Zefaniya 3
3
Majwi aakucenjezya Jerusalemu
1Maawe kuliyooyo uusampaula, uusofweede, munzi uukataazya. 2#Jer 22:21; 5:3Teewakaswiilila ijwi, teewakazuminina lucenjezyo, teewakasyoma Jehova, teewakaswenenena kuli-Leza wawo.
3Bami bakwe bakede mulinguwe mbalavu bavuluma, Babetesi bakwe mbaumpe bamasiku balya akutasia cintu niciba ciniini mane bukace. 4#Jer 23:11; Ezk 22:26Basinsimi bakwe mbantu babuyo batasyomeki. Bapaizi bakwe bala sofwaazya zisalala akutyola mulao. 5#Dt 32:4; Int 99:3,4Jehova uukede mulinguwe uliluleme, taciti zibi abuniini pe. Zifumo zyoonse ulabonya bululami bwakwe, taleki pe. Pele muntu sizibi tausi insoni pe. 6Ndakosola zisi, azilwanino zyazyo zyaba matongo. Ndasaala migwagwa yazyo, taakwe uuenda mulinjiyo. Minzi yazyo yanyonyooka, tamucikwe muntu uukede mumo. 7#Matl 6:12Ndakaamba kuti, Ncobeni ulandiyoowa, ulaleka kubisya mbwaakomwa; takooluba makani oonse ngendamulailila. Nekubaboobo bakaindilila loko kubisya muncito zyabo.
8 #
Tus 20:22; Joel 3:2 Lino amulindile ndime, mbwaamba Jehova. Amulindile buzuba mbwenti buke, mbe kamboni. Nkaambo ncindakosola nceeci. Njoobunganya zisi akuyobolola mami oonse, kuti nkabatilile bukali bwangu akupya kwamoyo wangu, nkaambo mulilo wabbivwe lyangu uyootenta nyika yoonse.
9Kuciindi eco njoosandula mwaambo wabantu akubapa mwaambo uusalala, kuti boonse bakwiilile izina lya-Jehova akumumanina milimo camoyo woonse, 10#Int 68:31; Mal 1:11; Inc 8:27Kuzwa kule kwiinda milonga ya-Etiopiya, basikundikomba, bana babantu bangu bamwaikide, bazooleta zipaizyo zyangu.
11 #
Mt 3:9
Mubuzuba obo tamukooyoofwa insoni nkaambo kancito zyanu nzimwandibisizya, nkaambo njoogwisya akati kanu abo bakondwa kulisumpula, Tokooyoolisumpula limbi mucilundu cangu cisalala, 12#Is 14:32; 57:15; Mt 5:3; Lk 6:20nkaambo njoosia akati kanu bantu babombe batontola, Bayooyandaula macijilo muzina lya-Jehova, 13#Ciy 14:5boonse basyeede mucisi ca-Israyeli, Tabakooyoobisya nikuba kwaamba cakubeja, alulimi lwakweena talukooyoojanwa mukanwa lyabo, Nkaambo bayoolala mumacelelo aamweemvwe, alimwi taakwe uuyoobayoosya.
14 #
Int 14:7
Imba cakukondwa, O mwana musimbi wa-Zioni. Ongolola, O Israyeli, Sekelela akubotelwa camoyo woonse, O mwana musimbi wa-Jerusalemu, 15#Joh 1:49; Ezk 48:35; Ciy 21:3Jehova walobya imbeta izyakamupa mulandu, watandanya basinkondonyoko. Mwami wa-Israyeli, ngu-Jehova, mpali akati kanu, tamukooyooyoowa bubi limbi pe. 16#Is 35:3Mubuzuba obo Jerusalemu ulaambilwa kuti, Utayoowi, O Zioni. Maanza aako atabombi. 17Jehova Leza wanu mpali akati kanu, ngusilumamba uumuzundya. Ulamusekelela cakukondwa, ulamulengulula muluyando lwakwe, akumukondelelwa cakwiimba, 18#Malo 2:6mbubonya mbukwiimbwa buzuba bwapobwe. Njoomugwisizya mapenzi, kuti mutasampaulwi nkaambo kangao. 19Lino kuciindi eco njoobalesya basikumupenzya. Njoofutula balema, njooboozya batandidwe, akusandula buusu bwabo, balumbwe akutembaulwa munyika yoonse, 20#Int 22:27Kuciindi eco njoomuboozya kulindinywe akumubunganya antoomwe. Ncobeni njoocita kuti mulemekwe akulumbaizigwa akati kamisyobo yoonse yaansi ciindi eco ncinjoomuboozezya coolwe canu kumeso aanu, mbwaamba Jehova.
Currently Selected:
Zefaniya 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
