Intembauzyo 9
9
Kumupati wabasikwiimba, Lwiimbo lwakulizya Muti-labeni, Intembauzyo ya-Davida
1Njoolumba Jehova amoyo wangu woonse,
Njooluula malele aako oonse.
2Njookondwa akusekelela mulinduwe,
Njootembaula izina lyako, O Mupati kampatila.
3Basinkondoma nibakapiluka musule,
Bakalebwa, banyonyooka, kubusyu bwako.
4Nkaambo wandikosweda makani aangu mbuli bweelede,
Wakala acuuno cako, wabeteka cakululama.
5 #
Dt 9:14
Wabukila bamasi, wanyonyoona basizibi,
Waziminganya izina lyabo lyoonse alyoonse.
6Basinkondoma bamaninina, banyonyooka cakutabonwa;
Minzi yabo waizyula;
Ciibalusyo cayo calobelela,
7 #
Int 90:2; Mik 5:2; Hab 1:12; Heb 1:11 Pele Jehova ulikede lyoonse;
Wakazika cuuno cakwe kuti abeteke:
8Ulabeteka luwa cakululama,
Ulakosweda bantu makani calusinizyo.
9Jehova ngemayubilo aabapenzegwa,
Mayubilo kuziindi zyamapenzi.
10 #
Int 91:14; Joh 17:3; 2 Kor 4:6; 2 Tim 1:12; 1 Joh 2:3,4 Boonse bazi izina lyako balakusyoma,
Nkaambo webo, O Jehova, tobalekelezyi abo bakuyandaula,
11Amutembaule Jehova uukala mu-Ziyoni,
Amuluule milimo yakwe akati kabamasi.
12Nkaambo oyo uubeteka basikutila bulowa ulabayeeya.
Talubi kulila kwabapengede.
13Kondifwida luzyalo, O Jehova;
Bona mbundapenga kulibaabo bandisulide,
Webo nondisumpula kuzwa kumilyango yalufu;
14 #
Int 13:5
Kuti nkaluule intembauzyo zyako zyoonse
Akukondwa mulufutuko lwako
Mumilyango yamunzi wa-Zioni.
15Bamasi bawida mucilindi ncibakasya,
Amukakole nkebakateya maulu aabo beni ajatwa.
16 #
Kul 7:5
Jehova walibonya kulubeta ndwaakacita;
Wateya sizibi mumilimo yamaanza aakwe mwini. Higaioni.
Sela.
17 #
Job 8:13; Int 50:22; Jer 2:32; Hos 2:13 Basizibi bayoopilusigwa kubusangu,
Abamasi oonse baluba Leza,
18 #
Int 12:5; Flp 1:20 Nkaambo bacete tabakooyoolubwa lyoonse;
Bulangizi bwabapengede tabukooyoofwidilila pe.
19Buka, O Jehova, bantu batazundi,
Bamasi babetekwe kubusyu bwako.
20Buyoofu abubajate, O Jehova;
Bamasi bazibe kuti mbantu buyo.
Currently Selected:
Intembauzyo 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
