Popular Bible Verses from کُوطٜ لِلَاٻٜ 1

শেয়ার

اَمَّا تٛ رُوحُ اَللَّه جِڤّٛيَکٜ دٛوْ مٛوطٛنْ، اٛنْ کٜٻَيْ بَوْطٜ، اٛنْ نغَرْتَيْ کٛکَّيْٻٜ وٛٻّٜ حَبَرُ اَمْ ندٜرْ اُرُشَلِيمَ، اٜ لٜيْدِ يَحُودِيَ فُو، اٜ لٜيْدِ سَمَارِيَ، حَا کٜىٰرٛلْ دُونِيَارُ؞»‏

اَمَّا يٜىٰسُ وِعِٻٜ، ‏«‏اَنْدُکِ شَرٜلْ اٜ جَامَنُوجِ طِ ݧَاکٛ مٜىٰطٜنْ مٛ دٛوْ سِرْيِي ندٜرْ لَامُ مُوطُمْ نَاع اُمْ طُمْ مٛوطٛنْ؞

شَرٜلْ کٛ اٛ وٛنْدِ اٜ مَٻّٜ، اٛ وِعِٻٜ، ‏«‏تٛع اٛنْ اَلُ اُرُشَلِيمَ، اَمَّا کٜطٜىٰ نَا ݧَاکٛ مٜىٰطٜنْ مٛ دٛوْ حٜبِّنِي اَلْکَوَلْ نغَلْ اٛ وَطَنِعٛنْ نغَلْ مبِيمِعٛنْ؞ کَنْغَلْ وٛنِ حٛکُّکِعٛنْ رُوحُ مَاکٛ؞ يَحَيَ وَطَنِي يِمْٻٜ بَڤْتِسْمَ اٜ ندِيَمْ، اَمَّا ندٜرْ بَلْطٜ سٜطَّ، اٛنٛنْ اَللَّه وَطِرَنَيْعٛنْ بَڤْتِسْمَ اٜ رُوحُ مَاکٛ؞»‏

غَطَ اٛ تٛرَّامَ اٛ وَرَامَ، اٛ اُمِّي دَغَ مَيْدٜ اٛ وَنْغَنِٻٜ؞ اٜ طَتٜ طُطّٜ اٛ حٛلِّٻٜ اٜ مٛ فٛوفَ؞ اٛ وَطِي بَلْطٜ 40 اٜ مٛ وَنْغَنَٻٜ، اٜ مٛ اٜکِّتِنَٻٜ دٛوْ لَامُ اَللَّه؞

غَطَ اٛ وِعِي نٛنْ، اٛ حٛشَّا يَاکِ دٛوْ؞ اٜ ٻٜ ندَارَمٛ حَا دُولٜ شُدِّمٛ؞

اٜ ٻٜ تِجِّي اٜ ٻٜ ندَارَمٛ اٜ مٛ فَعِ دٛوْ، سٜيْ رَا وٛرْٻٜ طِطٛ ٻٜ کٛلْتٜ دَنٜىٰجٜ مبَنْغِي حَادٜ مَٻّٜ اٜ ندَرِي؞ وٛرْٻٜ ٻٜنْ مبِعِٻٜ، ‏«‏اٛنٛنْ يِمْٻٜ غَلِيلِ، نغَمْ طُمٜ ندَرِيطٛنْ طٛعٛ اٛنْ ندَارَ دٛوْ؟ يٜىٰسُ اٛنْ طٛنْ کٛشَّاطٛ ندٜرْ مٛوطٛنْ يَاکِ دٛوْ، اٛ سٛعّٛيْتٛ نٛنْ نٛ نغِيرُطٛنْ اٛ حٛشِّرَامَ دٛوْ؞»‏