Popular Bible Verses from Jɔn 16

শেয়ার

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Ku të cï Raanë bɛ̈n, yen aye Wëi yic, yen abï we wat të nu yic ëbɛ̈n: ku acïï bï jam në këde yenhde, na de kë ye piŋ, yen abï aa lueel: ku abï we nyuöth käŋ, ka bï tïc wadäŋ.

Aɣet cï ënɔɔnë acïn kë cäk lip në rinkï: yak lip, ke we bï aa miɔɔc, aguɔkï piɔ̈ɔ̈th miɛt abäk piɔ̈ɔ̈th a yum.

Ku ee yic en lɛ̈k week ayadäŋ an, jäl jäl ɛn ade naamde tëde week: na cä jël, ke Raan ee kɔc riit piɔ̈ɔ̈th acïï bï bɛ̈n tëde week, ku të jäl ɛn, abä tuöc week. Ku yen, të cï en bɛ̈n, abï kɔc ke piny nɔm jɔ̈ɔ̈ny në këde kërac, ku në këde piathëpiɔ̈u, ku në këde guiëërëlöŋ

Ku week aya, we de dhiën ë wepiɔ̈ɔ̈th ënɔɔnë: ku we bä bɛ tïŋ, aguɔkï piɔ̈ɔ̈th miɛt, ku miɛt ë wepiɔ̈ɔ̈th acïn raan bï e nyaai tëde week. “Ku ëköölë acïn kë bä wek a luɔp. Wek yɔ̈ɔ̈k ë yic an, Të de yen kë bäk lip tëde Wäär në rinkï, ka bï gäm week.

Wek yɔ̈ɔ̈k ë yic an: We bï dhiau abäk dhuöör, ku kɔc ke pinynɔm abïk piɔ̈ɔ̈th miɛt: ku we bï piɔ̈ɔ̈th rac, ku rac de wepiɔ̈ɔ̈th abï rɔ puk abï aa miɛtëpiɔ̈u.