Jenɨzɨzɨ 37

Jozepɨyai waja ya'nyaake'na wɨjaa'.

(37:1-11)

1-4Jaikopɨ Kwaaka Kainanɨ mwaalakegaa' Jozepɨyarɨ kwarame atɨraai sɨvɨla pwi yuya yaka sɨvɨla purɨdaasɨ pwaraaina kwavɨlava' sagaa' mwaala'. Kamwaala' Jozepɨyadaraka sipɨzipɨya yɨ'dɨvaidɨvɨ' mwaale'. Jozepɨyare ganaange' maarakegaa' Yɨzɨrelɨ a'mwe nei mwaalake'na Jozepɨyarɨ yɨlaaya naanga marina ya'. Gawaalɨvava pwaraavɨ yɨlaaya maalɨka marya'. Yɨlaaya naanga maryaka Jaikopɨ Jozepɨyarɨna baazɨ'ma'nya tewaanya' yavɨkarya'. Jozepɨyai gaverɨna kyavɨkarya' gya'mwera “Maraajava kale newɨla'mwaka,” kade' sɨnna tɨka davɨna wia'.

5-11Jozepɨyai waja ya'nyɨna yaka gya'mweraavɨ “Nɨmɨre waja yɨvanɨge' yɨhɨzɨwaakɨ,” wɨda'. “Wawɨnyavɨ witɨya lɨlaajabɨsa maramurɨta'na yadaawojɨ nɨmɨre witɨpwɨya' dɨkavedaa'na yaka daavɨna yadɨsɨ sarɨmɨre witɨpwɨya dɨkavedaa'na gɨ'du'na yaka ‘A'mwe naangeigɨnyɨ,’ ” wɨda'. Jozepɨyai sara kuda' gya'mwera “Kwaasɨ nedɨwa',” deva “Nemɨnyɨna dɨnemaremwaaijɨwaa?” wɨde'. Dɨvi pɨgaa' Jozepɨyai waja mudɨka pɨrɨ' ya'naka ganɨmaangelyɨ gya'mwerajɨ saraavɨ wɨjɨwaakɨna ya'. “Nyɨlyalyɨ lawelyɨ sɨlɨngaamɨnya sɨvɨlɨraai ata purɨdaasɨ pwaina sara nɨmɨnyɨna gɨ'dura'na yawaaihava.” Mi'na kuda' Jaikopɨ wɨda' “Baa'na dɨwaana? ‘Nɨmaamaangelyɨ nyɨnaangesɨ nya'mwerajɨ sa nɨmɨnyɨna gɨ'du'na yɨpɨ'dera,’ dathɨwaana?” wɨda'. Jozepɨyare yagaala'na gya'mwera sɨnna tɨka wɨda'daasɨ ganɨmaangei kave yawɨra'.

Jozepɨyarɨ gya'mwera wɨmubyaa'.

(37:12-36)

12-17Kwaaka Sekɨmɨ Jaikopɨmɨre gawaalɨvava jɨlɨkyaawarya yɨ'dɨvaidaapi Yɨzɨrelɨ Jozepɨyarɨ “Ja'mwera tewaanya damwaaihava?” wɨdaka wɨdaasa'. Kudaasa' Jozepɨyai kaanna kaanna Sekɨmɨ sawɨnna ba'. Mi'na baka dara wanganake' “We', nya'mwera pwara mamwaalyɨjɨhava!” Daka wanganamaryɨna. Wanganamaryɨna yadaasɨ a'mwe pwai wanganaka wɨda' “Nɨmɨ ja'mweraavɨ wɨ'nɨwa'de ‘Kwaaka Dothanɨ sabanna kaanyaana!’ dɨdaapi.” Sara kuda' Jozepɨyai kaanna wɨna ya'.

18-24Badaa'nyɨ Jozepɨyarɨ gya'mwera wanganeva dɨne' “Waja yadei yɨnɨkerɨ tamakaana! Tamakawaajɨ ‘Kavɨjɨlɨkei tamakɨwakelyɨra,’ wɨdaathera. Tamakawaajɨ ‘Gamɨre waja nebulya' daaka!’ daathe'na,” dɨne'. Kadɨne' Ruvanɨ sɨraangei “Jozepɨyarɨ yɨvalɨma!” daka “Maramaki jide. Kavi'nɨnnyavɨ marirakɨna jidelyɨra,” wɨda'. Tɨvi'na kuda' Jozepɨyai yɨ'mavaawɨna kya' lɨmwanna yeva gannya baazɨ'ma'nya tewaanya' yɨraipurasɨ'na yeva kavi'nɨnna kunevɨ yɨrake'.

25-30Jozepɨyai kavi'nɨnnyavɨ wɨla'dɨsɨ gya'mwera wapaaya nadaapi Mithɨyanɨ mwaalyara badaapi Juthai gya'mweraavɨ wɨda' “Neya'mwe Jozepɨyarɨna a'mwe saraavɨne mubaana! Nennya neya'mweryaba maramakaannera!” Sara kuda' kavi'nɨnnyavɨdaasɨ Jozepɨyarɨ wɨlyabaalyɨ marayɨ'dɨvaina yeva maramwagi'namaa'na yeva kinaaya ata sɨvɨlɨraaina mube'. Kamube' Mithɨyanɨ mwaalyara Kwaaka Yɨzɨpɨna makuna ye'.

31-36Jozepɨyarɨ gya'mwera jɨlɨkyaawaryai tameva gamɨre tawe maareva Jozepɨyare baazɨ'ma'nya' tawevɨ maradɨvaina. Maradɨvaina yeva kuvɨnɨmaangerɨ “Baazɨ'ma'nya da' yakɨnɨke' maa'mwosɨ. Jɨwaalɨvaangere' daaka?” wɨdaawɨna ye'. Wɨdaawɨna kye' Jaikopɨ wanganaka wɨda' “Yo. Nyɨbwaalɨvaangere baazɨ'ma'nyasɨ. Kavɨjɨlɨkei dawakɨwakerɨnera.” Sara kuda' kale naanga wiadaasɨ Jozepɨyarɨna kɨnna naanga bazɨwɨna ya'.

Currently Selected:

Jenɨzɨzɨ 37: byr

Highlight

Copy