Tito 2
2
Zyeelelo zyabapati
1 #
1 Tim 6:3; 2 Tim 1:13 Pele yebo kogamine kwaamba makani aaelede kufundisya kwinikwini. 2#1 Tim 5:1Baalumi bapati babe basitikide, balilemeke akulibatamika, babe bayumu mukusyoma amukuyandana amukukakatila. 3#1 Tim 3:11Abalo bakaintu bapati mbubonya, babe aziwa zyabulemu, batanootamikizya, nokuba kwiindilizya kunywa imbote, pele babe bafundisi babululami, 4kuti bafundisye bakaintu bacili bana kuyanda balumi babo akuyanda bana babo, 5#Ef 5:22balibatamike, akusalala, akukutauka kabotu mumaanda aabo, kabasamauka, akumvwa balumi babo, kuti makani aa-Leza atasampaulwi.
Zyeelelo zyabakubusi azyabazike
6Abalo baalumi bacili bana mbubonya, ubalaye kuti basitikile muziyanza zyoonse. 7#1 Tim 4:12; 1 Pet 5:3Webo omwini uleelede kuba citondezyo cabo cakoonda milimo mibotu. Kwiisya kwako kube kwalusinizyo akwabulemu, 8#1 Pet 2:15alimwi majwi ngoamba abote, atabikiki mulandu, kuti oyo uukazya makani ngotwaamba ause, abule bubi mbwataamba. 9#Ef 6:5; 1 Tim 6:1; 1 Pet 2:18Alimwi baambilisye bazike kuti kabalitesya kulibasimalelo aabo muzintu zyoonse, kababakonda, batanoounduluzya, 10#Tit 1:3batanookuma-kuma zintu zitali zyabo, pele kabalitondezya calusyomo lubotu loko, kuti balemeke muziyanza zyoonse lwiisyo lwa-Leza Mufutuli wesu.
Makani aabuumi busalala
11Nkaambo luzyalo lwa-Leza luleta lufutuko lwaboneka kubantu boonse, 12#Ef 1:4; 1 Joh 2:16kuzootwiisya kuti tuleelede kukazya kasampusampu azisusi zibi zyaansi ano, tuleelede kukala cakulibatamika acakululama acakulemeka Leza muciindi ecino casunu, 13#1 Kor 1:7; Rom 5:2; Flp 3:20akulindila eco coolwe ncotulangila, nkokuti kupompa kwabulemu kwa-Leza wesu mupati, Mufutuli wesu Jesu Kristo, 14#Kul 19:5; Dt 4:20; 7:6; 14:2; Int 130:8; 1 Pet 2:9; 3:13; Gal 1:4; 1 Tim 2:6; Ef 2:10; Ezk 37:23nguwenya wakalyaaba nkaambo kesu, kuti atununune kuzibi zyoonse akulisalazizya bantu kuba banakwakwe, balisanga kumana milimo mibotu,
15 #
1 Tim 4:12
Eno ngaaya makani ngoelede kwiisya akukombelezya, alimwi kolisina kukwaamba cabwami boonse. Kutabi muntu uukubaula.
Currently Selected:
Tito 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
