Intembauzyo 125
125
Lwiimbo lwakutansya
1Abo basyoma Jehova bali mbuli cilundu ca-Zioni,
Citazungaani, cikede lyoonse.
2Mbuli zilundu mbuzizyungulukide Jerusalemu,
Mbubonya obo Jehova mbwazyungulukide bantu bakwe,
Ciindi ecino alyoonse mane kukabe kutamani.
3Nkaambo inkoli yabubi tiikooyookala amitwe yabaluleme,
Kuti baluleme batabiki maanza aabo kukucita bubi.
4Babotu, kobacitila kabotu, O Jehova,
Aboonse balulememyoyo.
5 #
Tus 2:15; Is 59:8; Gal 6:16 Pele abo bapambukila munzila zipilingene,
Jehova ulabatanda antoomwe abasizibi.
Akube luumuno ku-Israyeli.
Currently Selected:
Intembauzyo 125: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
