Popular Bible Verses from Zan 16

শেয়ার

Kɛni nà la naa wo wo ma, nii a kɛ ziilɛigi ɠɛ wo ya ada-ɠilibalai zu. Wa ʋaazu kpɔlɔ mɔinmɔin sɔlɔɔsu eteai zu, kɛlɛ à zɛbɛzeɠe, tɔɔzei gè zobo sɔlɔɔga eteai ma.»

Siɛgi zu Gaama Yɛnvui ʋaazu la, toɠa lo wo luɠɔ gaamai pɛ su. Wooi nii pɛ a ɠɛ bosu wo ma, é la naa woga nɔ ɓɔɠɔ ʋɛ, kɛlɛ nii pɛ é mɛnigai, naa ɠa a bo, toɠa ʋelela ʋele vaiti bo wo ma.

Zaaɠaza, wo la dɛ faa nɔpɛ falini ga dàaseigi. Tama à fali, wa sɔlɔɔ, naa ɠa a kɛ wa-ɠoozunɛɛi laazeeli.»

Tama gaamai ɠa gè bosu wo ma ɠani ga: Fizɔgɛ wo ma ga gè li, tɔɔzei ni gè la liini, Kpɔba Nui la ʋaa wo ʋɔ. Kɛlɛ ni nà liina, nà teʋe wo ma. Siɛgi zu é ʋaazu la, toɠa eteai zu nuɓusɛiti ta-ɠakagi lɛ ga tiye, é ʋilɛ kotoi ʋa, ta telebodai, naa ʋɛɛ GALA ná-tukpɔɠaaleʋe ʋelei ʋa

Wa ɓalaagi, ziiɓɔlɔi ɠa wo su niima ziɛgi zu, kɛlɛ nà ʋaazu wo ʋɛtɛsu ʋolu, naazu wo-yiimaʋɛ laa ɠa ve ga koozunɛɛi, tama nu nɔpɛ ge la zooga wa-ɠoozunɛɛi ɠulazu wo ya. Naama volo ná, wo la mɔ gàazaɠaga faa nɔpɛ ma. Gè bo wo ma ga gaamai, nii nɔpɛ wa fali Kɛ̀ɛ ma ga dàaseigi, toɠa fe wo ya.

Gè bo wo ma ga gaamai, wa wɔlɔ, wo ɗa ɓɔɠɔ maawɔin, naama ziɛ su, eteai ɗa ɠoozunɛ. Wa ɠɛ ziiɓɔlɔi zu, kɛlɛ wa-yiiɓɔlɔi ɠa valibo ga koozunɛɛi.