Zekariya 9
9
Ba-Helene mbubayoosika
1 #
Int 145:15; Is 17:1-3; Jer 49:23-27; Am 1:3-5 #
Is 23:1-18; Ezk 26:1–28:26; Joel 3:4-8; Am 1:9-10; Mt 11:21-22; Lk 10:13-14 Ngaaya makani. Ijwi lya-Jehova lilaamba anyika ya-Hadraki, liyoosikila Damasko. Nkaambo minzi yaba-Aramu njeya-Jehova mbubonya mbuli misyobo yoonse yaba-Israyeli. 2#Jer 49:23; Am 1:9; Ob 1:20; Ezk 28:3Awalo munzi wa-Hamati uubambene anjiyo, a-Turo a-Sidoni, nekuba kuti iili abusongo bunji. 3Turo waliyakila cicijilo ciyumu, alimwi walundika insiliva mbuli bulongo angolida mbuli matombe aamumigwagwa. 4#Ezk 26:17Pele Mwami uyoomunyanga akuwaala imbono zyakwe zyoonse mubbonze lyamaanzi, nkabela uyootentwa amulilo. 5#Is 14:29-31; Jer 47:1-7; Ezk 25:15-17; Joel 3:4-8; Am 1:6-8; Zef 2:4-7; Inc 8:26Asikaloni uyoobona akuyoowa, awalo Gaza uyoonyongana loko, awalo Ekroni nkaambo kakuti wasyomononwa. Mwami uyoonyonyooka ku-Gaza, a-Asikaloni uyoobula kukalwa. 6Mu-Asidodi muyookala bantu bavwelene, alimwi njoomanya kami-kami ka-Filistiya. 7Njoomugwisizya bulowa kumulomo wakwe, amasesemyo aali akati kameno aakwe. Uyoosyaalila Leza wesu, uyooba mbuli mukowa mu-Juda awalo Ekroni uyooba mbuli ba-Jebusi. 8#Dt 33:27; Int 34:7; Kul 3:7Lino njookala aŋanda yangu mbuli mulindizi, nkakasye bantu kwiinda nanka kuboola. Takukooyooba limbi sikupenzya uubalyata, nkaambo lino ndabona ameso aangu.
Mwami waluumuno mbwayoosika
9 #
Mt 21:5; Joh 12:15; Int 2:6; Joh 1:49; Lk 19:38; Is 45:21; Inc 22:14; 1 Pet 3:18 Sekelela loko, O mwana musimbi wa-Zioni. Imba cakukondwa, O mwana musimbi wa-Jerusalemu, Langa! Ngooyu mwami wako uuboola kulinduwe. Uliluleme, muzundi, alimwi ulibombede, ulitantide ambongolo, amwana wambongolo. 10#Int 72:3,8; Is 11:10; Ef 2:14; Kol 1:20,21; Int 72:8; Is 9:6,7; Mik 5:4; Ciy 11:15Njoolobya inkalaki ku-Efraimu ambizi ku-Jerusalemu. Buta bwalumamba buyoonyonyoonwa, nkabela uyooletela bamasi luumuno, Uyooba abwami muzisi zyoonse kuzwa kulwizi kusikila akulwizi lumbi, akuzwa kumulonga mupati akusikila kumagolelo aanyika.
11 #
Is 61:1; Kul 24:8 Ayebo, nkaambo kabulowa bwacizuminano cesu, njoolobolola baange bako bamucilindi citakwe maanzi. 12Amuboole kumacijilo aanu, inywe nubaange balangila lufutuko, Sunu ncobeni ndamwaambila kuti njoomuboozezya kobile.
Ba-Helene mbubayoojayigwa
13Nkaambo musyobo wa-Juda ndaupeta ube buta bwangu, aba-Efraimu baba mivwi yangu yakufusya buta. Njoovukauzya bana bako, O Zioni, cakulwisya bana bako, O cisi caba-Helene, Muyooba mbuli ipanga lyasilumamba. 14Mpawo Jehova uyoolibonya akati kabo. Mivwi yakwe iyoozwa mbuli lulabi. Mwami Jehova uyoolizya mweembo ukuya bweenda mutumbizi twakumusanza. 15#Lev 4:25Jehova wamakamu uyuoba intobo yabo. Bayoolya akulyataula basizifusyo, nkabela bulowa bwabo bayoobunywa mbuli waini. Bayoozula mbuli mutiba na mbuli zyooko zyacipaililo. 16#Ezk 37:23; Mal 3:17; Is 11:12Mubuzuba obo Jehova Leza wabo uyoobavuna nkaambo nimbelele zyabantu bakwe. Bayoomweka anyika yakwe mbubonya mbuli mabwe amusini mweebesi. 17Ma! Babota! Mbeebesi! Kuyooba maila aakubotya bakubusi, awaini wakubotya banakalindu.
Currently Selected:
Zekariya 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
