Intembauzyo 102
102
Cikombyo camuntu uupengede ciindi cakulemununa moyo wakwe kubusyu bwa-Jehova
1O Jehova, swiilila cikombyo cangu!
Kulila kwangu kumvwigwe kulinduwe!
2Utandisisili busyu bwako mubuzuba bwakupenga kwangu,
Cenjeka kutwi kwako kulindime,
Fwambaana kundivuwa mubuzuba bwakoongolola kwangu,
3 #
Jak 4:14; Malo 1:13 Nkaambo mazuba aangu aya bumana mbuli busi,
Azifuwa zyangu zyapya mbuli inkuni.
4Moyo wangu watentwa mbuli bwizu, wayuminina,
Ndaluba akulya zilyo zyangu,
5Nkaambo kajwi lyakutongela kwangu,
Zifuwa zyangu zyaangatila kunyama yangu,
6 #
Is 34:11; Zef 2:14 Ndikozyene asifundwe wamusokwe,
Ndili mbuli sikusiku likala mumatongo.
7Ndakacilwa koona,
Ndaba mbuli kayuni kakede akalike ansumpa yaŋanda.
8 #
Inc 23:12
Buzuba boonse basinkondoma balandisampaula;
Abaabo bandisondokela banditukila.
9Nkaambo ndalya itwe mbuli insima,
Acakunywa cangu cilivwelene amisozi,
10 #
Int 30:7
Nkaambo kabukali bwako buyoosya,
Nkaambo wandibweza, wandisowa.
11 #
Jak 1:10
Mazuba aangu aba mbuli eenzule cagoko,
Ndapusama mbuli bwizu.
12 #
1 Tim 6:16
Pele yebo, O Jehova, uliwo lyoonse.
Ciibalusyo cako ncakumazyalani oonse.
13 #
Is 40:2
Ulabuka, kuti ufwide Zioni luzyalo;
Ciindi cakumufwida buuya, ciindi ceelede, casika.
14 #
Dan 9:2
Nkaambo balanda bako balayandisya mabwe aawo,
Alusuko lwawo balalufwida luzyalo.
15 #
1 Bam 8:43
Lino bamasi balayoowa izina lya-Jehova,
Abami boonse baansi balayoowa bulemu bwako.
16Nkaambo Jehova wayaka Zioni,
Waboneka mubulemu bwakwe.
17 #
Neh 2:8
Waswiilila cikombyo cabaswekede,
Tasampauli cikombyo cabo.
18 #
Rom 15:4; 1 Kor 10:11; Int 22:31; Is 43:21 Aya makani alembelwe izyalani liciboola,
Kuti bantu batanazyalwa batembaule Jehova:
19 #
Dt 26:15; Int 14:2 Wasondela kuzwa kubusena bwakwe busalalisya bwakujulu,
Kujulu Jehova walangilila ansi,
20Aswiilile kutongela kwabaange,
Aangunune bana balufu,
21Kuti bantu baluule izina lya-Jehova mu-Zioni,
Antembauzyo zyakwe mu-Jerusalemu,
22 #
Hos 1:11
Bamasi nibayoobungana antoomwe,
Amisyobo yabantu, kuti bakombe Jehova.
23Wacesya inguzu zyangu munzila,
Wafwinsya mazuba aangu.
24 #
Int 90:2; Hab 1:12; Ciy 1:4,8 Ndati, O Leza wangu, utandikoswedi mazuba aangu,
Yebo oli amyaka yamazyalani oonse.
25 #
Matl 1:1; Kul 20:11; Job 38:4-7; Heb 1:10-12 Kalekale wakatalika nyika,
Amajulu njemilimo yamaanza aako.
26 #
Is 66:22; Rom 8:20; 2 Pet 3:7 Alo ayooloba, pele yebo unooliwo;
Oonse ayookulumpala mbuli zyakusama;
Uyooavundununa mbuli cibaki mbucivundununwa.
27 #
Mal 3:6
Pele yebo unooli mbubonya,
Amyaka yako tiikooyoogola.
28Bana babalanda bako banooyookede,
Alunyungu lwabo luyookalilila kubusyu bwako.
Currently Selected:
Intembauzyo 102: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
