Zekariya 10
10
Basondi mbubeena bantu
1 #
Jer 14:22; Joel 2:23 Amukumbile imvula kuli-Jehova ciindi camvula iisyaalila. Amukumbile kuli-Jehova uucita lulabo, uuabila bantu incabwacabwa yakukuzizya boonse micelo yamumyuunda. 2#Mt 9:36; Mk 6:34Nkaambo zikozyano zyamizimu zilaamba zintu zyabuyo, azilengano nzibabona basondi nzyakubeja. Basikulota balaamba makani aatakwe milimo, amajwi aabo aakuumbulizya taagwasyi. Nciceeco bantu ncibaleela mbuli imbelele. Balasoweka nkaambo kakubula mweembeli,
U latapatila beembeli babi
3 #
Kul 4:31; Rut 1:6; Zef 2:7; Lk 1:68; 1 Pet 2:12 Bukali bwangu bwabukila beembeli, abalo basolozi njoobapa mulandu, nkaambo Jehova wamakamu uyoogwasya butanga bwakwe, luzubo lwaJuda, ulababika mbuli imbizi yakwe yabulemu mukati kankondo. 4#Is 22:23Mulimbabo momuti zwe eooko, mulimbabo momuti zwe inembe yatente, mulimbabo momuti zwe buta bwankondo, mulimbabo momuti zwe beendelezi boonse. 5Bayooba mbuli basilumamba bakozu balyataula basinkondonyina muntipa yamumigwagwa. Bayoolwisya, nkaambo Jehova uli abo, nkabela bayoozunda basikutanta imbizi.
6Njooyumya luzubo lwa-Juda akufutula luzubo lwa-Josefa. Njoobaboozya, nkaambo ndabafwida luzyalo, elyo bayooba mbuli kuti teendakabasowede, nkaambo ndime Jehova Leza wabo, njoobavwiila. 7Efraimu uyooba mbuli silumamba sintaze. Myoyo yabo iyookondwa mbubakondwa basikunywa waini. Bana babo bayoobona akusekelela. Myoyo yabo iyookonwa muli-Jehova,
8 #
Is 5:26
Njoobaita akubabunganya, nkaambo ndime ndabanununa, elyo bayoovula mbubonya mbubakavula kalekale. 9Ndabamwaisya akati kazisi, nekubaboobo mumasena aasakene bayoondiibaluka, aboobo bayoopona abana babo akuboola. 10#Rom 11:25; Kul 14:26,27; Is 49:20Njoobaboozya kuzwa kucisi ca-Egepita akubayobolola kuzwa ku-Asuri. Njoobasisya kucisi ca-Gileadi aku-Lebano, mane bakaate, 11#Ezk 30:13Bayooinda mukati kalwizi lwaku-Egepita, pele mayuwe aalwizi ayoozundwa, amabonze aamu-Nile ayooyuminina. Kulisumpula kwaAsuri kuyoobombezegwa, ankoli yabwami yaku-Egepita iyoomana. 12Njoobayumya munguzu zya-Jehova, azina lyakwe ndiliyoobeenzya, mbwaamba Jehova.
Currently Selected:
Zekariya 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
