Popular Bible Verses from MARCOS 9

শেয়ার

Jesusñataqmi nirqa: —Creeptikiqa munasqaykitam rurasaq, creeqkunapaqqa manam imapas sasachu —nispa.

Hinaptinmi chay warmapa taytanñataq qaparispan nirqa: —¡Creenim, yanapaykuway aswanraq creenaypaq! —nispa.

Jesus wasiman yaykuruptinmi discipulonkuna sapaqpi tapurqaku: —¿Imanasqataq ñoqaykuqa mana atirqanikuchu chay demonio qarqoyta? —nispa. Chaymi Jesusñataq nirqa: —Kayna demoniotaqa Diosta mañakuspallam qarqonkichik —nispa.

Kachiqa allinmi, ichaqa chulluruspanqa ¿imapaqtaq valenman? Kikikichikpuni kachichasqa hina kaychik hinaspataq kawsaychik hawkalla wakinkunawan.

—Pipas sutiypi kayna warmachata kuyakuywan chaskiykuqqa ñoqatam chaskiwan, chaskiwanqa manam ñoqallatataqchu aswanqa kachamuqniy Taytaytawanmi —nispa.

Ñoqapa sutiypi Cristopa kasqaykichikrayku pipas huk vaso yakullatapas qoykususpaykichikqa cheqaptapunim premionta chaskinqa.

—Ñoqapi iñiq kay taksachakunamanta hukninta pipas huchallichiqpaqqa allinchá kanman molino rumita kunkanman wataruptinku lamar qochaman wischusqa kaynin.

Sichu ñawiki huchallichisunki hinaptinqa, allinnikipaqchá horqoruwaq, allinraqmi kanman chullan ñawillaña wiñaypaq kawsakuynikiqa chaynapi iskay ñawintin infiernoman mana wischusqa kanaykipaq.