Popular Bible Verses from ꠁꠘ꠆ꠎꠤꠟ ৩: ꠟꠥꠇ 17

শেয়ার

ꠛꠣꠖꠦ ꠁꠍꠣꠄ ꠔꠣꠞꠦ ꠇꠁꠟꠣ, “ꠜꠣꠁ, ꠔꠥꠝꠣꠞ ꠁꠝꠣꠘꠞ ꠛꠟꠦꠃ ꠔꠥꠝꠤ ꠜꠣꠟꠣ ꠅꠁꠍ। ꠅꠈꠘ ꠍꠢꠤ-ꠍꠣꠟꠣꠝꠔꠦ ꠎꠣꠅ।”

ꠢꠦ ꠖꠤꠘꠞ ꠝꠣꠎꠦ ꠡꠣꠔꠛꠣꠞ ꠖꠥꠡ ꠇꠞꠤꠀ, ꠡꠣꠔꠛꠣꠞ ꠀꠁꠀ ꠔꠥꠝꠣꠞ ꠉꠦꠍꠦ ꠝꠣꠚ ꠌꠣꠁꠟꠦ, ꠔꠣꠞꠦ ꠝꠣꠚ ꠇꠞꠤ ꠖꠤꠅ।”

ꠔꠣꠞꠣꠞ ꠝꠣꠎꠦ ꠄꠇꠎꠘꠦ ꠎꠦꠛꠟꠣ ꠖꠦꠈꠟ, ꠢꠦ ꠜꠣꠟꠣ ꠅꠁꠉꠦꠍꠦ, ꠖꠦꠈꠤꠀꠃ ꠎꠥꠞꠦ ꠎꠥꠞꠦ ꠀꠟ꠆ꠟꠣꠞ ꠔꠣꠞꠤꠚ ꠇꠞꠤ ꠇꠞꠤ ꠢꠦ ꠚꠤꠞꠤꠀ ꠀꠁꠟ। ꠀꠁꠀ ꠁꠍꠣꠞ ꠙꠣꠅꠔ ꠙꠠꠤꠀ ꠔꠣꠘꠞꠦ ꠡꠥꠇꠞꠤꠀ ꠎꠣꠘꠣꠁꠟ। ꠢꠦ ꠅꠁꠟ ꠡꠝꠞꠤꠀ ꠎꠣꠔꠤꠞ ꠝꠣꠘꠥꠡ।

ꠔꠥꠝꠞꠣꠅ ꠎꠣꠞꠎꠤꠞ ꠛꠦꠙꠣꠞꠦ ꠢꠥꠡꠤꠀꠞ ꠞꠁꠅ। ꠔꠥꠝꠣꠞ ꠇꠥꠘꠥ ꠜꠣꠁꠄ ꠔꠥꠝꠣꠞ ꠉꠦꠍꠦ ꠖꠥꠡ ꠇꠞꠟꠦ ꠔꠣꠞꠦ ꠛꠥꠎꠣꠁꠅ। ꠢꠦ ꠖꠤꠟ ꠛꠖꠟꠣꠁꠀ ꠝꠣꠚ ꠌꠣꠁꠟꠦ ꠔꠣꠞꠦ ꠝꠣꠚꠤ ꠖꠤꠅ।

ꠔꠦꠃ ꠁꠍꠣꠄ ꠇꠁꠟꠣ, “ꠖꠡꠅ ꠎꠘꠞꠦꠃ ꠇꠥꠘꠥ ꠜꠣꠟꠣ ꠇꠞꠣ ꠅꠁꠍꠦ ꠘꠣ ꠘꠤ? ꠔꠦ ꠛꠣꠇꠤ ꠘꠄꠎꠘ ꠇꠥꠀꠁ?

