Intembauzyo 6
6
Kumupati wabasikwiimba. Lwiimbo lwakulizya atuntimbwa amajwi aakuboba. Intembauzyo ya-Davida
1 #
Int 38:1
O Jehova, utanditapatili cabukali,
Utanduumi cakunyema.
2 #
Hos 6:1
Kondifwida luzyalo, O Jehova, nkaambo ndalengauka.
Kondiponya, O Jehova, nkaambo zifuwa zyangu zyakankama.
3 #
Tus 18:14; Mt 26:38 Moyo wangu wakankama loko.
Ino webo, O Jehova, ulandigwasya lili?
4Boola, O Jehova, kuzoovuna buumi bwangu,
Kondifutula nkaambo kaluzyalo lwako.
5 #
Int 30:9
Nkaambo mulufu taakwe pe kuyeeya nduwe,
Mubusangu nguni uukonzya kukulumba?
6Ndakataala kukutongela kwangu,
Masiku oonse ndalopya bulo bwangu misozi,
Cilyolwedo ndacitesya akulila kwangu,
7Meso aangu aubila kumapenzi,
Acembaala nkaambo kabasinkondoma banji,
8 #
Mt 7:23; Lk 13:27 Amuzwe kulindime nyoonse nobamucitazibi,
Nkaambo Jehova waswiilila ijwi lyakulila kwangu.
9 #
Int 3:4; 31:22; 40:1,2 Jehova ulateelela kukumbila kwangu,
Jehova ulatambula cikombyo cangu.
10Basinkondoma boonse bayoofwa bweeme akupenga loko.
Bayoofwambaana kupilukila musule akufwa bweeme.
Currently Selected:
Intembauzyo 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
