KECHENG 2

1Lasonsi sining-heihei lapen pirthe kethip papleng-lo, lapen hadak kedo api an aphan kethip papleng-lo. 2Lapen throksi arni Arnam Alangli keklemtang akam an patang-lo, lapen alangli keklemtang an akam pen throksi arni alangli sang-lo.#Ibr 4.4,10#Keba 20.11 3Lasi Arnam throksi arni hirjume pilo, lapen la pangthirlo, pima laso arni si Arnam Alangli kam keklemtang kepinchong#Halaso arni Alangli kepinchong ason an patang-lo; mate halaso arni Arnam kepinchong patang-lo an pen sang-lo.

4Lahei helo sining-heihei lapen pirthe kepinchong ahut a-ove-heihei.

Iden Aberi

Hemphu Arnam Pirthe lapen sining-heihei kepinchong ahut, 5ingnam ajo athengpi pirthe athak avelang, lapen nampi abap-heihei chingjokjelang-athema pirthe athak Hemphu Arnam arve pajangjelang, lapen longle ketikiji amonit avelang; 6bonta pirthe pen hunmelan pathursi longle adang-bithe pacham lo 7anke longle#LONGLE...MONIT, Ibri atum “monit” lapen “Longle” ke arki isinat enlo lapen Hemphu Arnam monit thip-lo, lapen kereng-i achethe atomon pen anokan angkok vutphulo; anke monit reng-et-lo.#1 Kor 15.45 8Lapen Hemphu Arnam nihang anat Iden along beri selamlo; lapen hadak Alangli kethiptang amonit bilo. 9Lapen Hemphu Arnam longle athak kelangmesen athengpi an arong pavang-lo lapen kecho aphan mesen, chethe athengpi arong ta beri arlo angbongchitsi dolo, lapen me-hingno#Keme lapen kehingno kechini agian; mate kadokave kechinipet agian gian athengpi arong ta dolo.#Kepa 2.7; 22.2,14

10Beri lang kepapiji aphan Iden pen langroi eroi lilo, lapen hadak la chethak si roiphli dolo. 11Kechengsi abang ke Pishon; la ke Havilah alongle adang-bithe lilo, hadak ser dolo; 12lapen halaso adet aser mepik; Dellium lapen Onyx pu bor a-arlong ta hadak do. 13Hini aroi amen ke Gihon; la ke Kush#(Mesopotamia a-Kush); mate Sudan adet aphan pu adet adang-bithe si lilo. 14Lapen kethom aroi amen ke Taigris, lake Assiria anihang si lilo. Lapen phli aroi ke Euphratis.

15Iden aberi kepatikiji lapen kepalangjisi monit aphan Hemphu Arnam pondet-lo, lapen la arlo laphan bilo. 16Lapen Hemphu Arnam, monit aphan hukum pisi pulo, “Beri arlo arongtin athengpi nang chotame, 17bonta me-hingno agian athengpi athe nang chori, athema nang la kecho arni amat nang thivekpo.”

18Anke Hemphu Arnam pulo, “Monit inutpet kedo ke meme, Ne la aphan la asonthakthak la aphan kerap abang pinchongpo.” 19Lasi longle pen Hemphu Arnam hidi api an lapen kangjar avo an pinchong-lo, lapen lahei kepalangji lapen amen kepa-irjisi Adam along vanpet-lo; lapen kereng-et kepinchong api an la ke-ir amen an lahei plang-lo. 20Chainong ajat an aphan, lapen kangjar avo an aphan, lapen nampi api an aphan monitsi amen-heihei irlo; bonta monit aphan keparapdun abang longle det-lo. 21Lasi Hemphu Arnam Adam aphan amek pajanghet-lo, lapen la amek kejang-un ahut la areptak arrepi-heihei angbong pen ehong ensi la adim a-ok pen pachinghip-lo; 22lapen monit pen Hemphu Arnam ke-en areptak pen Alangli inut arloso pinchong-lo, lapen bangpi aphan monit angno vanlo. 23Anke Adam pulo:

“La ke non nerrepi-heihei pen arrepi-lo lapen ne-ok pen a-ok-lo;

bangpi aphan ‘Arloso’ pusi hangpo,

pima bangpi ke Pinso#ARLOSO—PINSO; Ibri alam pen arloso aphan ke Pinso-arlo aphansi pudam rappet pensi enlo.”

24La apotsi inut amonit apo lapen apei che-osi apiso pen dorappet po, lapen latum a-ok isinatpo.#Mat 19.5; Mar 10.7,8; 1 Kor 6.16; Eph 5.31 25Lapen monit lapen la apiso latum banghinita areng-angse lapen therak-re det-lo.

Currently Selected:

KECHENG 2: KARBIBSI

Highlight

Copy