Lwiimbo Lwa-Solomoni 6
6
1 #
Lwi 1:8
Ino muyandwi wako waya kuli,
O mwanakazi uuebeka?
Muyandwi wako watozya kuli?
Sa tukugwasye kumuyandaula?
2 #
Is 40:11; Zef 3:17; Ciy 7:17; Is 56:8; Joh 10:16 Muyandwi wangu waya kumuunda wakwe,
Kuli malubaluba aanunkilila.
Waya kukweembela kumyuunda,
Akuyoocela impana.
3 #
Lwi 2:16; Ciy 21:2 Muyandwi wangu nguwangu, ambebo ndi wakwe,
Uleembela akati kampana.
Nyimbo azimwi zyakutembaulana kwasibwinga anabwinga
4 #
2 Kor 10:4
Weebeka, O muyandwi wangu, mbuli Tiriza;
Uli mubotu mbuli Jerusalemu.
Ulayoosya mbuli impi ujisi indembela.
5 #
Lwi 4:1
Leka kundilanga,
Nkaambo meso aako alandiyoosya.
Masusu aako ali mbuli butanga bwampongo
Ziya buseluka minkuni ya-Gileadi,
6Meno aako ali mbuli butanga bwambelele,
Zizwa mukusanzigwa,
Zienda bubambene;
Taakwe iibula mweenzinyina.
7Maseya aako ali mbuli zipanzi zyamapomegranite
Kusule lyantambala yako.
8Kwaboneka banamalelo bali makumi aali musanu alimwi, Abasimamambe bali makumi aali musanu aatatu,
Abasimbi banji batabaliki.
9Pele inziba yangu iitakwe kampenda njimwi buyo,
Wakazyalwa alike kulibanyina,
Ulayandika kuliyooyo iwakamuzyala.
Basimbi nibakamubona bakamulemeka,
Abalo banamalelo abasimamambe bakamutembaula.
10Ngwani oyu uusondela uuli mbuli kubucedo,
Uuebeka mbuli mwezi, uusalala mbuli izuba,
Uuyoosya mbuli impi iijisi indembela?
11 #
Lwi 7:12
Ndakainka kumuunda wandongo,
Kuyooobona malubaluba aakukalonga,
Nkabone na misaansa yafulula,
Amisamu yamapomegranite na ili amaluba.
12Nendatakezi, moyo wangu wakandibika munkalaki antoomwe asilutwe wangu.
13Boola, boola, O musimbi mu-Sulamiwe!
Boola, boola, kuti tukweebele.
Nkaambonzi nomuyanda kweebela musimbi mu-Sulamiwe,
Mbuli mbukweebelwa kuzyana kwaku-Mahanaimu?
Currently Selected:
Lwiimbo Lwa-Solomoni 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
