KASAUKAN 5
5
Papag ri Adam
(1 Tun. 1:1-4)
1 Gitio noyo papag ri Adam. (Paat ri Aki Kapuuno' napasauk ra ulun, sinauk No ilo koson Riso galama'. 2 Napasauk Io ra ruandu' am ungkuyon. Io pana nambarakat risilo am inggalani' No ilo ra “Ulun”.) 3Paat i Adam makaumur 130 ngambilor, makaanak ungkuyon io ondo' nansalu riso, am ininggalanan no ri Sit. 4Kopongo raginio, lakat poyo naayag i Adam buoi 800 ngambilor poyo am makaanak poyo ra bokon. 5Io minatoi ra umur nano 930 ngambilor.
6Paat i Sit makaumur 105 ngambilor, makaanak ungkuyon io ininggalanan ri Inos. 7Kopongo raginio, lakat poyo naayag i Sit buoi 807 ngambilor am makaanak poyo ra bokon. 8Io minatoi ra umur nano 912 ngambilor.
9Paat i Inos makaumur 90 ngambilor, makaanak ungkuyon io ininggalanan ri Kinan. 10Kopongo raginio, lakat poyo naayag i Inos buoi 815 ngambilor am makaanak poyo ra bokon. 11Io minatoi ra umur nano 905 ngambilor.
12Paat i Kinan makaumur 70 ngambilor, makaanak ungkuyon io ininggalanan ri Magalaliil. 13I Kinan ti naayag buoi 840 ngambilor am makaanak poyo ra bokon. 14Io minatoi ra umur nano 910 ngambilor.
15Paat i Magalaliil makaumur 65 ngambilor, makaanak ungkuyon io ininggalanan ri Jarid. 16Kopongo raginio naayag poyo i Magalaliil buoi 830 ngambilor am makaanak poyo ra bokon. 17Io minatoi ra umur nano 895 ngambilor.
18Paat i Jarid makaumur 162 ngambilor, makaanak ungkuyon io ininggalanan ri Ginok. 19Kopongo raginio, naayag poyo i Jarid buoi 800 ngambilor am makaanak poyo ra bokon. 20Io minatoi ra umur nano 962 ngambilor.
21Paat i Ginok makaumur 65 ngambilor, makaanak ungkuyon io ininggalanan ri Mitusila. 22Kopongo raginio naayag poyo i Ginok ralalom pasimpungan no ri Aki Kapuuno' buoi 300 ngambilor. Makaanak io poyo ra bokon, 23am nakasuku' poyo umur nano 365 ngambilor. 24 I Ginok naayag masalok sumimpung ri Aki Kapuuno', liminiot io sabap inalap io ri Aki Kapuuno'.
25Paat i Mitusila makaumur 187 ngambilor, makaanak ungkuyon io ininggalanan ri Lamik. 26Kopongo raginio naayag poyo i Mitusila buoi 782 ngambilor am makaanak poyo ra bokon. 27Io minatoi ra umur nano 969 ngambilor.
28Paat i Lamik makaumur 182 ngambilor, makaanak ungkuyon io. 29Indagu i Lamik, “Anak ragitio mapabansuk paat ra itakau mirot mangandoi ra tana' ondo' inulas ru Tuhan.” Ginio boo inggalani' no anak nano ri Nuu. 30Naayag poyo i Lamik buoi 595 ngambilor am makaanak poyo ra bokon. 31Io minatoi ra umur nano 777 ngambilor.
32Kopongo raginio, i Nuu makaumur 500 ngambilor, makaanak ungkuyon io talu ngaulun. Ilo ti i Siim, Japit am i Gam.
Currently Selected:
KASAUKAN 5: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
