Ba-Roma 4
4
Abrahamu alakwe mbwaakalulamikwa kulusyomo
1Lino twaambe buti aa-Abrahamu taateesu waku nyama? 2Nkaambo Abrahamu kuti wakalulamikwa kumilimo, ulijisi cintu cakulikankaizi zya, anukuti kumeso aa-Leza taakwe pe. 3#Matl 15:6; Gal 3:6; Jak 2:23Nkaambo malembe alaamba buti? Ati, Abrahamu wakasyoma Leza, nkabela lusyomo lwakwe lwakeclezegwa mbuli bululami. 4#Rom 11:6; Mt 20:7,14Lino ciliyo casimilimo tacaambwi mbuli cigwasyo buyo pe, cilaambwa mbuli mulandu. 5Pele oyo uutabeleki, pele ulasyoma sikululamika basizibi, kuliyooyo lusyomo lwakwe lulaambwa mbuli bululami. 6#Int 32:1,2Mbubonya obo alakwe Davida mbwaamba coolwe camuntu ngwaelezya Leza bululami cakutaamba milimo. 7#Int 32:1-2Wati,
Bali acoolwe abo balekelelwa milandu yabo,
Azibi zyabo zyavumbwa.
8Uli acoolwe oyo muntu ngwateelezezyi Jehova zibi. 9#Matl 15:6Lino eci coolwe sa ncabasibupalule balike, na ncabasilulomo abalo? Nkaambo tulaamba kuti kuli-Abrahamu lusyomo lwakaambwa mbuli bululami. 10Pele lwakaambwa buti? Sa mbuli sibupalule nanka mbuli silulomo? Katali sibupalule pe, kali silulomo. 11#Matl 17:10,11Nkabela lino wakapegwa citondezyo cabupalule mbuli cibonesyo cabululami buzwa kulusyomo mbwaakajisi naakacili alulomo kuti abe wisaabo boonse basyoma nibali alulomo, kuti abalo bakeelezezegwe bululami, 12#Mt 3:9; 1 Pet 2:21; 2 Kor 12:18alimwi abe wisaabo, abo batali basibupalule buyo pele beenda munzila zyalusyomo olo ndwaakajisi taateesu Abrahamu naakacili alulomo.
13 #
Matl 17:4-6; 22:17-18; Gal 3:29 Nkaambo teensi ku-Mulao nkucakazwa cisyomezyo ncaakapegwa Abrahamu anyungu zyakwe cakuti uzookona nyika, cakazwa kubululami bwalusyomo. 14#Gal 3:18Nkaambo bana ba-Mulao kuti mbabo mbibaswaana, elyo lusyomo lwasampuka, acalo cisyomezyo caba cabuyo. 15#Rom 3:20; 5:13; 7:8,10Ikuti Mulao ulaleta bukali, pele kutakwe Mulao nkukonya kutakwe mulandu. 16#Gal 3:7Nkaambo kaako ncalusyomo, kuti cibe caluzyalo, kuti cisyomezyo cibe calusinizyo kunyungu zyoonse; tacili cabasimulao luzutu pe, ncaboonse basilusyomo mbuli lwa-Abrahamu, nguwenya taateesu toonse, 17#Matl 17:5; Is 48:13mbubonya mbukuJembedwe kuti, Ndakubika mbuli wisaabo bamuzisi zinji, Ngutaateesu toonse kumeso aa-Leza oyo ngwaakasyoma, nguwe uuponya bafu akucita zintu zitawo mbuli ziliwo. 18#Matl 15:5Nibwakamana bulangizi wakacili kulangila cakusyoma kuti abe wisaabo bazisi zinji, mbuli ijwi lyakuti, Mbubonya obo mbuzizooba inyungu zyako, 19#Matl 17:17Nkabela lusyomo lwakwe teelwakakompama nikuba mukuyeeya mubili wakwe mwini mbuwakafwide kale, nkaambo kali amyaaka iili mwaanda, alyalo izyalilo lya-Sara mbulyakafwide. 20#Heb 11:7,11,34Teewakadooneka kucisyomezyo ca-Leza kukutasyoma pe, pele wakayumisigwa mulusyomo, kukupa Leza bulemu, 21akusyomenena kuti eco ncaakasyomezya ulakonzya kucicita ncobeni. 22#Matl 15:6Nciceeco ncilwakamweelezezegwa mbuli bululami. 23#Rom 15:4Nkabela teensi nkaambo kanguwe luzutu nkilyakalembwa eli ijwi lyakuti wakeelezezegwa, 24#1 Pet 1:21lyakalembwa nkaambo kandiswe, ikuti aswebo tuzooelezezegwa, iswe tusyoma oyo iwakabusya Jesu Mwami wesu kuzwa kubafu, 25#Is 53:4-5; 1 Kor 15:17Nguwe wakaabwa nkaambo kamilandu yesu, nkabela wakabusigwa kuti tukalulamikwe.
Currently Selected:
Ba-Roma 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