ꠔꠣꠁꠘ ꠇꠁꠟꠣ, “ꠔꠥꠝꠞꠣꠞ ꠖꠤꠟꠅ ꠎꠥꠖꠤ ꠄꠉꠥ ꠒꠦꠋꠉꠣꠞ ꠛꠤꠌꠤꠞ ꠙꠞꠤꠝꠣꠘ ꠁꠝꠣꠘ ꠕꠣꠇꠦ, ꠀꠞ ꠔꠥꠝꠞꠣ ꠅꠃ ꠢꠦꠅꠞꠣ ꠉꠣꠍꠞꠦ ꠇꠅ, ꠎꠠ ꠡꠥꠖ꠆ꠖꠣ ꠢꠥꠞꠤꠀ ꠉꠤꠀ ꠖꠞꠤꠀꠔ ꠉꠣꠠꠤꠎꠣꠅ, ꠔꠦ ꠢꠦ ꠔꠥꠝꠞꠣꠞ ꠇꠕꠣ ꠢꠥꠘꠛ।

ꠝꠘꠅ ꠞꠣꠈꠤꠅ, ꠎꠦ ꠎꠘꠦ ꠎꠣꠘ ꠛꠣꠌꠣꠁꠔ ꠌꠣꠄ, ꠢꠦ ꠘꠤꠎꠞ ꠎꠤꠘ꠆ꠖꠦꠉꠤ ꠈꠥꠀꠁꠛ, ꠅꠁꠟꠦ ꠎꠦ ꠎꠘꠦ ꠎꠣꠘ ꠡꠙꠤꠀ ꠖꠦꠄ, ꠢꠦ ꠎꠤꠘ꠆ꠖꠦꠉꠤ ꠙꠣꠁꠛ।

ꠢꠎꠞꠔ ꠁꠍꠣꠄ ꠔꠣꠘ ꠡꠣꠉꠞꠤꠖ ꠅꠇꠟꠞꠦ ꠇꠁꠟꠣ, “ꠉꠥꠘꠣꠞ ꠙꠕꠦ ꠘꠦꠅꠀꠞ ꠟꠣꠉꠤ ꠃꠍꠇꠣꠘꠤ ꠀꠁꠛꠃ ꠀꠁꠛ। ꠅꠁꠟꠦ ꠟꠣꠘ꠆ꠘꠔ ꠢꠃ ꠎꠘꠞ ꠃꠙꠞꠦ, ꠎꠦꠉꠤꠄ ꠉꠥꠘꠣ ꠇꠞꠣꠞ ꠟꠣꠉꠤ ꠃꠍꠇꠣꠘꠤ ꠖꠦꠄ। ꠅꠃ ꠛꠦꠛꠥꠎ ꠅꠇꠟꠞ ꠄꠇꠎꠘꠞꠦꠅ ꠎꠦꠉꠤꠄ ꠉꠥꠘꠣꠞ ꠙꠕꠦ ꠐꠣꠘꠤꠀ ꠘꠦꠄ, ꠅꠉꠥꠞ ꠟꠣꠉꠤ ꠀꠞꠅ ꠜꠣꠟꠣ ꠅꠁꠟ ꠅꠘꠦ, ꠅꠉꠥꠞ ꠉꠟꠣꠔ ꠙꠣꠔ꠆ꠔꠞ ꠛꠣꠘ꠆ꠖꠤꠀ ꠖꠞꠤꠀꠔ ꠚꠣꠟꠣꠁ ꠖꠦꠅꠀ।

“ꠎꠦꠟꠣ ꠘꠥꠢ ꠘꠛꠤꠞ ꠀꠝꠟꠅ ꠅꠁꠍꠤꠟ, ꠀꠝꠤ ꠛꠤꠘ-ꠀꠖꠝꠞ ꠎꠝꠣꠘꠣꠔꠅ ꠅꠟꠣ ꠅꠁꠛ। ꠘꠥꠢ ꠘꠛꠤ ꠎꠣꠎꠅ ꠃꠑꠣꠞ ꠀꠉ ꠙꠞ꠆ꠎꠘ꠆ꠔ ꠝꠣꠘꠡꠦ ꠈꠣꠘꠣ-ꠙꠤꠘꠣ, ꠛꠤꠀ-ꠡꠣꠖꠤ ꠀꠞ ꠊꠞ-ꠡꠋꠡꠣꠞ ꠇꠞꠔꠣ, ꠘꠥꠢ ꠘꠛꠤꠞ ꠛꠁꠘ꠆ꠘꠣ ꠀꠁꠀ ꠁꠔꠣꠞꠦ ꠘꠤꠙꠣꠔ ꠇꠞꠟ।