Lwiimbo Lwa-Solomoni 5
5
1 #
Lwi 4:16; Lk 15:7; Joh 3:29 Ndasika kumuunda wangu, O mucizi wangu, nabwinga wangu,
Ndacela muro amyuunde yangu imwi.
Ndalya buci bwacimbulwe cangu,
Ndanywa waini amalili aangu,
Amulye, nobeenzuma, akunywa,
Amunywisye, nomuyandana.
Ciloto acimwi
2 #
Tus 8:4; Ciy 3:20 Ndakoona, pele moyo wangu wakacili kulanga.
Swiilila! Ndijwi lyamuyandwi wangu! Ulakonkomona.
Wati, Ndijulila, O mucizi wangu, O muyandwi wangu,
O inziba yangu, Ootakwe kampenda,
Nkaambo mutwe wangu ulizwide mume,
Masusu aangu awidwa maanzi aamasiku,
3Ma! Ndasamununa kale ilogwe lyangu!
Sa nsame alimwi?
Ndasanzya kale zituta zyangu!
Sa nzibisye alimwi?
4Mpawo muyandwi wangu wakabika ijanza lyakwe amulyango,
Amoyo wangu wakakankama mukaango kangu.
5Ndakabuka kujalwida muyandwi wangu,
Nkabela maanza aangu akalosya muro,
Minwe yangu yakawisya mafuta aamuro
Azijatilizyo zyamulyango.
6 #
My 5:15; Malo 3:8 Ndakajalwida muyandwi wangu,
Pele muyandwi wangu kainkide kumbi.
Lino moyo wangu wakawizuka naakaamba;
Ndakamuyandaula, pele teendakamujana;
Ndakamwiita, pele takwakandivuwa.
7 #
Lwi 3:3; Inc 20:29,30 Balindizi bakandijana
Nibakali kweendeenda mumunzi.
Bakanduuma akundiyasa,
Bakandinyanzya cikobela cangu.
Mbubakacita balindizi bamalambo.
8Ndamulailila, nobana basimbi ba-Jerusalemu,
Na mwajana muyandwi wangu,
Amumwaambile kuti
Luyando lwandijaya.
Lwiimbo lwakutembaula sibwinga
9Muyandwi wako ulainda buti bayandwi bamwi,
o mwanakazi uuebeka?
Muyandwi wako ulainda buti bayandwi bamwi?
Nkaambonzi notukonkezya obo?
10Muyandwi wangu ulabalangala akukwizima.
Mubotu kwiinda zyuulu zili ikumi,
11Mutwe wakwe uli mbuli ingolida loko,
Masusu aakwe alizingene,
Alasia mbi mbuli cikwangala,
12 #
Lwi 1:15
Meso aakwe ali mbuli inziba
Kumbali lyatulonga twamaanzi.
Alasamba mumalili,
Alikede kutulonga tuzwide.
13Maseya aakwe ali mbuli tuundu twamalubaluba aanunkilila.
Milomo yakwe nimpana zilosya mafuta aamuro.
14Maanza aakwe ali mbuli incoko zyangolida
Zibikilidwe mabwe aa-berulo.
Mubili wakwe uli mbuli inkaya,
Zili amanyengwe aamasafiro.
15Maulu aakwe misumpululu yamabweluuma
Iiyakidwe azikazikilo zyangolida.
Ciwa cakwe cili mbuli Lebano,
Ncibotu mbuli makedari.
16 #
Int 45:2; Jer 31:3; Rom 8:35; Flp 3:8 Kwaamba kwakwe kulabotezya.
Ncobeni ulayandika loko.
Mbwabede muyandwi wangu, mweenzuma,
Nobana basimbi ba-Jerusalemu.
Currently Selected:
Lwiimbo Lwa-Solomoni 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
