुएआ।

“जो मेरी गल्ला सुणदा लगीरा, से बड़े ध्याना किन्हें सुणें।”