Zekariya 5
5
Cilengano cabbuku liuluka
1Lino nindakaboola kutambya meso aangu, ndakabona ibbuku liya buuluka, 2Nkabela wakandibuzya kuti, Ncinzi nciwabona? Ndakati, Ndabona ibbuku liya buuluka. Bulamfu bwalya buleelene atukokola tuli makumi obile, abwaamba bwalye buleelene atukokola tuli ikumi, 3#Tus 3:33; Is 24:6; Mal 4:6; Gal 3:10,13; Heb 6:8Lino wakandaambila kuti, Olu ndutuko lumwaikide atala anyika yoonse. Nkaambo umwi aumwi uubba kuzwa sunu uyoonyonyoonwa mbubonya mbuluamba, nkabela umwi aumwi uukonka cakubeja kuzwa sunu uyoonyonyooka mbubonya mbuluamba. 4#Lev 19:12; 14:45; Mt 5:33-36; Jak 5:12Njoolutuma mbwaamba Jehova wamakamu, kuti lunjile muŋanda yamubbi, amuŋanda yayooyo uukonka cakubeja muzina lyangu, nkabela luyookala omo muŋanda akwiitenta yoonse, ziyako amabwe aayo oonse.
Cilengano camwanakazi uuli mumungomo
5Elyo angelo ngu ndakali kwaambaula awe wakaza, wandaambila kuti, Tambya meso aako, ubone na eci cilibonya ncinzi. 6Ndakabuzya kuti, Ncinzi? Wakati, Oyu ngumungomo uuzwa, Alimwi wakati, Mbobubi bwanyika yoonse. 7Elyo civunisyo cabutale cakajaluka, nkabela mukati kamungomo mwakabonwa mwanakazi ulikede. 8Mpawo wakati, Oyu nzezibi. Nkabela wakamutontela mukati kamungomo akujalisya civunisyo cabutale amulomo wawo. 9Elyo nindakatambya meso aangu ndakabona banakazi bobile balaza, amuuwo mumababa aabo. Kabajisi mababa mbuli mababa aamatongola. Lino bakanyamuna mungomo kusikila akatikati kajulu anyika, 10Mpawo ndakabuzya angelo ngundakali kwaambaula awe kuti, Ino bautola kuli mungomo? 11#Jer 29:5Wakati, Bayoouyakila iŋanda mucisi ca-Sinara, Yamana buyo kubambwa, bayootula mungomo mpoonya awo.
Currently Selected:
Zekariya 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
