Intembauzyo 10
10
1Ulaiminanzi kule, O Jehova?
Ulayubilanzi kuziindi zyamapenzi?
2 #
Tus 5:22
Basizibi balalisumpula, balapenzya bacete.
Bajatwe mumakanze aabo beni.
3Nkaambo sizibi ulalikankaizya zisusi zyamoyo wakwe,
Sikulikumbuzya wasowa Jehova, wamusampaula.
4 #
2 Bam 18:35; Job 21:15; Int 12:3-5 Sizibi ulaimbulula busyu bwakwe, tayandauli Leza.
Miyeeyo yakwe yoonse njakuti, Taakwe Leza.
5Inzila zyakwe zili acoolwe ciindi coonse;
Imbeta zyako zili kule kujulu kumeso aakwe;
Basinkondonyina boonse ulabawela buyo.
6Ulaamba mumoyo wakwe kuti, Nsikooyoosunzululwa,
Nsikooyoowida mumapenzi mumazyalani oonse.
7 #
Rom 3:14
Mulomo wakwe ulizwide matusi alweeno akupenzya;
Kunsi kululimi lwakwe kuli lutuzi abubi.
8Ulakala cakulisisa muminzi,
Mumayubilo ulajaya batakwe milandu.
Meso aakwe alalanga bacete kumbali.
9Ulalisisa mumayubilo mbuli mulavu musokwe,
Ulalisisa kuti ajate bacete.
Ulabajata bacete, ulabakwela.
10Sisimbalwe ulakwamaunwa, ulawida ansi,
Ulawisigwa kulibasinguzu,
11Ulaamba mumoyo wakwe kuti, Leza waluba,
Wasisa busyu bwakwe, takooyoobona limbi.
12Buka, O Jehova; sumpula ijanza lyako, O Leza;
Utalubi bapengede.
13Mubi ulasampaulilanzi Leza?
Aambilenzi mumoyo wakwe kuti, Tolinguli makani?
14Pele uwe ulabona, ulalanga bubi akupenzya,
Kuti ubweze makani mumaanza aako.
Sisimbalwe ulalileta kulinduwe,
Webo oogwasya bamucaala.
15Tyola maboko aababi abasizibi.
Yandaula bubi bwakwe kuti butabonwi limbi.
16Jehova ngumwami walyoonse alyoonse,
Bamasi bayoonyonyooka mucisi cakwe,
17Wamvwa kuyanda kwababombemyoyo, O Jehova.
Ulakazika moyo wabo, ulacenjeka kutwi kwako.
18Kuti ubeteke mucaala ayooyo uuondongwa,
Kuti muntu waansi atajazyi limbi bukandu.
Currently Selected:
Intembauzyo 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
