Tito 3
3
1 #
1 Pet 2:13
Kobayeezya kuti kabanga kabalitesya kubabetesi akubami, kabacita coonse ncobaambilwa kulimbabo, akucita cintu ciluzi coonse. 2#Flp 4:5Batanoosampaula muntu pe, batabi bandwane, pele ababe batontozi, akuba babombe-moyo kubantu boonse.
3 #
1 Kor 6:11; Ef 2:2; 5:8 Nkaambo aswebo iciindi twakali bafubafuba, twakali basigama, twakali kugowela buyo, twakali mubuzike bwazisusi zibi zyamisyobo misyobo abwamisalo yaansi ano, twakali kupona muzibi amubbivwe, akuba alukoyeko alusulano. 4#Tit 2:11; Tus 8:31Pele nibwakapompa buuya bwa-Leza Mufutuli wesu, aluyando lwakwe ndwayandisya bantu, 5#Ef 2:8,9; 5:26; Joh 3:5; 2 Tim 1:9teensi kwaamba kuti nkaambo kamilimo yabululami njotwakacita swebo, pele nkaambo kalweetelelo lwakwe mwini, ncakatufutula, kukusanzigwa kwakakuzyalwa kwabili akubuumi bupya buzwa ku-Muuya Uusalala, 6#Joel 2:28ngwaakatufonkweda muli-Jesu Kristo Mufutuli wesu, 7#Rom 3:24kuti tululamikwe kuluzyalo lwakwe akuba basikukona balangila buumi butamani.
8Ijwi linilini ndeeli, nkabela njanda kuti yebo uliyumye kuliyaaya, kuti boonse abo basyomekede kuli-Leza bajatisye milimo mibotu. Makani mabotu, alagwasya kubantu. 9#1 Tim 4:7Pele twaŋomboombo atwaambo twamazyalani aamikowa akuzwangana akuoombolozya mui ao, kozienguluka, nkaambo ezi tazikwe ancezigwasya, nzyabuyo. 10#2 Joh 1:10; Mt 18:15,16Muntu uukazya, kosaanguna kumulaya lutaanzi alwabili, elyo na tamvwi umusosoloke, 11#1 Tim 6:4,5nkaambo ulizi kuti oyo muntu uuli boobo ulisweekede, alimwi ngosizibi, walibeteka mwini.
Inkumbilo anjuzyo zyakumamanino
12 #
2 Tim 4:12
Mbwenti kutumine buyo Artema naba Tukiko, ufwambaane kuboola kulindime ku-Nikopoli, nkaambo ndikanzide kuyookalila nkuko ciindi camupeyo. 13#Inc 18:24; 1 Kor 3:5,6Alimwi ba-Zena, simulao, a-Apolo, ubayumbe-yumbe cabusungu mulweendo lwabo, kuti kubule ncobabula. 14#Tit 2:14; Mt 7:19; Ef 4:28,29Alimwi bantu besu baleelede kufunda kusungwaala kumilimo mibotu yakuligwasya kuzintu ziyandika, kuti batabi bantu batazyali micelo pe.
15Boonse mbotuli abo balakujuzya, Ubajuzye abo batuyanda calusyomo.
Luzyalo alube anywe nyoonse.
Currently Selected:
Tito 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
