ZEKARIAH 11
11
Kehingno Keja Atum Akevir
1Nang inghap-heihei chingpunon, O Lebanon,
Nang kedar athengpi#Kedar athengpi: Laso athengpike det lapen recho atum ajakong angthek me kechothekji aphan!
2Hang charbunon, O Saipras athengpi,
pima kedar kreptang-lo,
pima ahir-asang kedo athengpi-heihei virtang-lo!
Hang charbunon,
O Bashan adet aphongrong an pima nampi krepjap-lo!
3Arjunon, biresak kevi atum kehang-charbu,
pima halatum adak-atur virtang-lo!
Arjunon, hingho atum kangrong,
pima Jordan anampi donodak-lo.
Banghini Biresak Kevi Abang
4Lasonsi Hemphu ne Arnam pulo: “Kethatji abiresak ahur kevi abang#Kevi abang: Recho mate keja atum aphansi kepudam plangnon. 5La kenam atum thuji bonta ado phophedet pen damlongpo; lapen kejor atum pu, Hemphu ahirjume atheng, pima ne plang-olo,” lapen halatum amethang kevi atum halatum aphan jinsosedet-lo. 6Pima ne non pen apara det asor aphan jinsoselo, pusi Hemphu pulo. “Langtha, Nesi abangphutin amethang kevi abang arideng lapen arecho arideng hodaipo; lapen halatum pirthe phangnopo lapen halatum arideng pen Ne la pajokjedetpo.”
7Lasonsi Ne kethatji abiresak ahur, keduk abiresak ahur atum kevi abang plang-lo. Lapen Ne chin hongni ensi, ehong abang kangjinso pu amen irlo, ehong abang ke chelongpet pusi irlo. Lapen Ne biresak lang-lo. 8Chiklo ejon angbong Ne bangkethom biresak kevi atum pavirlo. Pima ne halatum aphan chepaningding un-edet-lo, lapen halatum Nephan hijimlo. 9Lasi Ne pulo, “Ne nangtum aphan kevi abang kalilo. Kethinangji abang pathinang, kevirnangji abang pavirnang; lapen ahin atum abangphutin lahin lahin a-ok pachechoseroi nang.” 10Lapen Ne nangkangjinso achin che-enlo, lapen bengpet-lo. Ne pen rat atum angbong kepathiktang kechejok aloh phrilo. 11Lasi halabangso arni amat phridak-lo, lapen Nephan kecholangding keduk abiresak ahur atum la Hemphu alam pu chinilo. 12#Mat 27.9-10 Ansi ne halatum aphan pulo, “La jongsi nangmek angden kengset pulote, Nephan anam nangpinangji; bonta jongsi kali pulote padonang.” Lapen halatum Nephan anam rup angkleng 30 linlo.#Mat 26.15 13Ansi Hemphu neliphan pulo, “La khipuru arlo thapnon” la the-o anam Nephan halatum pen ajok Nepilo. Lasi neli rup angkleng 30 ponsi lapen lahei Hemphu ahem akhipuru#Hemphu akhipuru; Ibri atum ke Kepinchong abang aphanle pinon pusi pudet arlo thap-lo. 14Lapen Ne pangrumpet achin bengpet-lo, lasonsi Judah lapen Israel atum angbong korte kechekam phridak-lo.
15Ansi Hemphu neliphan pulo, “Non ephong inut ningjoino akevi abang cheplangnon. 16Pima langtha, laso adet angbong inut kevirjilang aphan ke-orare abang mate kepratsei atum aphan kerire mate areng amek kedo atum aphan kepamemedet mate mesenlang atum aphan lananedet abang bonta athu kedo abang a-ok chosi, akeng chimi anta ingsekpo. 17Pei, pei, ningjoino abiresak kevi abangphan ningpaduk-nang, la biresak o-et abang! Alangliri lapen amek ar-e nokjir paronang. Alangliri pakrenghak nang, alangli mek ar-e paselok nang!”
Currently Selected:
ZEKARIAH 11: KARBIBSI
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.
