Ba-Roma 10
10
Ba-Juda balayeeya kuti lufutuko lulazwa kumilimo njibacita beni
1 #
Inc 22:3
Bakwesu, ciyandwa camumoyo wangu acintu ncimbakumbilila kuliLeza nceeci, nkuti bafutuke. 2Ndazumina kuti bali abusungu kumakani aa-Leza, pele busungu mbubajisi teensi bwaluzibo. 3#Rom 9:31,32Nkaambo kabatezi bululami bwa-Leza, pele bakali kusoleka kwiimika bululami bwabo beni, nciceeco ncibatakaima kulibombya kubululami bwa-Leza, 4#Mt 5:17; Joh 3:18; Heb 8:13Ikuti Kristo nguumanya Mulao, nguwe uuleta bululami kuliboonse basyoma. 5#Lev 18:5; Gal 3:12Nkaambo Musa ulalemba aabululami buzwa kumulao kuti, Muntu uubucita uzooponena mbubonya, 6#Dt 30:12-14Pele bululami buzwa kulusyomo bulaamba boobo, buti, Utaambi mumoyo wako kuti, Nguni uuyootanta kujulu? (nkukuti, kuyooselusya Kristo), 7nikuba kuti, Nguni uuyooselukila kunsi? (nkukuti, kuyootantika Kristo kuzwa kubafu), 8#Dt 30:14Pe, mbutyeni? Buti, Ijwi lili kufwiifwi kulinduwe, lili mukanwa lyako amumoyo wako, nkukuti, ijwi lyalusyomo nditukambauka, 9#2 Kor 4:5Iyakuti, Anooli wazumina kumulomo kuti Jesu ngu-Mwami, akusyoma mumoyo wako kuti Leza wakamubusya kubafu, noti kafutuke. 10Nkaambo kumoyo kulasyomwa kuti kube bululami, akumulomo kulazuminwa kuti kube lufutuko.
Aya makani aalufutuko luzwa kulusyomo alakambaukilwa bantu boonse
11 #
Is 28:16
Ikuti malembe alaamba kuti, Taakwe naba omwe uumusyoma uunoousigwa bweeme. 12#Inc 10:34; 15:9Taakwe bwaanka kuba-Juda akubamasi, nkaambo Mwami wabo boonse nguumwi buyo, ulabavubila boonse bamulilila. 13#Joel 2:32Ikuti umwi aumwi uulilila izina lya-Mwami ulafutuka. 14Pele bamulilile buti ngubatana kusyoma? Alimwi bamusyome buti ngubatana kumvwa? Alimwi, bamvwe buti nikutakwe sikukambauka? 15#Is 52:7Alimwi, bantu bakambauke buti, batatumwa? Mbubonya mbukulembedwe kuti, Abota loko maulu aabaabo bakambauka Ivangele lyamakani mabotu.
16 #
Is 43:1
Pele teensi boonse bazuminina Makani Mabotu. Isaya ulaamba kuti, Mwami, nguni uuzuminina inkombe yesu? 17#Joh 17:20Lino lusyomo lulazwa kunkombe, alimwi inkombe ilazwa kujwi lya-Leza. 18#Int 19:4Pele ndabuzya kuti, Sa tabana kumvwa? Balimvwide.
Ijwi lyabo lyamwaika munyika yoonse,
Makani aabo asika nikuba kumagolelo aansi.
19 #
Dt 32:21
Pele alimwi ndabuzya kuti, Sa ba-Israyeli tabana kuziba? We! kukutaanguna Musa ulaamba kuti,
Nzoomuzubaazya kulibaabo batali cisi,
Nzoomukalazya kucisi cifubafuba.
20 #
Is 65:1
Alakwe Isaya ulaamba cabukozu kuti,
Ndakajanwa kulibaabo batakandiyandaula,
Ndakayubunwidwa kulibaabo batakandivwima,
21 #
Is 65:2
Alimwi ulaamba aaba-Israyeli kuti, Buzuba boonse buyo ndakatambika maanza aangu kucisi cacinguni acaŋunzuunzu.
Currently Selected:
Ba-Roma 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
