Ciyubunuzyo 20

Saatani waangwa myaaka iili cuulu. Banakristo baleenda antoomwe a-Kristo

1 # 2 Pet 2:4; Jud 1:6 Lino ndakabona angelo uuza buseluka kujulu, ulijisi cijuzyo camulindi uutagoli. Mujanza lyakwe mwakali inketani impati, 2#Matl 3:1; Zek 3:1; Ciy 9:1; 12:9nkabela wakajata Simwaaba, eyo inzoka yaciindi iitegwa Diabolosi a-Saatani, akumwaanga myaaka iili cuulu. 3#2 Tes 2:9,10Wakamusowela mumulindi uutagoli, wakamujalila akusinka kujulu, kuti ateeni limbi masi mane do yamana eyo myaaka iili cuulu, elyo musule lyayaaya uleelede kwaangununwa kaindi kaniini.

4 # Dan 7:9,22,27; Lk 22:30; 1 Kor 6:2 Mpawo ndakabona zyuuno mpobakede, nkabela bakapegwa lubeteko, alimwi ndakabona myuuya yabaabo ibakakosolwa mitwe nkaambo kabumboni bwa-Jesu amakani aa-Leza, abaabo ibatakali kukomba cinyama acikozyano caco akutatambula bulembo bwaco ankumu zyabo nimuba mumaanza aabo, Aba bantu bakapona akweendelezya antoomwe a-Kristo myaaka iili cuulu. 5#1 Kor 15:23; 1 Tes 4:16Pele bamwi bafu boonse ibakasyaala teebakabuka pe mane do myaaka iili cuulu imaninine. Mboobu bubuke butaanzi, 6#Is 61:6; Ciy 5:10Uli acoolwe, alimwi ulasalala, kufumbwa muntu uubuka mububuke obu butaanzi, Kulibaabo bali boobo lufu lwabili talukwe inguzu, pele bayooba bapaizi ba-Leza aba-Kristo, bayooendelezya awe myaaka iili cuulu,

7Lino myaaka iili cuulu yaakumana, Saatani uyooangununwa muntolongo yakwe, 8#Ezk 7:2; 38:2,9,15elyo uyooinka kuyooena masi oonse aali muzyooko zyone zyanyika, Gogo a-Magogo, akwaabunganya antoomwe kunkondo. Mweelwe wabantu uli mbuli musee wakulwizi. 9#Hab 1:6; 2 Bam 1:10; Ezk 38:22; 39:6Nkabela bakeendeenda mubulamfu boonse bwanyika akuzingulula inkambe yabasalali amunzi uuyandika. Mpoonya awo kwakaseluka mulilo kuzwa kujulu, wakabaumpa. 10#Matl 19:24; Ciy 19:20Lino Saatani sikubeena wakasowegwa muziba lyamulilo uuyaka asulufa, nkukonya nkucibede cinyama, alakwe musinsimi mubeji nkwabede, nkabela bazoopenzegwa isikati amasiku lyoonse lyoonse kukabe kutamani.

Bubuke bwabafu. Lubeta lupati lwakumamanino

11 # Mt 25:31-46; Dan 2:35 Lino ndakabona cuuno cipati cituba ayooyo uukede alincico. Kuzwa kubusyu bwakwe nyika ajulu zyoonse zyakacija, nkabela masena aazyo taakakajanwa limbi pe. 12#Dan 7:10; Ciy 3:5; Flp 4:3; Rom 2:6Mpawo ndakabona bafu boonse, bapati abaniini, baliimvwi kunembo lya-Leza, elyo mabuku akavununwa, alimwi kwakavununwa ibbuku limwi, ndebbuku lyabuumi. Nkabela bafu bakabetekwa mbuli makani aalembedwe mumabuku, mbuli milimo yabo. 13#Joh 5:28,29Nkabela lwizi lwakabweedezya bafu bali mulindulo, alwalo lufu acikalilo cabafu zyoonse zyakabweedezya bafu bali mulinzizyo. Lino bakabetekwa muntu umwi aumwi mbuli milimo yakwe. 14#1 Kor 15:26,55Mpoonya awo lufu acikalilo cabafu zyoonse zyakasowelwa muziba lyamulilo. Eli iziba lyamulilo ndilyonya ndolufu lwabili. 15#Dan 12:1; Mt 25:41Nkabela umwi aumwi iwatakajanwa izina lyakwe mubbuku lyabuumi wakasowelwa muziba lyamulilo.

Currently Selected:

Ciyubunuzyo 20: Ibbaib63

Highlight

Copy